عامي وفصيح( لعبه)

[المعلمة الاولى]

انا جايبه لكم لعبه اتمنى تعجبكم


وهي ... اكتب جمله او كلمه باالعاااميه والي بعدك يقول نفسهااا بالفصحى

ويكتب جمله عاااميه للي بعده


وهـــــــــــكذاا







مثاااال


وين تبي تطس


الترجمه

الى اين ستذهب

[ابونايف]

محفوفه ...

؟؟؟؟؟؟؟؟؟؟

[ذويبان11]

لعبه حلوه بس عندنا كلمات والله لو يطلع سيبويه من قبره ماراح يعرف معناها







طيب انا اببداوشلونك ياطوايف ملي

[ابونايف]

جاوب يالذيب على الاولى (محفوفه) وبعدين هات ماعندك ...

[عروووبة]

جزاك الله خير اختي المعلمة
لعبة حلوووه
‏_‏___
يابعد ملي? (والله صعبه)

فداك كل من في قومي
(وبطاقة العائلة)
_ _ _ _
مدرعم...?

[القلب الحزين]

وت از ذا سالفه
وين الكلمه ايهن

[أنا والليل؟]

جزاك الله خير اختي المعلمة
لعبة حلوووه
‏_‏___
يابعد ملي? (والله صعبه)

فداك كل من في قومي
(وبطاقة العائلة)
_ _ _ _
مدرعم...?

مدرعم أي : أحمق ومغفل .
يعني ( شخص يمشي على غير هدى )

طيب الكلمة أممممممممممممممممممممممممممممممم (( العِكَّة )) ,,,,, يالله وين البدو

[المعلمة الاولى]

العكه امممممممممممممممممممممممممممممممممممم

اناء يوضع فيه الزبد


تقذرف

[سفير رفحاء]

تقذرف : أي اقلب وجهك


طيب معنى بلهوين

[المعلمة الاولى]

تقذرف : أي اقلب وجهك


طيب معنى بلهوين

بلهوين اي على مهلك


وشنوح .كمخه , اويلييييييييييييييييييييييييه

[واسع العينين]

مثل ماتقول


صنه على مفرق الجبهه وفقشها وان ماتفقشت عدها وكررها

[نجمة سهيل]

هالحين وش الكلمه؟؟
ملاحظه /
أو نايف شمعنى محفوفه أحسها وحده جالسه على الحفه:I


انا والليل شمعنى عكه أحس بتكتب علكه
بس نسيت الام:D

سفير رفحاء شمعنى بلهوين لايكون أخو باخشوين:p


انتظر الترجمه

[ابونايف]

هالحين وش الكلمه؟؟
ملاحظه /
أبو نايف شمعنى محفوفه أحسها وحده جالسه على الحفه:I
ههههههه
لا معناه الوضع خاص

انا والليل شمعنى عكه أحس بتكتب علكه
بس نسيت الام:D
لا ما نسي شي معناه لعبة قديمة عند البدو القديمين عيال الوقت هذا (غير)

سفير رفحاء شمعنى بلهوين لايكون أخو باخشوين:p
بلهوين معناه بشويش لا تستعجل

انتظر الترجمه

هذا حسب علمي وما ادري اذا كان له تفسير آخر ...

[أنا والليل؟]

هالحين وش الكلمه؟؟
ملاحظه /
أو نايف شمعنى محفوفه أحسها وحده جالسه على الحفه:I


انا والليل شمعنى عكه أحس بتكتب علكه
بس نسيت الام:D

سفير رفحاء شمعنى بلهوين لايكون أخو باخشوين:p


انتظر الترجمه

هههههههههههههههههههههههههههه

دايم تستلكعين أقصد تتعلكين هههههههههههههه
شكلك تحبين العلك اللي بنص واللي فيه سبع حبااااااات :p

كلامك له جانب من الصحة ( إيه هين ) , بس الحمد لله مشت على المعلمة الأولى :p

[أنا والليل؟]

والله حستونا مدري وش الكلمة شكله هذي .

كمخة ( كلمة تطلق على من يمتلك غباء خارق )

الوكاد أبي معنى ( شمله ) عاد أبحثوا بالمعاجم وأفلقوني إذا لقيتوها .

[المعلمة الاولى]

طيب وش معنى امممممممممممممممممم

دلخ

[أنا والليل؟]

طيب وش معنى امممممممممممممممممم

دلخ

المشكلة أنك أنتي اللي جبتي اللعبة ولا التزمتي بقواعدها , طيب جاوبي المعنى السابق وإذا جاوبتي هاكالساعة قولي وش معنى دلخ ؟

وإلا أقول دلخ : ( هو الشخص الذي لا يستوعب بسرعة )

أممممممممممممممممممم أبي معنى ( حَقِن ) بفتح الحاء وكسر القاف .

[عروووبة]

الحين ليه حستوا اللعبة:
طيب انا أرد
انا والليل(شمله)
قطعت قماش
توضع على ضرع البهيمه لمنع ابنها من رضاعتها
___
(حقنه)
شخص ناشب في حلقك لا يريد ان يبرحك اي يتركك
___
وش معنى( مشهاب )

[نجمة سهيل]

هههههههههههههههههههههههههههه

دايم تستلكعين أقصد تتعلكين هههههههههههههه
شكلك تحبين العلك اللي بنص واللي فيه سبع حبااااااات :p

كلامك له جانب من الصحة ( إيه هين ) , بس الحمد لله مشت على المعلمة الأولى :p

لاوالله ياختك أنا والعلك ماحنا أصحاب
بل أعداء جداً

[نجمة سهيل]

