اللي ما يتزوجك ... مستحيل يكون يحبك

[حماد الرويان]

اللي ما يتزوجك ... مستحيل يكون يحبك
اللي ما يهديك اسمه ... ويتشرف بك حنانه
وياخذك عهد و أمانه ... ويمنحك بيت وحياه
ويقسم أيامه لقلبك ... مستحيل يكون يحبك
أي حب اللي تبينه ؟
أي رجل تصدقينه ؟
أي عمر تضيعينه ؟
وأي زهر تذبّلينه ؟
على حروة ... إنك لعهدك وفيه
يا حنونه .. يا رقيقه .. يا غبيه
بهالبساطه احسبيها .. وافهميها واعقليها
اللي ما يتزوجك ... مستحيل يكون يحبك
لعن أبو حيّك كفايه .. كل عشق وله نهايه
متى تخلص هالحكايه ..؟؟
يكفي العمر اللي ضاع .. يكفي الشمع اللي ماع
يكفي الصبر .. العذاب
يكفي الذل .. العتاب
مره اتخذي قرار ... ينقذك من هالضياع
فارقيه .. وعيشي عمرك
فارقيه .. وشوفي زهرك
فارقيه .. وامشي دربك
توبي عن ذُلّك وذنبك
وإن ضعفتي مره ولدّ الحنان .. للسنين اللي زمان
حطي في بالك حقيقه
قاسيه حيل ومريره
اللــي مــايـتـزوجــك .. مــســتـحــيـل يـكـون يحبك

من بريدي وهام جدا..
نداء لكل من خدعت وتخدع باسم الحب
امل تاملها بدقه هذه الكلمات وشكرا لكم

اخوكم ابو فيصل

[رفحاوي]

اخوي / ابو رويان

جزاك الله خيرا وزوجك بكرا ورزقك الذرية الصالحة انت وجميع المسلمين...

ابي اضيف لكلامك الحلو ... حتى لو قبل انه يتزوجها فان العلاقة بينهم لا بد وان تنهار لانه سيشك فيها لاي سبب ولن ينسى ما اعطته من حب وغرام قبل الزواج ... ويظل الشك يساوره ان يكون في طابور طويل من الممنوحين لتلك اللحظات الحانية .

حمانا واولادنا وبناتنا ورجال ونساء المسلمين من الحرام ومتعنا بالحلال ... اي والله يا زين الحلال ويا زين الشريفة وفعلا كما قال الرسول صلى الله عليه وسلم ( الدنيا متاع وخير متاعها الزوجة الصالحة ) او كما قال صلى الله عليه وسلم.

الف شكر لك اخوي ابو رويان على هالنصيحة الثمينة واتمنى ان يستفيد منها الجميع .