الرجاء من شعراء المنتدى الدخول

[الناقد]

0
0
0

السلام عليكم

يقولون أن أصعب قافية هي حرف الواو

وأنا جايب لكم قصيدة للشاعر محمد الفهاد المطيري

وأبيكم تجارونها لأختبار مدى شاعريتكم وفالكم اللجنة





سرى الليل ياسعيد وانا بين ليـت ولـو
زماني مايساعدني وجرح الغرام يـداو
بصدري جروحٍ مبطيات ٍ وشـي ٍ تـو
لك الله.. ياسيد هل العرف كيف اسـاو
من الجادل اللي كن خـده بـوارق نـو
مصابيح خده بالدياجيـر بـرقٍ ضـاو
مظاليل عينه قاذفاتٍ مـن أرض وجـو
صواريخ صنع الروس ليلة هجوم الفاو
عسفني بميدان الهوى ليـن حالـي ذو
ورقيت الرجوم وقمت اجاوب قنيب العاو
تمكن غلاه بمهجة الـروح حتـى إلتـو
لجا.. والرجا باللي على كل خلقه قـاو
وجودي عليه ونار الاشواق جمر وضو
وجود أم ورعٍ حل حتنه وجـاه الطـاو
شريدة ظناها.. مالها إلا بنـات وهـو
تهشم بدمعٍ كن بأقصـى حشاهـا كـاو
على اللي زمالي دون وصله جبال ودو
بعادٍ مواصيله لو أنخى حـروف الـواو

[الـوايـلـي]

يالله تعين المستحين

يوم المطيري جاب قافه على لو
انا بعد سويت مثله على الواو
العشق للعشاق يذبح مهو تو
يالناقد الله لايوريك وشساو
تمشي معاه اب يس ماتعرف النو
تبي السعاده وانت ياصاحبي غاو
ياما من الشجعان بحماه طبو
من غبت ابحوره غدوا فيه ماجاو
والحب لوانك على ايديك تحبو
ماهو تعب لو الحبيبه ورى جاو

والمعذره عجزت عن تاليها طاح اللساني

[برق الصواااعق]

ما بعد أبيات الوايلي مجاراة

[هلال بن مزعل]

شخبط شخابيط التنهد على ( أو )
واسترسل آهات الليالي على ( آو )

تو المزاج اللي تعكر صفا تو
واستبشر الملتاع يا لوعته Now

ما عاد فيها ليت أو ليه أو لو
ولا عاد فيها Where أو Why أو How

يعني اضبطت يا محلا لحظة الـ ( Show )
يا أحلى برستيج الغج Wow ثم Wow

فليت أبوها دام يحلا لي الجو
تعال يا روعة مسا المرتفع خاو

سو الذي ناويه في صاحبك سو
بس أسألك بالله قلب الفتى داو

من سلتا فيقو لين مايوركا أو
ريال مدريد وميامي وبلباو

تأكيد حبّك Yes من قبلها No
وإحساس جنّن مصر والهند والفاو

هبلت بالبسه غدت تهمس بـ ( عو )
والكلب سبك صار يندهلك مياو

غيرك ضياع أحلام وإسبالتك ضو
يشهد بهذا ( بينك بانثر ) و ( تاو تاو )

ما عاد ينفعني معك علم أو قو
أرهبت تمساح المداهيل والـ ( Cow )

يمدحك مدحت بيه وعبيّد و Bou
ويمدحك هتلر والحطيئة ونيناو

آثرتك بحزن ٍ ترنّم على ( أو )
رستكته بقمة ذكائي على ( آو )

[الناقد]

الوايلي صح لسانك

والله قدرت تجاري القصيدة

بس أبي أسألك عن البيت الي تقول فيه

والحب لوانك على ايديك تحبو
ماهو تعب لو الحبيبه ورى جاو

أنت تقصد بكلمة ( جاو ) ( جاوه )إلى بأندونيسيا

على ماأظن

وأجمل بيت عندك

ياما من الشجعان بحماه طبو
من غبت ابحوره غدوا فيه ماجاو

ياسلام عليك

قصيدة جميلة


أشهد أنك شاعر منت بسيط

[الناقد]

صح لسانك ياهلال بن مزعل

والله تعبت وأنا أترجم وراك

وكثير من المفردات ماعرفت معناها مثل

يمدحك مدحت بيه وعبيّد و Bou
ويمدحك هتلر والحطيئة ونيناو

حيث لم أتوصل لمعنى كلمة Bou

ولم أعرفف المقصود بكلمة ( نيناو)

أجمل بيت عندك

سو الذي ناويه في صاحبك سو
بس أسألك بالله قلب الفتى داو

أشهد أنك شاعر

[أرسلان]

من كثر ماقريت القصيدة

والردوود أحس أن براطمي تجمعن على شكل دائرة
من كثر حروف الواو ووووووووووووووووووو

قصيدة المجاراة

زهمت السلام على الحبايب ولا ردو

عليه ..وأنا من حبهم صار قلبي خاو

وأنا عقب فرقاهم تغير علي الجو

سعاير مودتهم وسط جوف صدري ضاو

تكبر علينا يحسبن ماحدن قدو

حسيبي على من دلهه عني وسلاو

يكم جاه مرسولي ولكنهم صدوا

أنا عقب فرقاهم أجاوب عويل الماو (1)

الماو: النجر

ملاحظة

يسمحلي كاتب الموضوع

والأخ الوايلي 0 والأخ هلال بن مزعل

أن مجاراة الأخ الوايلي وهلال لم تكن على نفس البحر الذي

الذي كتب عليه المطيري قصيدته ..... وشكرا

[الجامح77]