الحين ليه حستوا اللعبة:
طيب انا أرد
انا والليل(شمله)
قطعت قماش
توضع على ضرع البهيمه لمنع ابنها من رضاعتها
___
(حقنه)
شخص ناشب في حلقك لا يريد ان يبرحك اي يتركك
___
وش معنى( مشهاب )

ياخطيره شكلي بقدم أقتراح يفتحون منتدى لتراث
تكونين أنت مشرفته :p

مانتي هينه
شمله؟؟ أعتقد مقتبسه من لم الشمل :D
اما مشهاب؟؟ رجل أشهب اللون :lol

هاه صح:p

[أنا والليل؟]

ياخطيره شكلي بقدم أقتراح يفتحون منتدى لتراث
تكونين أنت مشرفته :p

مانتي هينه
شمله؟؟ أعتقد مقتبسه من لم الشمل :D
اما مشهاب؟؟ رجل أشهب اللون :lol

هاه صح:p

ههههههههههههههههههههههههههههه

تحليل منطقي

[عروووبة]

هلا نجومه
موافقه ياجدتي...
ابسألك انتي من صدقك مشهاب رجل اشهب ضحكتيني من قلب
____
انا والليل? اجابتي صح لو لا

بعدين وش معنى ( مشهاب)
لان اجابة نجمة غلط

[ذويبان11]

المشهاب هو العصا الغليظه (العجرى )طيب وش معنى((( المحجر )))

[ابونايف]

المشهاب هو السيخ الحديدي المحمى بالنار ويكون حار جداً...

المحجر هو الفاصل بين النساء والرجال في بيت الشعر ...

[قهر الرجــــال]

أولي على قامتي ...:p

والله ولا كلمة فهمتها ...جلست ساعة احكحك براسي احاول استوعب ...عجزت :shy


لا لا خلاص بجد ..انا قررت ..بعتزل ..على ماقريت من كلام قديم ...ومن كثر مافريت من كتاب

لي كتاب ...وشاب راسي ..وطلعت لي قرون العصر الجاهلي ...الا ان كلمات مثل ذي بحياتي

ماشفت ...:I

اتوقع مشهاب ...ولد عم ابو شهاب اللي كان بضيعة ابو النار زمان يمكن يطلع بالجزء الثالث:p



مشكورة المعلمة الاولى ...وياليت اللعبة ذي ماتتوقف ..لسببين :

لأنها ظريفة ...واللهجة حلوة ...
ولأنها تنفعني ...انا ووجد خانوو...




قهر الرجــــال

[المعلمة الاولى]

وشعلمك


اي ماذا بك ؟؟؟؟

[قهر الرجــــال]

اهلين ابو عصام
اخيرا لقيت احد مثلي
الحـــــــــــمـــــــــــــــــد لله
والله ما فهمت ولا كلمه من الي قالوه
والمترجمه مشغوله بتقديم الــــــــــديوان
لكن احاول احفظ مشــــــكـــــــلـــــــــــــه والله
وما ادري المعنى الي يقولونه صح ولا يلعبون علينا
شكلي ارجع ادرس من جديد



ماحزرتي اختي ..معك سعاد خانووو...;;)


معك حق ...ما ادري هم جايبين المعنى الصحيح والا بيلعبوا على شوارب الزعيم ..:^


الله يرحمك يازعيم ...كانت الحارة بترتعب من اسمك هاه ..:p <<<عايشة الدور


خذي الدرس حبة حبة ...من شان ماتختلط المعلومات ...

[عروووبة]

ابو نايف(فري قود )
مشهاب_الإجابة صحيحه
___
ذويبان? اجابتك خطا

انا والليل ?جابتي صح لو لا
___
قهر الرجال
تعلمي لغااااات
___
وش معنى (ميبر)

[ذويبان11]

الميبر هو اداة للخياطه وها اكبر حجما من الابرة

[ابونايف]

[QUOTE=عروووبة;251139]ابو نايف(فري قود )
مشهاب_الإجابة صحيحه
___

شكرا عروووبة ...

[أنا والليل؟]

الحين ليه حستوا اللعبة:
طيب انا أرد
انا والليل(شمله)
قطعت قماش
توضع على ضرع البهيمه لمنع ابنها من رضاعتها
___
(حقنه)
شخص ناشب في حلقك لا يريد ان يبرحك اي يتركك
___
وش معنى( مشهاب )

عذرا للتأخير عروووبة

جوابك مع الأسف الشديد غير صحيح لكن فيه نوع من الصحة
والجواب الصحيح هو :
كلمة ( حقن ) : تقال للشخص الذي لا يستوعب بسرعة , فتقوم أنت بسكب المعلومات في ابريق ثم تحقنها في فمه حتى يفهم وتقوم بتكرار العملية عليه حتى يفهم .
و بالعربي اللي عنده الضغط منخفض يخالطهم ويتعافى إن شاء الله , الله لا يبلانا :p

[أنا والليل؟]

طيب ياعرب أبي معنى كلمة (( منبزخ ))

أتوقع أبو نايف يجاوب .

