ألغــــــــــــــاز شعريه. أتمنى من الجميع الجميع المشاركه

[الجامح77]

مساكم الله بالخير جميعاً


أتمنى وضع صفحة خاصة للألغاز الشعبية الشعرية التي ألاحظها في جميع المنتديات الشعرية.هي مجرد فكرة وأتمنى من أخواني المشرفين الأهتمام بالموضوع وتثبيته إذاكان هناك مجال0

وإسمحوا طرح اللغز وأتمنى من الجميع المشاركة

اللغز يقول:

أنشدك ياكاسب من المرجله طوق
مرصع بطيب ووفى ووزود مقدار
عن جادل ٍ مقدارها مرتفع فوق
يشيلها العــاقـل معـه وين ماسـار
وأشوفها في وقتنا مالها سوق
من عقب ماكانوا خواطيبها كثـــار

تأليف/
الجــــ ماجد عواد السعدي ـــامــح

[نجمة سهيل]

مساء الخيير يالجامح الطامح
بعد تفكير وعصر دماغ
توصلت الى
....
أعتقد أعتقد الحكمه ولا الفطنه

[الجامح77]

نجمة سهيل
والله إنك ما أنتي بسيطه
لكن ماهو الحل


الجـــــامــــح

[نجمة سهيل]

طيب الجامح ماقلتلي
أنا قريبه للحل ولا...لا
7
7
7
طيب
7
7
7
الرجوله؟

[ذويبان11]

يمكنها العباةعند البدو اول

[اسيربلاقيود]

الجامح77

ماهي الكرامه

ولا سماوي

[صمت مغتربة]

اعتقد الحل ...العقال ...


شكرا لك الجامح

تحيتي
صمت مغتربة

[سنيوره شمريه]

الجواب هو
(سنيوره شمريه)
قول صح تكفاااااااااااااااااااااااااااااااا
((مصدقه عمرها
هههههههههههههههههههههههههههههههههههههههه

[الجامح77]

نجمة سهيل ماأنتي بعيده ويعطيك العافية

ذويبان والله إنك ذيبان بس ماهوهو

أسيربلاقيود رمعتك زينه بس سماوي

صمت مغتربه يابعدك

سنيورة شمر من غششك

يعطيكم العافيه أخواني وأخواتي جميعا ً على مروركم

الجـــــــــامــــــح

[نجمة سهيل]

الجامح قربها أكثر
يعني هي صفه؟؟
7
7
الكرم

[الجامح77]

أختي نجمة سهيل

والله العظيم إنك نشيطه

لكن ماهوالحل

الجـــــــــــامـــــــح

[نجمة سهيل]

الجامح
ماعرفت والله فكرت وكل من قابلت سألته
مو ناوي تقوله
أو متى ناوي تقوله
او المقابل علشان تقوله

[اسيربلاقيود]

ماهي الثريا

جهاز الثريا تركوه الناس بعد دخول الجوال

مع وجود تغطيه للجوال بكل مكان

تحياتي لك

[الجامح77]

أسيربلاقيود

شكراً على المرور وبارك الله فيك ماهوهو



الجــــامــــح

[نجمة سهيل]

الذقن
(اللحيه)

قربها الله يرضى عليك

[الجامح77]

نجمة سهيل

أول كنتم حوله ومن تالي أبعدتم

الجــــــامــح

[محمدأبوصالح]

يا مساء النور

نشكرك الجامح على هذا الاقتراح

وبالنسبة لرمعتي فطلعت معي ( البندق أو الشبرية )

نشكرك اخونا مرة اخرى وترانا بالالغاز مامن جواد...

[الجامح77]

وجد

شكرا ًعلى مرورك

أخوي محمدأبوصالح

والله العظيم انك مضبوط لكن ماهوالحل
وشكرا ً على المرور


أخوكم
الجــــامــــح

[سنيوره شمريه]

والله اني جبتها

المدرسه

ههههههههههههههههههههههههههههههههه

(ودها تشارك بس ماتدري وش تقول

اعذروها زين ههههههههههههههه

[محمدأبوصالح]

طيب رمعة ثانية (( تحمست )) يمتكن تكون القربة ...

[الجامح77]

سنيورة شمرية وضحي الإجابة
مثلاً مدرسة ليليه وإلا عصريه وإلا صباحي


محمد أبوصالح
يعطيك العافية وللأسف لا



الجـــــــامــــــح

[الجامح77]

إلى متى واللغز قاعد لحاله
إلى متى وهو مقيد ومكبول
ياأهل الوفى والمرجله والشكاله
ماهقوتي فيكم كذا فكر مشلول

ماجدعوادالسعدي

الجــــــــامــــح

[نجمة سهيل]

الفروووسيه
وإذا غلط
طيب سؤال صغير جوابه قياسي نعم أو لا
7
7
7
هل هو صفه؟

[الجامح77]

خطأ
وماأقدر أوضح لأنه على طول ينحل

يعطيك العافية


الجـــــــــامـــــــح

[نجمة سهيل]

