المساعد الشخصي الرقمي

مشاهدة النسخة كاملة : ساعدوني يا أهل رفحا ..



بنوته كول
27 Dec 2007, 10:58 AM
السلام عليكم ورحمة الله وبركاته ..


كل سنة وانتو طيبين مع انها متأخرهـ .. :I

بقولكم المشكلة بإختصار شديد .. انا ماني من رفحا .. وصار النصيب اني اسكن ببلد زوجي رفحا

الموهم انا متخرجة صارلي سنتين وكل مايفتح تقديم اقدم اوراقي ..وباخر تقديم صار بالتوجيه برفحا قدمت ملفي ..

والحين انفصلت عن زوجي ورجعت لاهلي ... ولما كلمت الديوان ابغى اعرف ايش صار
بترتيبي .. قالولي اخرتقديم وين قدمتي قلت برفحا ..قالولي التغى اسمك من عندنا وصارت كل بياناتك برفحا ... راجعيهم ..:(

حاولت افهمه مشكلتي مااعطاني فرصه .. قالي لو بيجيكي تعيين يقدر زوجك يرفضه .
روحي وغيري بياناتك هناك ( رقم التلفون ) ..



وانا بصراحه مااعندي احد يقدر يسافر بي .. خواني صغار والوالد مستحيل يسافر لانه تعبان


ارجوكم الي يقدر يفيدني بشي يتفضل .. او اذا فيه احد مثل مشكلتي يعلمني وش اسوي .


اختكم .

شمالية123
27 Dec 2007, 09:30 PM
يابنوته وضحي رسالتك غير مفهومة هل انت من عرعر؟أذا فتح الديوان بالصيف تقدرين تقدمين من جديد وافضل تاخذين دورة حاسب سنة يرفع من نقاطك لكن وش تخصصك؟

الوجين
27 Dec 2007, 11:13 PM
ترتيبك تقدرين تعرفينه من ديوان عرعر
وكل سنة تقديم جديد وبيانات جديده
كيف التغى اسمك؟؟؟؟؟؟؟؟؟مافهمت

ذويبان11
29 Dec 2007, 06:17 PM
الله يعينك

فهد
29 Dec 2007, 06:51 PM
تقصدين الوظااايف العامه بالديوان او محو الاميه

بنوته كول
29 Dec 2007, 07:33 PM
ايوا انا من عرعر .. ياقلبي انا معاي شهادات اضافيه فوق شهادتي ..
فهد .. اي شي اهم شي اني اتوظف .. باي طريقه .. ترا واسطه مافيه ..حنا على قد حالنا

شماليه :ـ انا دراسات اسلاميه .. ويقولي بما اني قدمت برفحا اخر مرهـ انتقلت بيناتي لرفحا
يعني مالي شي بعرعر ..

الوجين :ـ يعني مالي سنع بعرعر ... حتى ترتيبي عيا يقولي .. من لهجته جنوبي نحيس

ذويبان :ـ مشكور على المرور .
فهد :ـ ماني قايله لا ... ياشيخ اي شي يطلع من الديوا حلو ... لو ايش ماكان ..

الي يعرف اي احد بتوجيه رفحا يسئله عن حالتي .. كيف اتصرف .

النظام
29 Dec 2007, 08:23 PM
اختي بنوته كول

سلمك الله

امامك أربعة أمور أوضحها لك لكي لاتختلط عليك..... وتعرفي مالك وما عليك:


1- وظائف محو الاميه لازال "الترتيب" في اشراف رفحاء وهذه لايحتاج لها الا في النادر
خلاف فترات التعيين.


2- الوظائف الاستثنائيه وهذه لك الحق بالاطلاع على دورك وقد كانت الملفات في الديوان لهذه الوظائف ونقلت الملفات والقوائم الى ادارة التربيه والتعليم/البنات بعرعر وقد اطلعت على مقال في هذا المنتدى حين تم تغيير النظام بهذه الجزئيه.(ابحثي عن المقال هنا)


3- الوظائف الرسميه وفيها دور واضح وهاذا لايملك احد التغيير فيه لانه يتسم بالعدل وبامكانك الاتصال على الديوان على رقم 6621088 وطلب القسم النسوي او مراجعهتم بنفسك او ارسال اي قريب لقسم الرجال.


4- هناك وظائف هذا الايام وظائف اداريه تابعه للتعليم العالي بكليه البنات بعرعر والتقديم لدى موظف بالتربيه والتعليم/ بنات لان وزارة التعليم العالي لايوجد لها فرع في المنطقه

اتمنى ان اكون افدتك, وأي سؤال انا حاضر كخدمه لهذا المنتدى

بنوته كول
29 Dec 2007, 08:31 PM
النظام .. الله يسعدك يارب على المعلومات الي افدتني فيها .. بس الموظف الي رد علي خوفني وقالي لازم احدث بياناتي زي رقم التلفون .. لان بهالحاله يقدر زوجي انه يرفض توضيفي .