[عروووبة]

ذويبان
ميبر_ الإجابه صحيحه
_‏__
منبزخ
‏(لما الشخص يأكل حتى يزيد عن
الشبعه ) فيحس ان بطنه يبي
ينبزخ_ينفجر
صح لو لا
‏_‏__
وش معنى?
‏(انصطح)

[أنا والليل؟]

ذويبان
ميبر_ الإجابه صحيحه
_‏__
منبزخ
‏(لما الشخص يأكل حتى يزيد عن
الشبعه ) فيحس ان بطنه يبي
ينبزخ_ينفجر
صح لو لا
‏_‏__
وش معنى?
‏(انصطح)

إجابة صحيحة , ممتاز مع الشكر :p

[سليمان شعيب]

أنصطح :-? ممكن مرادفه لأنبطح أي تمدد على بطنه=P~

سؤالي وش معنى يعركبله:lol

[نجمة سهيل]

أنصطح :-? ممكن مرادفه لأنبطح أي تمدد على بطنه=P~

سؤالي وش معنى يعركبله:lol


(يعركبله)
أي يمد ساقه ليسقط الضحيه أرضاً:p
<<<يطلع منها ترجمه
أخيذة ضحى
<<سمعت مره عنها بس ماتعرف معناها:D

[ابونايف]

(يعركبله)
أي يمد ساقه ليسقط الضحيه أرضاً:p
<<<يطلع منها ترجمه
أخيذة ضحى
<<سمعت مره عنها بس ماتعرف معناها:D


100%

نجمة سهيل ...

[ابونايف]

طيب ياعرب أبي معنى كلمة (( منبزخ ))

أتوقع أبو نايف يجاوب .

هههههههههه

توي شفت السؤال ...

(منبزخ) اسمع الناس يقولون فلان منبزخ ومعناها حسب فمهي انه سمين اومليان شحم ولحم

هذا تفسيري واذا كان له حل آخر افدنا عنه ...

[ابونايف]

ههههههههههههههههههههههههه
وجد
-100%
الشكوى لله

هههههههه

لا ياوجد -99%

يقول المثل (من عاشر القوم اربعين يوم صار منهم)

انتي لكي اكثر من اربعين يوم لا بد ان تعرفين كل هذه المعاني هههه

اقول الله يعينك لو اربعين شهر ماراح تعرفين كل الكلمات ومعانيها...

[أنا والليل؟]

هههههههههه

توي شفت السؤال ...

(منبزخ) اسمع الناس يقولون فلان منبزخ ومعناها حسب فمهي انه سمين اومليان شحم ولحم

هذا تفسيري واذا كان له حل آخر افدنا عنه ...

عليك نووووووووووور يالغالي

[أنا والليل؟]

(يعركبله)
أي يمد ساقه ليسقط الضحيه أرضاً:p
<<<يطلع منها ترجمه
أخيذة ضحى
<<سمعت مره عنها بس ماتعرف معناها:D

هههههههههههههههههههههههههههههههههههههههههههههههههه ههههههههههههههههههههههههههههههههه

[ابونايف]

مامعنى الكلمات التالية :ــ

المشاكيل :

الخرص :

الفهوة :

[ابونايف]

ههههههههه

وجد اعطاء الفرصة للغير حلوه لكن اتوقع العكس -100% ...

[المعلمة الاولى]

يتْنَاه : ينتظره.
هدوم: ملابس
شقردي : رجال سنع و سنافي
مبْطِي : منذ زمن

[قهر الرجــــال]

مامعنى الكلمات التالية :ــ

المشاكيل :

الخرص :

الفهوة :



:D :D :D :D


ابو نايف ...انا بترجم ..بس العهدة على الراوي :p

المشاكيل :المشاكل بس باللهجة الهندية ..:shy

الخرص: يمكن تأتي بأعطي خرصه بأذنه ...:note:

الفهوة: والله ما ادري ... يمكن تكون القهوة ...بس نسيت نقطة :\



اتمنى ان تكون الاجابات صحيحة..




قهر الرجـــــال

[ابونايف]

:D :D :D :D


ابو نايف ...انا بترجم ..بس العهدة على الراوي :p

المشاكيل :المشاكل بس باللهجة الهندية ..:shy

الخرص: يمكن تأتي بأعطي خرصه بأذنه ...:note:

الفهوة: والله ما ادري ... يمكن تكون القهوة ...بس نسيت نقطة :\



اتمنى ان تكون الاجابات صحيحة..




قهر الرجـــــال

هههههههههه

للأسف الاجابة خاطئة ياقهر ...

لكن لاتنقهر تابع معنا وسوف ترى الاجابة الصحيحة ...

[نجمة سهيل]

:D :D :D :D


الفهوة: والله ما ادري ... يمكن تكون القهوة ...بس نسيت نقطة :\



وأن بعد أقول نفس كلامك:p

أبو نايف رجاءً إعترف إنك نسيت النقطه
لاتكابرI-

[ابونايف]

ههههههههههه

نجمة والله مانسيت شي وراااااااااح

تعرفون المعنى انتظرونا ؟

[نجمة سهيل]

ما فهمتن للحين انا افهمكن
المشاكيل: هي المشاكل صح يا قهر الرجال
الخرص: هي الحرص لكن طارت عليها نقطة الفهوه
الفهوه :هي القهوه لكن الجو كان هواء شديد وطارت النقطه للخرص بدون ما ينتبه ابو نايف
وش رايك ابو نايف صح ولا انا غلطانه
ههههههههههههههههههههههههههههههههههههههه

تحليل منطقي جداً:k:
تجري الرياح بما لاتشتهي السفن
وماأدرك لعل الرياح تطير نقطه وتضيف نقطه :p

أبونايف خلاص مايكفيك ثلاث بنات ضدك
وجد - وقهر الرجال - وأنا ;;)

ولاقول معانيهم:2mad

[ابونايف]

ما فهمتن للحين انا افهمكن
المشاكيل: هي المشاكل صح يا قهر الرجال
الخرص: هي الحرص لكن طارت عليها نقطة الفهوه
الفهوه :هي القهوه لكن الجو كان هواء شديد وطارت النقطه للخرص بدون ما ينتبه ابو نايف
وش رايك ابو نايف صح ولا انا غلطانه
ههههههههههههههههههههههههههههههههههههههه

تحليل جيد ياوجد لكن للأسف الاجابة خاطئة ...

انتظري الاجابة الصحيحه ...