إخوي الناقد والله العظيم لي ربع ساعة دخلت وإطلعت على الموضو
ومحمدالفهاد شاعر مايحتاج وأنا جبت لك على البحر والقافية ماهوبس القاف
كله على شان ترضى وش تبي بعد ويعطيك العافيه راع الطافحه على التوضيح
وإليك:

يـقـــول الــذي في فتــل الأبيات ماهو تو
وفي خافقه من ضيم الأيام ذيب(ن) عاو
مسى الخير يالناقد ولو ماأستوى لي جو
ياكـيــــف أتــريح والمـحــبـيـن تو ماجاو
ســـروا ليـلـــة الجمعـه وأنا أشوفعم قفو
وخـلــــي بخـطــواته ثقـل بالمسير مراو
وعينــه تراعينـــي ودمعـه يـعـكس الضو
ويأشـــــــر بـيـده كنــه يقـول ويش أساو
وقفــــى وخــلاني فريســــــة ياليــت ولو
وأنا مــن هــــذاك اليــوم للنـوم ماني قاو

[الـوايـلـي]

نعم اخوي الناقد اقصد (جاوه) الجزيره اللي في اندونيسيا ولمجارات شطر البيت الثاني تم حذف حرف (الهاء)0

اخي انت اللي منت بسيط اللي جبت مثل هذا القاف الصعب وهذايدل على انك شاعر او متذوق ومحب للقوافي الصعبه

وشكرا لشهادتك واعتز بها 0000

[عروووبة]

ماشاء الله تبارك الله مبدعين

[هلال بن مزعل]

خليت الرد على نفس الوزن والقافية :
تنهد وامتطي صهوة قوافي بـ ( آو ) و ( أو )
وداعب حزن وجدانك وغرّد بـ ( أو ) و ( آو )

مزاجي ٍ وأفلسفها وأشعلل بقافي الجو
وأهيجن ذكريات ٍ في ضميري طرت لي Now

قنوع وصابر آلامي ولا قلت ليه و لو
ولا فيها أبد Where و لماذا ولا أسأل How

خبالاتي تسافربك وتسهرْك ليل الـ ( Show )
غنجك وحلو دلعنتك تخليك Wow و Wow

أدغدغ حلم تصويرك نوايا غزتني تو
وأنادي صورتك بالوهم ولفي فديتك خاو


بدالك ما بدالك صاحبي سو فيني سو
طلبتك جرح مفتونك بلطف الموده داو

ترى من سلتا فيقو لين مايوركا لك نو
يحبك كل جمهور الهلال ومعه بلباو

أجي لك Yes ما تطري على لسان ولفك No
أحارب كل وسواس ٍ كأنّي بحرب الفاو

جمالك هستر ببس ٍ ينادي بحزنه ( عو )
ودهور كلب ٍ يفضفض يهيجن بقول ( مياو )

ضياع الكون من دونك وتسبيل رمشك ضو
يأكد لك ظروفي بالهوى ( بيتر ) و ( تاو تاو )

فلا علمي بينفعني ولا حكمتي والقو
تهابك سلحفاة الشوق والضفدعة والـ ( Cow )

طراك بخير مدحت بيه وإعليش وأيضا ً Bou
وزادك مدح هتلر والحطيئه و ( آلن نيناو )

زهمتك بالحزن والشّعْر جبته وصدره ( أو )
ورستكته وهندمته لعينك بقمة وعجزه ( آو )

[العشق الشمالي]

مشكووووووووووووووووووووووووورين

[ذويبان11]

صح لسان الشعراء ماقصروا

["الفيصل"]

يعطيكم العافية

[هلال بن مزعل]

كلمة ( بقمة ) في آخر شطر من ردي الثاني زائدة ...

[رفحاوي]

صح السنتكم اخواني المبدعين الوايلي وهلال وراع الطافح ...

ونستونا بهالمجاراة خفيفة الدم لا هنتوا ...

مشكور اخوي الناقد على موضوعك ويا ليت تكرره عشان نتمتع بابداعات شعرائنا المحبوبين ...

[القروي]

صح السنتكم اخواني المبدعين الوايلي وهلال وراع الطافح ...

ونستونا بهالمجاراة خفيفة الدم لا هنتوا ...

مشكور اخوي الناقد على موضوعك ويا ليت تكرره عشان نتمتع بابداعات شعرائنا المحبوبين ...


الحمدلله:mic
كلهم خير وبركه الي طلّعوا لنا رفحاوي من بعد غيبه
اشكركم على هالقصيد الممتع
وبأسمكم ارحب بالمشاغب رفحاوي بعد ما نوّر القسم .

[أنا والليل؟]

الله لايهينكم شعرائنا الكرام جميعا :
وتقبلوا مشاركتي :
أنا أمشي ورى العربان وآصيح ياهْنو
ترى بعدكم قلبـــي ياخـــلي مــايــحلــــو
أناجـي نجــــــوم الليل تايه بلا ضــــــو
ولحـــدن يرد الصـــوت لا ابـيس او نو
أدور عشير القلب شـرقـــن من الفــــاو
عسى تمضي الأيام والـــعمر يــــزهــــو
انا صاحب العشرة ولا اصبر على الجو
تــذكـــرت يـــوم انــــك تنـاظر اذا اقـفـو
احبك عـدد غـــزو الفــوارس اذا اســرو
وبــعداد مـــاشــمــر مــن الكــيـف صــبو .