والله ظلم يامكتبات رفحاء؟؟؟

[الضياااغم عزوتي]

السلام عليكم ورحمه الله وربركاته


الموضوع وما فيه بختصار ذهبت عصر هذا اليوم الى مكتبه اريد اخذ ملخص لاخي ولابن

عمي لماده حاسب ثاني ثانوي, فكان الملخص عباره عن صفحه واحد لا اكثر اخذت الورقتين

وذهبت الى المحاسب...اعطيته ريال( مع علمي ان عشر اوراق بريال)قال الاخ وهو سوداني

حسابك ياخي ريالين؟؟؟؟ قلت ليش ريالين؟؟؟ قال هذا ملخص قلت هذا بخط اليد ولم تتعبوا انتم

في طباعه ولا في شي بل اني اعرف الطالب الذي كتبه وهو من جاء به اليكم, واتصل على

زملائه واخبرهم به وبمكانه , قال ياخي حسابك ريالين تبغاه والا سيبه؟؟؟؟؟؟؟؟؟؟


(((((((((((اخذته وانا اقول في نفسي حسبي الله ونعم الوكيل)))))))))



هل هذا الشي يعلم به صاحب الكتبه اما لا؟؟؟؟


هل يرضيكم هذا الفعل يا اعضاء منتدى رفحاء اما لا؟؟؟؟؟؟

هل نسكت لمثل هذا اما لا؟؟؟؟؟؟

اسأله نحتاج الى اجابته......ا




حرر من قبل مراقب المنتديات

[ثاني التومي]

يالغالي سعر الحديد مرتفع وآلة التصوير فيها حديد عشان كذا ارتفع سعر الورق

هذه أعذار ارتفاع الأسعار دائما

[الضياااغم عزوتي]

هههههههههههههههههههه. يمكن هذا المقصد

مشكور على مرورك الرائع.

[مدير الانترنت]

أظن ابو فيصل مايدري وهذا اجتهاد من السوداني في تحديد سعر الملخصات

[ثلج مشوي]

صدقت اخي نعم هذا هو الحاصل بجميع المكتبات


والمشكله ان صاحب الملخص يضعه لوجه الله


ليستفيد منه الغير


ياسيدي مادام الامور تخلص بفلوس


خلصها والله يوفقك


تقبل مروري

[الضياااغم عزوتي]

مدير الانترنت,, مشكور على مروك

[الضياااغم عزوتي]

ثلج مشوي. والله انك صادق مادام تنخلص بالفلوس خلصها...
عطرت الموضوع بمرورك

[زوينة]

معليش يا الضياغم عزوتي كلامك في غير محلة وغير منطقي وللاسف المواضيع هذه كيف تكون في منتدى راقي كهذا المنتدى ......وحتى العنوان فيه من الأخطاء الشيء الكثير

[يزيد جعفر]

اخي إتق الله وأعلم أنه من تتبع عورة أخية، فإن الله يتبع عورته، ومن يتّبع الله عورته يفضحه في بيته....هلا تاكدت في البداية قبل أن تنزل المقال وتذكر أن يداك ستشهد عليك يوم القيامة بما تكتبه
·

[عذب الكلام]

يابعد حيي الدنيا ماهي على خبرك
وشلون الورق يالغالي

[الضياااغم عزوتي]

فاقده شي......وش الاخطاء اللي في العنوان ماني شايف شي اذا انتي شايفه شي قولي هذا اوووولا.
وبعدين ليش مااااهو منطقي كلامي وش فيه... هذا ثانيا
وثالثا. انا شي صار لي وشفت فيه ظلم لي وامثالي ونقلته عبر المنتدى,,
(((((((((((((((((( بس اقول الظاهر انك تهرفين بمالا تعرفين))))))))))))))))

[خلف ابوه]

كان المفروض تغير الموضوع إلى ...والله ظلم يا الضياغم عزوتي
حسبي الله ونعم الوكيل وش تبي تدور الفضائح اخاف بينك مشكلة مع صاحب مكتبة وجاي هنا في المنتدى تصفي حساباتك مع الرجال؟؟؟؟
المنتدى هذا قائم على الاخبار والمناقشات التي تصب في مصلحة المدينة وماغير ذلك فهو بااااااااااااااااطل




حرر من قبل مراقب المنتديات

[الضياااغم عزوتي]

يزيد بن جعفر,,,,,,,,,,,,,,,, اللهم اني اسالك تقوااااك.
لوووووووووووو انا ماني متاكد من الكلام هذا وصار معي ماااا كتبته واترك عنك الكلام اللي ماله داعي واقراء الموضوع زين... وبعدين رد

