تأهل شاعر قبيلة عبس وخروج الشاعر عقاب الربع ..؟

[متعب فهد]

قبل قليل أعلنت نتائج التصويت في برنامج شاعر المليون ونتج عنها خروج عقاب الربع ...لي عوده

[شوت]

والله اني انغثيت لأن عقاب طلع

[ابونايف]

خسارة خروج عقاب والفرق بصيط
ماعليه يبقى عقاب شاعر يستحق الاشاده
مبروك لمن تأهل

[أخبار رفحاء]

خساره فرق نقطة واحده فقط

[الدب المنفلت]

نقطه اوعشره الرجل طلع وين القطه الي جمعوها له الربع يقول 200الف ريال

[شوت]

تصدقون .. تذكرت محمد الوبير العام الماضي .. كان بينه وبين خالد رافع العنزي نقطة وحدة

[الشلاقي؛؛؛؛]

اتوقع ان هناك سماسرة يديرون التصويت وهذا الحاصل لان الشات ماشي لعقاب من الثلاثاء اللي طاف.....
وكذلك الشاعر نزهان الشمري اللي من سوريا كان الشات لة ماشي ...ماذا حصل؟

[المفترس]

مساكين انتم يا اهل رفحاء

دائما تثقون بأنفسكم كثيرا ما شفنا احد صوت

[ابن الملز]

أه يالقهر والله اني منقهر
ياحسافه صوت واحد الفرق وصوتين للفوز
خيرها بغيرها يابو عفات

[ذويبان11]

الحمد لله على كل حال

[س ك ر 666]

خيرها بغيرها يابو عفات
والجايات اكثر

[جلهم]

الجايات اكثر والكبير كبير ياابوعفات ......................

[دموع البعارين]

نقطه اوعشره الرجل طلع وين القطه الي جمعوها له الربع يقول 200الف ريال
من قال لك إنهم جمعوا 200ألف هذه من كيسك يالحبيب عالعموم لاتصرح بشئ إلا متأكد منه

[رشراش 2000]

خرج فلان تأهل فلان

لا والمشكله رغم معرفة الجميع ان كل اللي يهم بنت الرويني ماني متوكد من اسمها اذا كان خطا صححوه
وولد زايد
هي رسايل الجوال
واغلب الشباب داعسينه للاخر
احد يرسل لانه من الديره اومن القبيله او او او

ياجماعة الخير لا تتعبون انفسكم وتعطونهم فلوسكم لان الفايزين معروفين لديهم وبكل تأكيد لم يكن اختيارهم اعتباطا

مثل العام انحصرت المنافسه بين شعراء بارزين

نسيت اللي انا دخلت على شانه

خروج عقاب
كان متوقعا لانه لم يقدم شيء يؤهله للفوز قصيدته عاديه جدا ولا احد يذكر منها الا (يا خرابي ياخرابي ياخرابي ياخرابي ) طبعا مع الاداء

[برق الصواااعق]

أنا من سمعته يقول يا غيابي ويا خرابي
وأنا غاسلن يدي منه

بعدين هـــــــــذي منافسة ما فيها مجاملات
وين يبي جاي مع فطاحلة الشعر خله هنا عندنا أحسله من هالفشيلة !

[عاشق روما]

قبل قليل أعلنت نتائج التصويت في برنامج شاعر المليون ونتج عنها خروج عقاب الربع ...لي عوده خلكم معي تري قصيده عقاب تفشل والله تفشل احسن انه طلع (0ياغيابي ياغيابي )والله عيب حركاته بايخه عقاب يحمل اسم ماهو بسيط ايش ياغيابي يجمعه فكرو تري احسن انه طلع احسن مايجيب الطانه الكبري

[علوان العايد العضيب]

السلام عليكم ورحمة الله وبركاتة :

نقول مبروك للي فاز وهاردلك لعقاب الربع وخيرها بغيرها وتظل شاعر وشاعر كبير وشاعر قدير واتمني لك التوفيق ......... أختيار عقاب الربع ضمن 48 ومن 12 الف شاعر يظل مكسب والي الامام ياابو عفات .

صراحة اشوف بعض الردود مع احترامي الي كتابها ناس شماتة وهذا عيب وماهو من شيم الرجال

لاتنسون ان عقاب الربع شاعر وابوه شاعر وجده شاعر وبمكانكم تسئلون اي واحد يعرفة .

عقاب خانة الاختيار في القصيدة ولكن ليست سيئة .... نقدر نقول اختيار غير موفق لكن مايعني اننا نلغي شاعريتة ..... واللي يبي يعرف قصايد عقاب يدخل علي موقعه ويشوف الشعر وأعذب الشعر

المشكلة ماهو بقصيدة عقاب المشكلة في تصويت القبيلة نسئل انفسنا لماذا يخرج
اللويش بالتصويت .... شعره جميل وقصيدته اجمل لماذ خرج ؟؟؟؟؟؟؟؟؟؟؟؟
نزهان بالتصويت ..... علما ان قصيدته قويه لماذا خرج ؟؟؟؟؟؟؟؟؟؟؟؟؟؟؟
عقاب بالتصويت
والان الدور علي سعود وميه بالميه راح يلحق خويياه وتقولون ماقالها ليس ضعف فيه ولكن بسبب التصويت .