ولازم اني اراجع رفحاء لاني قدمت عندهم .. ولما قلتله اقدر اغيرها من عرعر قالي لا .

يعني مشكلتي تتلخص :

1ـ كيف انقل بياناتي من رفحا لعرعر من غير سفر .
2ـ تغيير رقم التلفون وكرت العائله كمان من غير سفر.

النظام
29 Dec 2007, 08:44 PM
موضوعك اختي سهل .. اذا كنتي تكثرين الدعاء

ثلاث من ما ذكرت لكي لاتحتاجين تغيير المعلومات وتحتاجين تغيير رقم الهاتف


فيما سبق

1- الاشراف اي وحده تراجعهم او اتصلي انتي عليهم ولاتقولين الا ابي اغير رقم الهاتف ولا تتطرقي للانفصال.


2- الديوان بعرع راجعيهم بنفسك واسئلي عن دورك في القسم النسوي وغيري رقم الهاتف ولا تتطرقي لانفصال.

3- ادارة التربيه بعرعر يراجعهم اي قريب لك ويغير التلفون.

4- وظائف الكليه قدمي عليهم كالبقيه.


في حال قبلتي باي وظيفه وجاء الدور عليك , يكون لها باب وجواب,,,


هل في بالك شيئ لم اتطرق له؟



وفق الله الجميع

بنوته كول
29 Dec 2007, 08:49 PM
الله يريحك زي ماريحتني .. والله اني كنت بضيقه مايعلم فيها الا الله ..

كفيت ووفيت رايتك بيضا .. وان شاء الله من بكرا بروح للديوان ..

النظام
29 Dec 2007, 08:55 PM
وبنفس الوقت مرو على ادارة التربيه والتعليم/ بنات (الله يعينكم عليهم وعلى نفوسهم) وغيرو الارقام عندهم , على اساس ان الجوال تغير.

ننتظرك غدا وندعو لك بالتوفيق..

بنوته كول
29 Dec 2007, 08:59 PM
ادارة التربيه والتعليم ... بسئل عنها لاني مادري وينها فيه ..

جزاك الله كل الخير .

النظام
29 Dec 2007, 09:06 PM
في حي المساعديه الجديده

قرب جامع الأمير

من جهة الشمال

بنوته كول
29 Dec 2007, 09:17 PM
يعطيك العافيه >>> تكتب كانها طالبه

المتجولة
29 Dec 2007, 09:39 PM
السلاااااااااااااااااااااااااام بنوووووووته
له له له له له له له

ووودي والله اسااعدك بكل شي

واعتقد انحل سوووئالج واذا بددك شي


انا موجوده>>يعني عندها سالفه

لو مانعرف نسأل من جد

الـوايـلـي
29 Dec 2007, 10:18 PM
بنوته كووووووووووووووووووووووووول

الله يعـــــــــينك ؟؟؟ اكيد ملف اخضر علاقي يعني مالك واسطه والسفر بدون محرم حرام ؟؟

وبعدين انا مادري لييييييييييييييييش اللي يجون رفحاء متزوجين يرجعوووووووووووون منفصايييييييييييين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:i

الوجين
30 Dec 2007, 06:23 PM
بنوتة النظام ماقصر الله يعطيه العافية
ازيدك اذا تبين تعرفين ترتيبك اتصلي على الاشراف في رفحاء واطلبي موجهة الدراسات الاسلامية
عندها الاستثنائي والتعاقد وكل صلاحيات الديوان سابقا
وفقك الله

النظام
30 Dec 2007, 07:47 PM
اشكرك الوجين على الاضافه الرائعه
ورأي الوجين يوفر عليك الكثير
واعتقد ان المشرفه هي الاستاذه منيفه
وليتك الوجين تذكرينا بالرقم لأني ناسيه

اسيربلاقيود
02 Jan 2008, 01:33 AM
افضل حل انك ترجعين لزوجك

واذا جاك تعيين تسحبين عليه وتنفصلين من جديد

اعتقد انه رأي يمشي مع الوضع الانساني المتدهور

تحياتي

طارق الاحمري
02 Jan 2008, 01:58 AM
ودي والله اساعدك بس ما عندي خبره بالحاجات هذي

لكن اتمنى من كل قبي انك تلقين مرادك

دمتي بود

ليث
05 Jan 2008, 10:36 PM
الله يوفقك

بشري وش صار....

بنوته كول
10 Jan 2008, 11:35 PM
مشكورين على الاهتمام .. ربي يسعدكم

>> حسة انها مهمة عندكم

ايلموهيم

طبعا كلمت الديوان .. وقالت الاخت انها ماتقدر تعدل اي شي الا وقت التقديم

وطلع خوفي مو بمحله لاني ريضه ... ترتيبي 400 وشوي ..

الله يعين .. بس

اسير بلاقيود .. شكلك متأثر بالمسلسلات الكويتيه ..

المتجولة
11 Jan 2008, 06:41 PM
رجعت مرة ثاانيه لمقالج,,, بس عشان اقول ياارب يوفقك