اعطو فناني رفحا حقهم

[كحيلان87]

السلام عليكم ورحمة الله وبركاته
تحياتي للجميع
بعد طول غياب اظطراري والذي سوف يحصل بالشهر مره او مرتين
اتمنى ان اشارك اليوم معاكم في موضوع حول فنانين رفحاء سابقا وحاضرا رغم انني لااسمع الغناء وان كنت سمعت سابقا فلم اسمع غير كوكبة الشرق فقط ثم تاب الله علينا
موضوعي ان نعطي فنانين رفحا حقهم بالذكر منذ بدا الغناء في رفحا الى الان ونذكرهم واحد واحد من هاجر ومن اعتزل ومن مازال يغرد على فكرة مانستغني هن خدمات الشيبان امثال ذويبان 11- وقارة رفحا - والتابلاين - ولا يهون باقي الربع :i

[الفارس الأسود]

طيب إذا نت تقول تاب الله علينا، وش لك باللي كان يغني الله يستر علينا وعليه..

[كحيلان87]

يالله صباح خير منين طلعت علينا انت

[شايب الشريا]

كحيلان87 .. فيك شي ؟ ... تشكي من شي ؟



وشلون تاب الله عليك وتبي تتذكرهم ؟



وشلون حتى المعتزل تبي تجيب طاريه ؟




وشلون تبي تتابع الموضوع وانت راح تغيب ولا تدخل الا بالشهر مرة او مرتين ؟




وشلون الموضوع ينزل بدون موافقة المشرفين ؟




وشلون قلبي ما يجي اليوم منصاب .. على الرجم منقوش بعض الكتابة ..

[كحيلان87]

الحمدلله رب العالمين تظن من تاب الله عليه عن سماع الاغاني خلاص ماعاد يتكلم بشي تبيه يروح يمسك له مسجد ويصير امام فيه ولا يروح الهيئة يزكي للصلاه

[الفارس الأسود]

كحيلان.. إي والله يالله صباح خير، وش هاللي معصبن بك طيب.. واحد يقول رايه... سبك؟ شتمك؟ تطاول على حبيب لك؟ ليش تحط موضوعك بالمنتدى طيب؟ تبغى كل الناس معك؟ تبي كل هالناس تمدحك؟ يابناخي الناس تعطي وتاخذ بهالمنتديات.. إذا عاجبك ولا بكيفك

وبعدين مافي بني آدم قال لك رح للمسجد أو سجل بالهيئة.. والله إنك غريب!!!
ألحين إنت تقول إن الله تاب عليك.. تمام؟!!
ثم تقول إنك هالحين تبي تذكر أسماء المغنين برفحاء واللي إنت تبت من سماع الأغاني

إنت تناقض نفسك.. وشلون تبغى تذكر ناس من شغلة إنت تبت منه؟؟؟!!!

يعني أكيد إنك تبت من ذنب، والذنب حقه الستر يالله سترك؟؟ وش لون ترضى إنك تذكر ناس اشتهروا بذنب إنت تبت منه.. ولا الستر لك أما لغيرك حرام فتجي تفضح بهم بالمنتديات؟؟؟

أعوذ بالله من بعض العقول،، ياللي بعدي انتبه تخالف كحيلان.. ياويحك،، امدحه مدح الويل ولا لا ترد..

أوخذ يا ماخوذ...

[وهج]

فنانين رفحاء ثلاثه واحد مات والثاني انتحر والثالث يطلبك الحل .

[النشمي عناد]

شوي شوي ... خويكم مبطي وش بلاكم تورشعتوووووه


ياهلابك ... الأغاني بكل قناة وبكل مكان

ويتزن بها جوالات طبابات سوق العلاوي

وبعض ... أقول بعض .................... بلاش ؟ الذله بنت حلال ؟



وهـــــــــــــــج تملك أحلى توقيع ......... بس ماداخ من هليام

مثل حال الشعب العربي الآبي ... من عند موقق حادرين(ن) سميرا


مسكه شيء ...! تسلم لي ياوهج ويسلم لي توقيعك ؟



:)

[برق الصواااعق]

عطوا سداح فرصة

[شايب الشريا]

