ويامدور الجالس على شبة الكار ... إسأل عن الويلان تلقى محله

[ابوعهـــد]

اسعد الله اوقاتكم بكل حال ..... مصافحه
::

::

::::::::




الوايلي مجبول على شبـه الكـار
وسيـع الثنايـا مجلســــه ماتملـه

مشرع ٍ بابه على طـول الأعمـار
الضيف لا من جـاه حسبـت هلله

يشفق على شوفة رجاجيل ٍ خيـار
ليـا قبلــــــوا يمـه حجــاجـه يفلـه

يشب ضوه قبل بزغات الاسفـار
ويدق نجره يطرب اللي فطن لـه

في مجلسه تلقى مقاديم الاعطـار
وفي مجلسه تلقى علـوم الأخلـه

وفي مجلسه تلقى وافين الاشبـار
شيوخ الرجـال موثــــقيـن الادلـه

يمشي على درب الرجاجيل الاحرار
ويرقى بشمــــوخ النايفـات المطلـه

صـــدره وسيــع ٍمنبتٍ كـل الاقفـار
يسقيه من طيبـه .. ويثمـر مهلـه

ليا تكلــــم كلمتـه وقـــع الامطـــار
يـروي مسامعنـا .. بمزنـن يهلـه

في فزعته يحمى على صالي النار
يثـور بركانـه ... وسيفـه يسـلـه

ولاجا وقت الضيم للضيـم صبـار
مايشتكـي للخلـق فـي مستعلـه

يدعي الإله الواحد النافـع الضـار
يفرج عن الكربـه ويغفـــر مزلـه

في حِسبته للناس موقـع للأنظـار
وفي حِسبته للطيب نغمـة سجلـه

متميز شكله علـى كـل الاقطـار
مثل الجدي معروف ثابـت مطلـه

ويناشد عنّه ترى مافـي اسـرار
معروف والمعـروف كلـن يدلـه

ويامدور الجالس على شبه الكـار
اسأل عن الويـلان .. تلقـى محله







::

::


ولكم أرق التحايا وأعذبها

[صادق الاحاسيس]

ابو عهد

سلمت يمنالك

على خط سطورك الرائعه

التى لا تمل

تقبل مروري

اخوكم صادق الاحاسيس

[عايدالشمري]

و نعم بأولاد وايل صغيرهم قبل كبيرهم
رجال يا خاويتهم كفوك


كعبة الحجاج مكه وكعبة الطيب عنزة ... وان سألت الطيب شاصلك جاوب الطيب عنزي
هم سنام المجد هم اهل الفعول المنجزه ... هم ذرى المظيوم هم ستر الضـعيف المعتزي

[ابوعهـــد]

صادق الاحساس

اسعدني مرورك الرائع ... الذي شع نوره ارجاء المنتدى


احترامي وتقديري

[الدب الداشر]

مشكور أبوعهد ..
ومشكور يا عايد الشمري ..

[أبو خـالـد]

ونعم بعيال وايل يابو عهد
وصح لسانك على هذه الأبيات
تقبل مروري

[المديرالسعودي]

الله يعطيك العافيه
لاهنت

[ابو زياد]

نعم باولاد واااااااااايل

وصح لسانك

[راعي رفحاء]

يقول ابن رشيد
رحمه الله
حنا الضياغم وصلنا بقحطاني ..... وانتم بني وايل صحيح بلا ظن
ونعم بالجميع وحايل هي ارض الكرم والجود

[flower]

ويامدور الجالس على شبه الكـار
اسأل عن الويـلان .. تلقـى محله


ونعم بعنزه ولا هو قصور بجميع القبائل


كل قوم ولا عنزه


كعبة الحجاج مكه وكعبة الطيب عنزه ............... وان سالت الطيب شاصلك جاوب الطيب عنزي

[راعي غنم]

والله ونعم وفالك البيرق

[أنا والليل؟]

صح لسانك ... شاعرنا .

[الجامح77]

ونعم بعنزه ولا هو قصور بجميع القبائل

وصح لسانك أبوعهد


تحياتي
الجــــــامـــح

[نجمة سهيل]

والنعم بنو وايل
ولا تهون قبيلتي و باقي القبايل

[هبساوي]

الله يعطيك العافيه