[ابونايف]

تحليل منطقي جداً:k:
تجري الرياح بما لاتشتهي السفن
وماأدرك لعل الرياح تطير نقطه وتضيف نقطه :p

أبونايف خلاص مايكفيك ثلاث بنات ضدك
وجد - وقهر الرجال - وأنا ;;)

ولاقول معانيهم:2mad

ههههههههه

لا يانجمة سهيل لحد الآن لم تتمكنن من الاجابة الصحيحة

الاجابة هي بوادي وأنتم ورفقاكم بوادي ...

انتظري معنا ...

اقول اعترفن بالعجز عن الاجابة واعلمكن بالاجابة ...

[سليمان شعيب]

أعتذر عن الاجابه لاني بالعربي ماعرفه :think:

سـؤال؟؟
وممنوع الغشI-

ماهو ..القليقلان;;)

وماهو العنزروت:zz

والسؤال الاخير والقوي
مامعنى نهج:D

بـ أنتظاركم

[ابونايف]

هههههه

مرحباً ابو يوسف...

القليقلان : نبات ينبت في البر الله يجيب المطر يختلط القليقلان والشيح و و و ...

العنزروت : دواء شعبي من النباتات ...

نهج : اي ذهب ...

هاه نبي النتيجة ...

[ذويبان11]

ابو نايف انت رثعت بالعالم

انت وهالكلمات

حاولت اعرف معناهن وماقدرت:-$

[ابونايف]

ههههههههههه

يالذيب باقي السيدات يعتذرن عن الاجابة ...

و اعطيكم الجواب ...

[ذويبان11]

ههههههههههه

يالذيب باقي السيدات يعتذرن عن الاجابة ...

و اعطيكم الجواب ...


وحده منهن مستحيل تعرف

اللي هي ( وجد )ههههههههههههههه

[ابونايف]

هههههههه

- 100% لكن لا بد ان تتعلم ...

[ذويبان11]

هههههههه

- 100% لكن لا بد ان تتعلم ...


مستحيييييييييييييييييييييييييييييييييييييييييييييل



ههههههههههههههههههههههههههههههههههههههههه

[سليمان شعيب]

جبته يالذيب:k:

تستاهل الجايزة أبونايف
ماء صحه أبونص:lol

<------<< وانا أروغ:ng


طيب سؤال بعد


ماهي الرفه!!

وماهو الودتس!!

حله نبي نشوف:typ


بأنتظاركم

[خآلد]

ههههههههههههههه كآنها كذا تيب ...تبووبح....
إنتظر الرد ههههههههه

[نجمة سهيل]

عاد هالمره ماتغلطوني
الودتس زي الدهن صح
ابو نايف لاتخرب معلوماتي
واعترف اني صح

[ذويبان11]

جبته يالذيب:k:

تستاهل الجايزة أبونايف
ماء صحه أبونص:lol

<------<< وانا أروغ:ng


طيب سؤال بعد


ماهي الرفه!!

وماهو الودتس!!

حله نبي نشوف:typ


بأنتظاركم


هلا اخوي سليمان

الرفه هي رفة الرجال اي القسم الذي يجلس
فيه الرجال بيت الشعر



اما الودتس هو الدهن وهو نتيجة حمس
الشحم ويوضع مع الرز قفره


قص يدي اذا وجد عرفته

[نجمة سهيل]

ابو نايف انت رثعت بالعالم

انت وهالكلمات

حاولت اعرف معناهن وماقدرت:-$

الظاهر يالعضيد
يألفون من عندهم
أن شاكه بمعلومات ابونايف صراحه

[ابونايف]

جبته يالذيب:k:

تستاهل الجايزة أبونايف
ماء صحه أبونص:lol

<------<< وانا أروغ:ng


طيب سؤال بعد


ماهي الرفه!!

وماهو الودتس!!

حله نبي نشوف:typ


بأنتظاركم


ههههههههههه

افا ماء ابو نص عقب هالتعب كل اليوم ام نايف تنقلن وآخره ابو نص ...

بالنسبة للاجابات ...

الرفه : هي طرف بيت الشعر من الجابنين ...

الودتس : اذا تقصد الودك هو شحم الخروف يقطع وصل صغيره ويغلى على النار ...

بالعربي زيت حمس ههههههه

اشغلتن مدري وشلون افسره خخخخخخخخخخخخخخ

[ذويبان11]

الظاهر يالعضيد
يألفون من عندهم
أن شاكه بمعلومات ابونايف صراحه




هههههههههههههههههههههههههههههههه

اكيد معلوماتك صحيحه

بس ابو نايف الله يهديه
عنده قاموس خاص

[ابونايف]

عاد هالمره ماتغلطوني
الودتس زي الدهن صح
ابو نايف لاتخرب معلوماتي
واعترف اني صح

هههههههه

اعترفي بعدم القدره على الاجابة وابشري بالحل الصحيح ...

[ذويبان11]

طيب ياشباب

من يعرف





((الميجمه))

[ابونايف]

هههههههههههههههههههههههههههههههه

اكيد معلوماتك صحيحه

بس ابو نايف الله يهديه
عنده قاموس خاص

احم احم احم ...

انا جايب كلمات كاملة والربع يبي يحذفون بعض النقط هههههه

على شان تجي على كيفهم ...

[نجمة سهيل]

مادري ليش أحسك تقصد غميمه
او لعبه زي الكيرم :D

[ابونايف]

طيب ياشباب

من يعرف





((الميجمه))

يمكن تقصد الملجمة ...

[ابونايف]

صباح الخير

صباح النور والسرور ...