يا شيــــــخ الرجــــــــــال مايسمع إلا كوكبـــــــــــة الشـــــــــــــــرق


أمـــــــــــــــــا عـــــــــــــــاد كوكبــــــــــــة الشــــــــرق هذي كثــــــــــر لي منهـــــــــــــــا

[خالد1]

ياشباب هدوا شوي الرجال يبي يكتب موضوع بأي اسلوب كان وهذا اللي طلع منه
موضوع متنااااااااااااااااااااااااااااااااااااااقض و,,,,,,,,,,,,,,,,,,,,,

اتمنى الارتقاء في اختيار المواضيع

[الدب الداشر]

عندي أسماء القدامى كلهم كنا نجلس جلسات طرب خخخخخخخخخخخ

تاب الله علينا وصرنا نسمع شرطان بس !!!

بس أحس أنها ماهي زينة

[flower]

بصراحه مافهمت شي ؟؟


فنانين رفحاء !!!!



شكرا"

[والله يمكن]

ياحيالله الغالي كحيلان
سجل عندك
محمد العوجا ((فتى رفحاء))
عبدالعزيز المنصور
فوزي المزيني
هذا مالدينا


فاصله
يقول لك فيه مصري مطوع دخل محل اغاني يبي شريط قران قال لراعي المحل ادينا شريط قران كريم قال له راعي المحل هذا محل اغاني قال المصري طيب ادينا ناديا مصطفى

[أرسلان]

ياحبيبي يها الولد

أبشر بعزك

بس خايف أذكرهم بعدين يزعلووون

[الوسام]

عطوا سداح فرصة

عطو سداح فرصه؟؟؟؟!!!!!!!!!! اللعن أبو التناقض كله ياشيخ الغفله وأحد يدور فنانيين وناس تنتقد وتنصح وتجي أنت يااللي محترق و صايرمحامي الاخوان المسلمين وتشتم فيني علشانهم والحين تأيد الغناء وترغب باالمساعده لنيل مبتغاء ,,شفت أنك تكيل في مكيالين ولا عندك خوف من الله ,,,قاتل الله الحزبيين

[الغريق]

مافهمتو كحيلان ,,,أبو الكحل واحد من الفنانين المزعومين ,,ويتمنى أن تذكروا اسمه مع بقية الفنانين حتى يقف على شهرته ,,,هل صار مشهورا أم يحتاج لمزيد من الجلسات حتى يتم وضع اسمه مع المشهورين ,,,ماعليش أبو الكحل

[نجمة سهيل]

ردود جداً قاسيه

[غدير الموت]

مع احترامي لكاتب الموضوع
إلا أني رأيت في موضعك تناقض !

[الشمريه]

هلا وغلا كحيلان ....

مشتاقين وين الغيبه

[الشقردي]

للاسف موضوع لايستحق ان يبقى بالمنتدى يوم واحد
موضوع سخيف
المنتديات يفترض ان لايكتب بها سوى المفيد اما السخافات فالاولى حذفها وتطهير المنتديات منها

[جار الرجيلي]

مافيه مشكلة
كل واحد يصلح سيارته
وترى اليابان ماحطوا الاشارات عبث
يعني الواحد لو دق اشارة قبل اللفه يمكن بعد الله تفكه من حادث

[نجم الشمال]

ايه هين كوكب الشرق

[أبو محمد]

مثل ماقال الشباب حنا تاكين بالمنتدى وطبع المنتديات تقبل وجهات النظر حتى لو كانت قاسية (إذا اللي كاتبن الموضوع ماندري هو صاحي وإلا راجع من سهرته)


ملاحظة : ماأدري وش سبب الغياب كل شهر ...
ليه الأخ تجيه الدورة ؟!!!

[ناصر الصعب]

الرجال .....صن

عزالله ماصاد خير .....تورشعتوه الله لا يبلانا ......