مساء الخير الجامح
سألت أبوي يقول
ماهي الأمانه

[الجامح77]

مساء النور نجمة سهيل
هذا الحـــــــــــــــــــل




















للأسف
ماهو صحيح




الجــــــــــامـــــح

[القروي]

الحمدلله
مساء الخير يالجـــامـــح
شكراً على اللغز وابشارك اذا سمحت لي بهالرمعه
( ماهي عمامة الاخوان ؟)

[المهندس]

مممممممممممممم

ماهي الشهادة اللي اول كان لها قيمة والحين ماعاد لها دور

مثل شهادة السادس على سبيل المثال او المتوسط

؟؟؟

[الجامح77]

القــروي
مساء النور ومشاركتك شرف لي
ولكن للأسف الحل غيرصحيح


الجامح

[الجامح77]

المهندس
شكرا ًعلى المشاركة وللأسف الحل غيرصحيح




الجــــــــامــــــــح

[المهندس]

المشكله فيه عدة اشياء ينطبق عليها الحل

طيب لو قلنا الجوخه؟

[الجامح77]

المهندس لو أقول لك الحل تقول صحيح

وأبغى ابين انه شي غير مرئي



تحياتي

الجـــــــامـــــــح

[المهندس]

اللغز حتى يكون وارد لازم ينطبق على شيء واحد فقط

طيب

نقول الشيخة او المشيخة

[الجامح77]

المهندس

للأسف لا شكراً على المجهود اللي بذلته




الجــــــــــامـــــح

[صمت مغتربة]

ممكن يكون الحل ....الشرف ...!!




تحيتي لك
صمت مغتربة

[الجامح77]

ياصمت يامغتربه

الحل خطأ للأسف ماهوحوله إسمحيلي

شكراً على المشاركة


الجـــامــح

[صمت مغتربة]

الحين هل هو شي محسوس ...والا معنوي فقط ..؟؟

ياليت توضح اكثر ...

بالبداية فسرته على انه شي محسوس ...وذلك من الطوق ...ومرتفع فوق يعني على الراس ..

وله قيمة وقدر عند الرجال ...!!


تقبل مروري
صمت مغتربة\\

[الجامح77]

صمت مغتريه

هوشي معنوي
وماهومقتصرعلى الرجال
فقط


الجــــــــــامـــــح

[نجمة سهيل]

أعتقد إنها صفه
وتلاشت بهالزمن
الإحتشام ولا الشهامه

[ذويبان11]

يمكن يمكن


قربة الماء

[الجامح77]

مساء الخير أخوي ذيبان

اللي يتكلم عنه اللغز شي محسوس و ماهو مرئي وتقريبا ً صفه

يعطيك العافية على المرور



الجــــــــــامـــــح

[نجمة سهيل]

الجامح صح انو صفه تلاشت؟
زي ماقلت قبل

[الجامح77]

يابنت الحلال هي تقريباً صفة ماتلاشت هي موجوده بس ؟

[نجمة سهيل]

يابنت الحلال

أسفه للإزعاج

[ذويبان11]

اخوي الجامح
ماهي عزة النفس

[ابوعهـــد]

الجامـــح
اسمحلي بهذه المشاركه .. وبعدها ابدأ بالحل ان شاء الله

اللغـز

أنشدك ياكاسب من المرجله طوق
مرصع بطيب ووفى ووزود مقدار
عن جادل ٍ مقـدارها مرتفع فوق
يشيلها العاقـل معـه وين ماسار
وأشوفـها في وقتنا مالـها سوق
من عقـب ماكانوا خواطيبها كثار

.......................................

الرمعات

الحكمه والفطنه
الرجوله
العباه البشت
الكرامه
العقال
الكرم
جهاز الثريا
الذقن ( اللحيه )
البندق
الشبريه
المدرسه
القربه
الفروسيه
الامانه
عمامه الاخوان
الشهاده الدراسيه
الجوخه
الشيخه او المشيخه
الشرف
الاحتشام او الشهامه
.......................................
تحدي من الجامح

إلى متى واللغز قـاعد لحـاله
إلى متى وهو مقـيد ومكـبول
ياأهل الوفى والمرجله والشكاله
ماهقوتي فيكم كذا فكر مشلول

............................

توضيح من صاحب اللغز

شي غير مرئي .. وهو معنوي .. وغير مقتصر على الرجال دون النساء .. وهي صفه تلاشت لكنها موجوده بقله الآن




مودتي ومحبتي

[ابوعهـــد]

وانا اتوقع .. ان ذويبان جابها ..

اسم على مسمى

[الجامح77]

أخواني الأعضاء والمشرفين صبحكم الله بالخير

الحل هو

هو


هو



هو







النصيحه





والله يعطيكم العافية جميعاً على المشاركات


والرمعات الطيبه




تقبلوا تحياتي



أخوكم

الجـــــ ماجدعوادالسعدي ــــــــامــــــح