[نجمة سهيل]

صباح الخير

ياصباح الورد وجوده
حي الله هالطله
منوره
خليك جنبي تراني اعرف اترجم
ولاتسمعين كلام ابو نايف هو وكلماته اللي ملخبط نقطهم
تراه غيران اني انا وانتي عندنا كنز معلومات:p

[ذويبان11]

صباح الخير


صباااااااااااااااااااااااااااااح النور

[ذويبان11]

يمكن تقصد الملجمة ...





ابو نايف معقوله ماتعرفه

[ذويبان11]

حطمتني يعني ما فيه امل



لا انت فيك الخير والبركه

اقصد الكلمه صعبه:yo)

[ابونايف]

ابو نايف معقوله ماتعرفه

لا والله اول مره اسمع به لكن اصبر للصبح ابي اسأل الشيبان عنه ...

[ذويبان11]

لا والله اول مره اسمع به لكن اصبر للصبح ابي اسأل الشيبان عنه ...



الشيبان اكيد يعرفونها


ابشوف وجد يمكن تعرف معناها

[ابونايف]

ههههههههه

السموحه وجــــــــــــــــــــــــــــــــــــد ...

[ذويبان11]

ياشباب تبون توضيح؟

[ابونايف]

ترقبوا الاجابات نظراً لضعف معلوماتكم ...

[ذويبان11]

ههههههههههههههههههههههههههههههههه

ههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههههههههههه:i

[ابونايف]

لا يالذيب اصبر ...

[ذويبان11]

ياشباب وشرايكم نروح

لمجلس سعود


مبطين عنه

[نجمة سهيل]

وين؟؟
ابو نايف لاتهرب
وجد ذويبان ليش تضحكون؟؟

[نجمة سهيل]

معك المفتاح؟؟

[ابونايف]

ياشباب وشرايكم نروح

لمجلس سعود


مبطين عنه

هههههه

ما به الا الجووووووووووووووووووووع

الله يذكر سعود بالخير ...

[ذويبان11]

هههههه

ما به الا الجووووووووووووووووووووع

الله يذكر سعود بالخير ...


ههههههههههههههههههههه


وين الاجابات يابو نايف

[سليمان شعيب]

هههههههههههههههههههه
والله ماأنتم بسيطين

انا لازم أصعب الأسئله

نجمة سهيل معلوماتك ميه ميه :D


السؤال وممنوع أحد يحل <<---- أستغفر الله ليش تسأل طيب:lol

ماهي ...الحياض:zz


ومامعنى ...هنقلين:D <---قويه

يالله نشوف

[سعود الشمري]

وشو هو يمكن اعرفه انا

[ذويبان11]

هههههههههههههههههههه
والله ماأنتم بسيطين

انا لازم أصعب الأسئله

نجمة سهيل معلوماتك ميه ميه :D


السؤال وممنوع أحد يحل <<---- أستغفر الله ليش تسأل طيب:lol

ماهي ...الحياض:zz


ومامعنى ...هنقلين:D <---قويه

يالله نشوف



الحياض حياض الما والعلف


اما الهنقلين هو الشبك
اللي يحط على الددسن او الجيب

[ابونايف]

الاجابات :

المشاكيل : هي الرجال الطيبين وماخوذه من الشكالة

الخرص : معناها الظن (او التوقع)

الفوة : هي المكان الفاضي من البنيان او الماشية ... (مكان فارغ)

هاه وصلت المعلومــــــــــــــــــــــــــــــــــه ...

[ذويبان11]

اعرفها لكن ابي اشوف ابو نايف وش يقول



ماشاء الله عليك ياوجد
ههههههههههههههههههههه
ههههههههههههههههههههه

[ذويبان11]

الاجابات :

المشاكيل : هي الرجال الطيبين وماخوذه من الشكالة

الخرص : معناها الظن (او التوقع)

الفوة : هي المكان الفاضي من البنيان او الماشية ... (مكان فارغ)

هاه وصلت المعلومــــــــــــــــــــــــــــــــــه ...



ابو نايف تقول الفهوة
مهو الفوهه

الفوهه معروف معناها

[ذويبان11]

تصبحون على خييييييييييييييييييير


وجد اذا عرفتي معنى الميجمه


لك هديه عندي

[ابونايف]

مع الف خير يالذيب لكن راجع معلوماتك الفهوة (هـ) واحده وليس اثنين هه ...

[ابونايف]

والله ما عرفت الاولى تقول الثانيه
الباقي وصل

هههههههههههههههههههههههههههههههههههه...

[أنا والليل؟]

طيب ياشباب

من يعرف





((الميجمه))

بالخير يالربع
أبو نايف ما أدري أحد جاوب أو لا , لكن أبي أجاوب . الميجمة : يقصد بها المطرقة وتستخدم في تثبيت الأوتاد في الأرض . الاجابه صحيحة أبو نايف ؟

[ابونايف]

هلا بمرافق الليل ...

ما ادري عن الحل لكن محد حله ننتظر صاحب السوعال...

[عروووبة]

الميجمه = يمكن النار
___
طيب وش معنى
(( اروج )) او (( اروجي ))
ترى لها غبااااار

[أنا والليل؟]

الميجمه = يمكن النار
___
طيب وش معنى
(( اروج )) او (( اروجي ))
ترى لها غبااااار

هههههههههههههههههههه طلع نفط

أروج أي: أسرع في مشيتك .

[ابونايف]

مامعنى الكلمات التاليه :

نتخاشر :

يهذب :

وش نوحك :

[عروووبة]

انا لها
نتخاشر= نتشارك
يهذب = تقال للكذوب (قام يهذب)
وش نوحك = ماذا بك
____
وش معنى
( دوشق)?
( موسده)?