يااااااااااااااااااااااااااااااااااااااوه .ِ

[شايب الشريا]

للاسف موضوع لايستحق ان يبقى بالمنتدى يوم واحد
موضوع سخيف
المنتديات يفترض ان لايكتب بها سوى المفيد اما السخافات فالاولى حذفها وتطهير المنتديات منها




الشقردي كلامك في الصميم

يعني لازم يكون دور الادارة والمشرفين فعال اكثر ولا يتركون مجال لمثل هالمواضيع

او الطرح الفاشل بالبقاء


الاعضاء بعد المفروض ما يردون على موضوعه لكن انا اول واحد انقهرت لما شفت


الكم الهائل من التناقضات ولا اقدر اجامل واقول الله يعطيك العافيه شي حلو شي مرتب

[رايح بس راجع]

الاا يالمشرفين ليه ما تحطون قسم خاص حق فنانين رفحاء ننزل اغانيهم ونكتب سيرهم الذاتيه وتاريخهم منها نفيد ونستفيد تخبر هذولاا كنز رفحاوي لابد من الحفاظ عليهم الله يهديهم هم واللي يطالب بذكر اساميهم.

[الغريق]

مثل ماقال الشباب حنا تاكين بالمنتدى وطبع المنتديات تقبل وجهات النظر حتى لو كانت قاسية (إذا اللي كاتبن الموضوع ماندري هو صاحي وإلا راجع من سهرته)


ملاحظة : ماأدري وش سبب الغياب كل شهر ...
ليه الأخ تجيه الدورة ؟!!!

الله يأخذ روحك وأنت ملاحظتك ,,,ماأسخف من الموضوع إلا ملاحظتك,,,

[شايب الشريا]

الغريق ...



اذا تعرف جوال او الثابت او بيجر اي واحد من الادارة تكفى افزع لنااااااااا

[كحيلان87]

الفارس الاسود - اعتقد لو اسمك (القلب الاسود) افضل0
وهج - ليتهم رقدوووووا0
شايب الشرية - الضاهر وصلت لمرحلة الخرف0
برق الصواعق - يجي منك0
خالد 1 -هل تعتقد ان كل مايكتب في منتديات رفحاء وصل للارتقاء في اختيار المواضيع0
flower - اقرا الموضوع خمس مرات وتفهم انشالله0
والله يمكن - شكراً0
راع الطافحة - الله لايجيب الزعل0
الوسام -انت مع الموضوع والا ضده0
الغريق - اسأل الله ان ينجيك من الغرق انا طلعت من رفحاء عام 1400هـ ولم اعود لها مرة اخرى لضروف الحياة وعليك الحساب0
نجمة سهيل - ايولله ردود جداً قاسية ماادري انا طلبت اسماء اخواتهم والا الجماعة كلهم مطاوعة ومحرمين الغناء والا وش السالفة0
ستالين -لماذا لايأخذ صلب الموظوع وأصله وترك التناقض والنقد والاخطاء الاملائية0
الشمرية - المهلي مايولي انا اشهد انك خير من من بعض الرجاجيل الموجودين 0بالمنتدى وعشان سؤالك انا اعمل في شركة يابانية في صحراء الشرقية ومتى ماخذت 0الاووف حقي 3 ايام والله اني اول مافكر بمنتدى رفحاء اشم ريحة هلي وناسي واحلى 0ذكرياتي بس شكلي باكتفي يالصفح فقط بعد هالكتابة عشان مانغلط على احد ولا احد يغلط علينا بعد هالعمر0
الشقردي - اتمنى ان تكون دائماً وابداً شقردياً 0
نجم الشمال - وش اقرب كوكب حولك ؟؟؟
خيال واقعي - زين انك عرفت الدورة واوقاتها وانت بالهاسن كفو خللك من هذا ودون0
ناصر الصعب - والله ماتسوى علينا على كل حال العنصرية ماهي جديدة0
رايح بس راجع - اقول متى راجع 000000000 على شان نتحمد لك على السلامة0
وختاماً ماتلاحضون ان فيه رجاجيل من هالمنتدى محترمين جدا ولهم ثقلهم ماعلقوا على الموضوع تدرون ليه 0000 يكفي اني انا ادري ليه0
ذويبان 11 - قارة رفحاء - التابلاين الله يسعدكم ويمسيكم بالخير حيث كنتم
مع تحيات -كحيلان87 smssz@hotmail.com

[هبساوي]

مشكووووووووووووووووووووور