الجامح77
20 Jan 2008, 12:28 PM
بنات فكري
مادام حلوالنوم للعين ماناش
وبنات فكري كثرن المطاريش
سر ياقلم واكتب ولوخاطري ماش
وعروق قلبي ضاميات ومعاطيش
من سبة اللي شفته وخاطري طاش
خشف ٍ صغير ٍتوه بحزة الطيش
من صادفه ماظنتي يسلم {إن عاش}
مامن سلامه من وساع ٍ مراييش
ولامن تخطى فيه من هيبة الباش
ولامر سووا معجبينه تفاتيش
ولاراح مقفي قلت في خير معتاش
ولاشفت خصره قلت ماياكل العيش
ولو ان حظي طيب أقبل علي كاش
ولاكان سبب لي كبار المباليش
حظ ٍ تعيس ونجس وأردى من اللاش
وفي فزعته ماظنتي حرك الريش
ويالله ياللي تعلم بخافي الجاش
تروي عروق ٍ ضاميات ومعاطيش
الشاعر/ماجد عواد السعدي
مادام حلوالنوم للعين ماناش
وبنات فكري كثرن المطاريش
سر ياقلم واكتب ولوخاطري ماش
وعروق قلبي ضاميات ومعاطيش
من سبة اللي شفته وخاطري طاش
خشف ٍ صغير ٍتوه بحزة الطيش
من صادفه ماظنتي يسلم {إن عاش}
مامن سلامه من وساع ٍ مراييش
ولامن تخطى فيه من هيبة الباش
ولامر سووا معجبينه تفاتيش
ولاراح مقفي قلت في خير معتاش
ولاشفت خصره قلت ماياكل العيش
ولو ان حظي طيب أقبل علي كاش
ولاكان سبب لي كبار المباليش
حظ ٍ تعيس ونجس وأردى من اللاش
وفي فزعته ماظنتي حرك الريش
ويالله ياللي تعلم بخافي الجاش
تروي عروق ٍ ضاميات ومعاطيش
الشاعر/ماجد عواد السعدي