[ذويبان11]

بالخير يالربع
أبو نايف ما أدري أحد جاوب أو لا , لكن أبي أجاوب . الميجمة : يقصد بها المطرقة وتستخدم في تثبيت الأوتاد في الأرض . الاجابه صحيحة أبو نايف ؟




اجابتك صحيحه يامخاوي الليل
ماشاء الله عليك

راحت عليك الجايزه ياوجد

[ابونايف]

الاجابة صحيحة يا عروووبة ...

دوشق = = = فراش النوم

موسده = = = مخدة

[ذويبان11]

____
وش معنى
( دوشق)?
( موسده)?



الدوشق هو الفراش

الموسده هي المخده


طيب وش معنى


المسلول

والنحو

[ابونايف]

مامعنى الاتي :

النطوا :

ارجهن :

الدرعه :

[ابونايف]

النحو معروف الصميل من الجلد لحفظ الدهن او اللبن ...

[ذويبان11]

مامعنى الاتي :

النطوا :

ارجهن :

الدرعه :



النطوا/ هو تفعله النساء من اجل صنع شقاق البيت بيت الشعر والرواق

ارجهن/ اي هدا من الوضع شوي

الدرعه/ هي تغزل النساء الصوف ثم بعد الغزل يوضع بشكل ملفوف وتسمى درعه

[ابونايف]

يعطيك العافيه يالذيب اجابة صحيحه 100%

[قهر الرجــــال]

:D :D :D

منكم نستفيد ...!!

[ابونايف]

:D :D :D

منكم نستفيد ...!!

هههههه

اهم شي تستفيد ياقهر ...

[ذويبان11]

طيب ياشباب وش معنى


المخناقه /

الخفنه /

القطيفه /

[ذويبان11]

ذويبان قص يدينك كلهن ومعاهن رجولك بعد[/QUOTE]



هههههههههههههههههههههههههههههههههههههههه
والله لو اقطع راسي الظاهر مستحيل تعرفين

[قهر الرجــــال]

طيب ياشباب وش معنى


المخناقه /

الخفنه /

القطيفه /







المخناقه :تأتي بمعنى يتشاجرون اي يتخانقون ....:D


الخفنه: هذي اسأل اي زول يعرفها ...مدري ليه احسها سودانية ...:I

القطيفه:نوع من انواع الأقمشة يستخدمنه العجايز في تفصيل الجلابيات ...<<هذي اكيد لا تبلشنا وتضحك علانا :p



بعدين يالربع قايلين لكم جيبوا كلام بالعامي ونسويه فصيح ..مو مامعنى الكلمات الاتية ...




تحياتي
قهر الرجــــال

[ابونايف]

طيب ياشباب وش معنى


المخناقه /

الخفنه /

القطيفه /

ههههههه

قهر الرجال ... الاجابة خاطئة

والله يالذيب انك عجيب وهقت العالم ...

المخناقه: هي قلادة تلبسها النساء في الرقبة وتكون طويلة طبعاً من (الذهب)

الخفنه : تكون على ظهر بيت الشعر اذا كان البيت مهو مستقيم

القطيفه : تكون من الصوف وهي عند العجايز القديمات من 70سنه فمافوق يجلس عليها

بشر عسى الاجابات صحيحه ...

[نجمة سهيل]

المخنقه على حسب معلوماتي
كانو يلبسونها البنات الصغار بختصر زي الطرحه

اما القطيفه نفس (قهر الرجال) (وجد)

اما الخفنه مدري worried

[ابونايف]

شفت يا ذويبان نفس الكلام الي كنت ابي اقوله

ههههههههههههههههه

عزالله تم انا متنازل عن الاجابة ...

[ابونايف]

اعترف انك فشلت بالاجابه:note:
وان هذي اجابتي انت اخذتهاI-
هههههههههههههههههههههههههههههههه

هههههه

صادوه ...

[العتيبيـة]

والليـل كأني بنقاليه بينكمـ ..

نص الكـلام افهمـهـ و نص ( اللهمـ ياكافـي ) ..

بـس لعـبـة حـلـوـوهـ ،،

:)

[ابونايف]

ههههههههه

يلزمك تاخذين دوره عند الذيب مع وجد ...

[ذويبان11]

المخناقه / مالي شغل فيها ولا ابي اعرفها

الخفنه / كلمه عجيبه غريبه منين جايبها
يمكن الحفنه وطارت عليها نقطه من كلمات ابو نايف
دايم حروفه تطير نقطها متعود

القطيفه/ قماش المخمل صح
الله يخليك قل صح

م


هههههههههههههههههههههههههههههههههههههههههههه

خلاص حلك صح ياوجد

[ذويبان11]

ههههههه

قهر الرجال ... الاجابة خاطئة

والله يالذيب انك عجيب وهقت العالم ...

المخناقه: هي قلادة تلبسها النساء في الرقبة وتكون طويلة طبعاً من (الذهب)

الخفنه : تكون على ظهر بيت الشعر اذا كان البيت مهو مستقيم

القطيفه : تكون من الصوف وهي عند العجايز القديمات من 70سنه فمافوق يجلس عليها

بشر عسى الاجابات صحيحه ...



حل صحيح يابو نايف

بس الخفنه غير ماذكرت

[ذويبان11]

المخنقه على حسب معلوماتي
كانو يلبسونها البنات الصغار بختصر زي الطرحه

اما القطيفه نفس (قهر الرجال) (وجد)

اما الخفنه مدري worried



صحيح المخنقه مثل ماذكرتي وذكر ابو نايف

اما القطيفه كما قال ابو نايف

اما الخفنه اسالي وجد عنها اكيد تعرف:I :I

["الفيصل"]

اذا قالك واحد ياطرخمة العربان

( طرخمة )

[المعلمة الاولى]

صحيح المخنقه مثل ماذكرتي وذكر ابو نايف

اما القطيفه كما قال ابو نايف

اما الخفنه اسالي وجد عنها اكيد تعرف:I :I

الله يرجكم قسم تفطسوووووووووووووون من الضحك

[ابونايف]

شكرا لك الذيب بس الاجابات عطيتهن وجد المفروض هي من تشكر ...