ملاحظة للي يتصيدون في الماء العكر والله العظيم وبالله الكريم لا أعرف عقاب الربع ولاتوجد اي سابق معرفة .
عذبي .

المعذرة اخواني المحترمين هذا الرد فيه بعض القسوة ولكن ليس للكل الي بعض اللي كتبوؤ ردود يتشمتون

المحترم .......... يحترم

[متعب فهد]

لا يضير قبيلة شمر أو أي قبيلة خروج شاعر ينتمي لها من برنامج شاعر المليون القبائل معروفة ولها ماضيها المشرف عندما كان الرجل ليس فقط شاعر فارس وشيخ والأمثال كثيرة حتى أن الكثير منهم أصبح بيت شعر من بعض قصائدهم مثل شاع بين الناس وعبر مئات السنين والأمثلة كثيرة منها بيت للشيخ شالح بن هدلان عندما رد على ابن حميد

ومن شق ستر الناس شقو ستاره
ومن ضحك بثرمان يضحك بلا سن

وبيت الشعر للشيخ محمد المهلهل الشعلان
ولو عندنا من غيب الايام رسه
الادامي مصلوح نفسه يدله

وبيت الشعر للشيخ عبيد الرشيد
اضرب على الكايد الى صرت بحلان
وعند الولي وصل الحبل وانقطاعه


بصراحة راحت سنين الشعر ياغيابي ياغيابي ههههه

على فكرة القصمان مالهم شاعر في برنامج شاعر المليون يعني مرتاحين ولو صار لهم شاعر يعني يبون يصوتون له المشكلة أن أبناء القبائل ينرفع بهم والمستفيد صاحب البرنامج

[الـوايـلـي]

أنا من سمعته يقول يا غيابي ويا خرابي
وأنا غاسلن يدي منه

بعدين هـــــــــذي منافسة ما فيها مجاملات
وين يبي جاي مع فطاحلة الشعر خله هنا عندنا أحسله من هالفشيلة !

ياجماعه عينوا خير الرجال اعطى مايحس انه الافضل لديه (ولكل جوادن كبوه ) وهذا لايخفي شاعريته ويكفي انه ابرز اسم محافظتنا الغاليه (رفحاء) في هذا المحفل الجماهيري المتابع من قبل الشعوب العربيه كافه وعلى جميع المستويات 000

نأمل ان يفوز احد الشعراء السعوديين المشاركين (بالبيرق) والعوده به الى الرياض 0

ناقتي ياناقتي لارباع ولا سديس @ وصلني لابتي من ورى هاكطعوس

البيرق اللي مع ابن فطيس @ ماني خلف كان ماجيبه (كفو يالوايلي من اهلها وتفعلها)

[الوسام]

ضحكتوني ياأهل رفحاء بتعليقاتكم !!!!!طايرين بالربع حيل !!!أجزم أن نسبه قليله من أهل رفحاء صوتو ليش؟ لان متوقعين خروجه!!عمومآ نصيحه لشعراء رفحاء هذا المثل (مكانكي تحمدي أوتستريحي)البركه بالشعراء الباقين تحياتي للجميع

[ذيب سلمى]

ياجماعة الربع والناس الكويسين بالليل الاضلم ..
انا شمري اصلا وفصلا ولكن العنصريه ساحب عليه السيفون بالكامل

الي ابي اقوله ان ياغيابي ياغيابي ياحضوري الخ الخ من الفضائح الي طلع فيها عقاب شيء يفشل اتمنى لو طلع بشيء زين على الاقل

لكن مثل القصائد هذي ودك يقصدها جواد العلي, المريخي .......

لكن ما اقول الا ان الله يوفق (خلف مشعان الفدعاني , ناصر الفراعنه) رجال يدل على قصائدهم أشكالهم وحماسهم الصحيح..
انت رجل تعبان ورايح للامارات اقصد شيء حماسي يجذب الجمهور والمتفرجين ولا لا تقصد ومع ذلك تطلع مع الباب الغربي

لذلك نتمنى لعقاب مواصلة جهوده بمدرسته وطلابه ويتخلى عن الشعر افضل...

مع السلامه الكويسه

[برق الصواااعق]

ذيب سلمى صدقت يا أخي

في المسابقه اللي فاتت كان عبدالرحمن يغثنا بميوعته وتمايعه مع إن شعره قوي !

وجانا عقاب لا شعر ولا حماس مثل الفراعنه أو خلف المشعان

لكن الحمدلله إنه ما طول ولا كان الله يستر من المطمات اللي يبي يجيبهن

[flower]

يا جماعه خفوا على الرجال


الشاعر خانه الاختيار ... الغريب انه ما شاور أحد يعني ؟؟؟؟ والله غرررريبه


محفل مثل شاعر المليون لا يقبل مثل هذه القصائد على الاقل بالبدايه يبدأ بقصيده حماسيه حتى لو كان فيها عنصريه او نصح او اي شي


الا قصيدة يا غيييييييييييييييابي هذه اااااااااه تقهر



بصراحه انا تجمست معاه اول مابدأ بقصيدة زايد بس بعدين خربه