هههههه

[ابونايف]

الله يرجكم قسم تفطسوووووووووووووون من الضحك

البركه بك يالمعلمة الاولى ...

انتي جبتي الموضوع نتونس عليه والرسميات بالمنتدى العام ...

[نجمة سهيل]

قايلت لكم لاتستهينون فينا
بس ماصدقتوا
(قهر الرجال)(وجد) :think:
ترى ماني ناقصه اطامر معاكن من شيخ لشيخ
تكفون لاتبرزون مهاراتك علشان ماينبطكن ابو نايف بعينه
وذويبان ترى عنده صكات ارضيه وجويه
انتبهن على حالكن
خلكن مثلي أعرف بس أقول ماعرف:D

[نجمة سهيل]

اذا قالك واحد ياطرخمة العربان

( طرخمة )

هو ياأنك تقصد عندنا
طخمه أو رخمه

اما طرخمة العربان
اتوقع اتوقع

معناتها مزيونه :p

صح

[المعلمة الاولى]

هو ياأنك تقصد عندنا
طخمه أو رخمه

اما طرخمة العربان
اتوقع اتوقع

معناتها مزيونه :p

صح

برااااااااااافوووووووووووووووو
طخمة مزيونه

طرخمةاكثر جمااااااااااااال

[عروووبة]

(الخفنة)
عندما نصفط المضرب نقول نم بالخفنة
يعني نم داخل المضرب او البطافية

‏(طرخمة) = يعنى ياوجه


إلا وش معنى

(مضرب)

(جودلية)

[قهر الرجــــال]

(الخفنة)
عندما نصفط المضرب نقول نم بالخفنة
يعني نم داخل المضرب او البطافية

‏(طرخمة) = يعنى ياوجه


إلا وش معنى

(مضرب)

(جودلية)



مضرب: تقصدين بها مضرب التنس :D

جودلية : نوع من انواع رياضة الكونغ فو (I: ...او يمكن نوع من انواع الحلويات مثل السوفلية :shy



انتظر ما اذا كانت الحلول صحيحة ...:p

[ذويبان11]

(الخفنة)
عندما نصفط المضرب نقول نم بالخفنة
يعني نم داخل المضرب او البطافية

‏(طرخمة) = يعنى ياوجه


إلا وش معنى

(مضرب)

(جودلية)



عروبه معنى الخفنه عز الله انك جبتيها صح


اما المضرب فهو قماش يفصل على شكل معين ويدحى بالصوف
ليكون غطاء دافي

اما الجودليه فهي المده ومجموعها مدات

[ابونايف]

مضرب: تقصدين بها مضرب التنس :D

جودلية : نوع من انواع رياضة الكونغ فو (I: ...او يمكن نوع من انواع الحلويات مثل السوفلية :shy



انتظر ما اذا كانت الحلول صحيحة ...:p

هههههههههه

الله عليك ياقهر الرجال ...

الاجابة خاطئة التقييم -100%

[ابونايف]

قايلت لكم لاتستهينون فينا
بس ماصدقتوا
(قهر الرجال)(وجد) :think:
ترى ماني ناقصه اطامر معاكن من شيخ لشيخ
تكفون لاتبرزون مهاراتك علشان ماينبطكن ابو نايف بعينه
وذويبان ترى عنده صكات ارضيه وجويه
انتبهن على حالكن
خلكن مثلي أعرف بس أقول ماعرف:D

ههههههه

اما الذيب وحده بوحده ...

أنا ما اضرحيل بالريش ...

[نجمة سهيل]

أنا ما اضرحيل بالريش ...

يعني هذي الكلمه اللي تبغى نترجمها :p

وشو ماضرحيل بالريش:confused:

[ابونايف]

يعني هذي الكلمه اللي تبغى نترجمها :p

وشو ماضرحيل بالريش:confused:

ههههههه

صباح الخير ...

بالريش يعنى الاصابه بسيطة جداً ...

[نجمة سهيل]

صباح النور

شكلوا مافي كلمات

انا بقول
شمعنى (قفه):D

[ابونايف]

قفه / اتوقع امش خلفه ...

[المعلمة الاولى]

اوكيييييييييييي

وش معني وليفي ؟

بسرعه جاوبواااااااااااااا

[أنا والليل؟]

اوكيييييييييييي

وش معني وليفي ؟

بسرعه جاوبواااااااااااااا


وليفي : كلمة تقال للشخص العزيز على النفس .


طيب يالربع أبي معنى :

الغبشة

الصفرة

مشكبر ( مشتسبر )

أتوقع تلقونهن بمعجم لسان العرب أو القاموس المحيط

[سليمان شعيب]

ههههههههههههههه
صباحك ورد انا والليل:)

الصفرة ...حزت المغرب

الباقيات على ابونايف ونجمة سهيل ووجد اتوقع يحلونه مثلك عارف ودي أعطيهم فرصه:p

أقرب شارع فرعي :D

[سعود الشمري]

الغبشة





الغبشه هي الجهمة

عااد افهموهااااا !!!

اكيد بعضكم فهمها

[أنا والليل؟]

ههههههههههههههه
صباحك ورد انا والليل:)

الصفرة ...حزت المغرب

الباقيات على ابونايف ونجمة سهيل ووجد اتوقع يحلونه مثلك عارف ودي أعطيهم فرصه:p

أقرب شارع فرعي :D

صباحك عسل ياهلا (( سليمان ))

جوابك صحيح


أدري أنك تعرف الباقيات , بس ماشاء الله عليك متواضع , تبي تخي دور للأعضاء يشاركون :p

[أنا والليل؟]

الغبشه هي الجهمة

عااد افهموهااااا !!!

اكيد بعضكم فهمها


هههههههههههه الكلمة مترجمة وأنت لعنت جدفه , حرفته لترجمة أصعب هههههههههههه

خل ياما يجي أبو نايف ويترجم الكلمتين , أو أحد اللي يعرفون بهالحكي

[قهر الرجــــال]

الغبشه هي الجهمة

عااد افهموهااااا !!!

اكيد بعضكم فهمها



نعم نعم ..

تقول العرب قديما ...

سنغادر الديار عند جهمة الطير ...اي مبكرا جدا ..وقت الفجر ..:D

واخيرا حليت كلمة ...ياسلاااااااااااااااااام عليك ياقهر ...


اما البقية فكما قال سليمان اترك الفرصة للبقية ...

نجمة سهيل ..وجد ...وش فيكم عقولكم مقفلة ..فتحوا المخ شوية <<<اوخص ماحد قدي حليت ..:p



وشكرا لكم

[ابونايف]

الاخ سليمان الربع سبقوني بالحل ...
مامعنى الهوادي :

[سعود الشمري]

مامعنى الهوادي :


هلا ابو نايف الهوادي انا اعرفها بس افتح المجال لغيري يجاوب عليها وش رايك

[ابونايف]

هلا ابو نايف الهوادي انا اعرفها بس افتح المجال لغيري يجاوب عليها وش رايك

كلام سليم انت وسليمان والذيب خارج المسابقة ...

[سعود الشمري]

كلام سليم انت وسليمان والذيب خارج المسابقة ...



الذيب شكله في سبات صيفي طويل هاليومين

[ذويبان11]

COLOR]
[COLOR="Navy"]مامعنى الهوادي :




ابو نايف الله يكفينا شر الهوادي
هههههههههههههههههههههه

[ذويبان11]

مساكين للحين ما عرفتوها:note:

الهوادي شي يضربون فيه :I ههههه

هذا الي فهمته مع العلم مافيه احد غششني ;)


ابو نايف شفت انا عرفتها لحالي محد قالي عليها :D



ما عندي كلمه اقولها اترك المهمه لغيري


وجد انتي منين طلعتي وين هالغيبات

شكلك خذيتي دوره في تعلم معاني الكلمات


(( سقى الله أيام منتدى التسليه )):-: :-:

[ابونايف]

ههههههههههه

وجد الاجابة صحيحة 100%

الذيب الناس تعلم ...

[المعلمة الاولى]

مهنقصيين بموضوعي وانا مدري !!!

يالله وش معنى مهنقصين

[الدب الداشر]

خخخخخخخخخخخخخخخخخخخ

مهنقص زعلان ..


أعتقد .. صح ؟؟؟

[الــشــمــري]

:k: المعلمة الاولى
انت بفعال عضو متميز تقبلي مروري

[الــشــمــري]

[QUOTE=المعلمة الاولى;249519]انا جايبه لكم لعبه اتمنى تعجبكم





شكر على هالفكرة
:k:

[نجمة سهيل]

وين وصلنا؟؟؟

[ذويبان11]

طيب وش معنى

جخاخه:note: :note:

[قهر الرجــــال]

ما ادري ليه احس معناها زناخة ...كما في المثال :

( يقال لك فلان عليه زناخة مخ ...) يعني مايفكر ..او مكربن ...

عاد هذا اللي طلع لي ...





الله يهبلك قنمبلة <<<الشيخ مدحت:d

[قهر الرجــــال]

ومعنى مهنقص ...اي مهيص ...وماخذ راحته على الآخـــــــــــر

[المعلمة الاولى]

ومعنى مهنقص ...اي مهيص ...وماخذ راحته على الآخـــــــــــر

شاطره قهررررررررررررررررررر برافو عليك

وش معنى تقذرف

[ابونايف]

تقذرف
هههههههههههههه
الجواب عند ابو نايف او ذويبان

هههههههههه

والله ماره علي بس (مضيع) المعنى ههههههههههه

الظاهر مليان ؟

اتذكر واجيب العلم الاكيد ...

[قهر الرجــــال]

تقذرف ..اي يأكل بدون نظام ...يخوّش <<<على لهجة اهل الرياض والعهدة على الراوي

او يشرب الشوربة ويقذرف ...يعني ملعقة في الفم وملعقة من جنبها ..ومأخوذة من قذارة (تقذر)
وحرف الفاء زائد للتشبيه ..

8
8
8
8
8
ادري انها خطأ :lol

[ابونايف]

ههههههههههه

الظاهر هذا هو الحل الاقرب ...

حلوه اداة التشبيه ...

[المهستر]

والله مدري عن اجوبتكم
شكلها كلها خطا


بس وش معنى

في تيتي تلقفها تاك

[المعلمة الاولى]

تقذرف بمعنى انقلع ول انهج ورنا عرض اكتافك

[المعلمة الاولى]

وش معنى ياويطي خخخخخخخخخخخخخ

[عروووبة]

طيب وش معنى

جخاخه:note: :note:


جخاخه (( بنت عم الجرادة ))

[الدب الداشر]

الجخاخه يابطله .. هي الجراده الصغيره خخخخخخخخخخخخخخخخخ

[المعلمة الاولى]

بنت الجراده يعني

[ابونايف]

رفحاوي قال للمعلمة الاولى (مذهوبة) ...

ما معنى مذهوبة ...