[فيصل 1]

ترى كلها ريالين وسلقت الرجال وشهرت فيه بالمنتدى....أفا ترى هذه مي من عوايد الضياغم ياشبل الضياغم وحسب علمي أن أصحاب المكتبة من المقربين لك وتقهوى عندهم وتدردش معاهم عيب عليك تغنابهم من وراهم بالمنتدى....أرجوا ان نرتقي للأفضل

[الضياااغم عزوتي]

خلف ابوووووه.... انا اعرف منك وش اكتب عنوان الموضوع بس انت شكله دخنت كتفك ... وانا والله ما بيني وبين صاحب المكتبه شي ولا تربطني به علاقه لا من قريب ولا من بعديد ولا صار بينا شي..... بس شي صار معي ونقلته لكم ......
وبعدين هذا شي يهم رفحاء ويهم اهله وشلون تصير الوووووووووووووووووورقه بريال ليش؟؟؟؟؟ عطني سبب مقنع..


وبعدين ثلجججج مشوي يقول هذا بكل المكتبات وانا ماجيت الا هذي.

[الضياااغم عزوتي]

فيصل 1 والله ما اذكر تقهويت عندهم ولا جيتهم...واترك عنك عوايد الضياغم وحنا اعرف منك بالعوايد ولو انا من معارف صاحب المكتبه ما نزلت المقال على حسب كلامك...وانا واحد من الضياغم بس مو اللي تبي..
والشي ما هو على ريال وريالين الشي لبش يسوون بالناس كذا؟؟؟ هذا المهم ماهو الماده وانت منظورك ماااااادي بس

[ذويبان11]

الله المستعان

[الغريق]

بصراحة استغرب الردود الغير واقعية ,,,كيف عرفتم أن كاتب الموضوع غير صادق فيما قال ,,,

[سعود الشمري]

ياخوان لاتكبرون الموضوع الله يهديكم

الرجال تكلم عن مشكله واجهة في المكتبه ويستفسر هل صاحب المكتبه يعلم بذلك ام لا

ولم يتطرق لسب او لشتم احد او الاسائه للمكتبه واحيانا قد يتصرف العمال ويتلاعبون بالاسعار دون علم كفلائهم وهذا اللي استنتجته من كلام الاخ

وهدى الله الجميع

[عضو]

وعليكم السلام ورحمة الله وبركاتة


يا اخ / الضياااغم عزوتي


مثل ماذكرت السالفة ماهي على الـــ2ــريالين بس لو ماذكرت المبلغ:shy



ياولد الضاهر انك نسيت اننا نعيش ايام اختبارات والمكتبات والقرطاسيات هاذي فرصتهم نعم


انه موسم لهم بلامنازع واذا كان تزويد الاسعار شي رمزي فهاذا لابد منه مثلهم مثل باقي


التجار من يستغلون المواسم مثل محلات الملابس الجاهزة موسمهم الاعياد والافراح


وغيرهم من التجار



واخيرآ لاتنسا انه موسمهم فعليهم استغلاله

[صمت مغتربة]

لا حول ولا قوة الا بالله

[مياح الشمري]

كل سوداني نصاب تجد القليل منهم الممتاز
تقبل مروري

[النشمي عناد]

أولاً صاحب الموضوع لم يسب صاحب المكتبه ... وصاحب المكتبه أكبر من أن ينسب

رجل جالس في بيته ولو كنت مكانه لبعت بالقيمه اللي أبي ... ياعزوتي

هي حبكت عليه ... بس لو ماخذ لك فره يالحبيب كان تلقاه

من أرخصهم , شف مكتبتين متجاورتين وأسأل وتقنع

وياخوي لايطيرونك على صاحب المكتبه . بعضهم يحاول يخليك

تغلط بالغصب .... وبعدين هذي تجاره . وطالبنك تالي هالسافه .

والظاهر نمون يالعزووووه .


الضياغم عزوتي تقبل مروري .

[الضياااغم عزوتي]

ذويبان 11 مرور اكثر من رئع.....

[الضياااغم عزوتي]

الغريق.... انت تشوف ها العالم بس عسى الله يعين , وزيدك من الشعر بيت واحد منهم يقول كل يوم وانا عندهم؟؟؟
مرورك عطر الموضوع

[الضياااغم عزوتي]

المختار الظاهر انك جبته الله يعين؟؟؟؟

[الضياااغم عزوتي]

النشمي. المشكله انه الملخص الرجال منزله بالمكتبه هذي.. وشلون ادور غيره؟؟؟؟؟
رقع يـــــــــــــــــامرقع

[الضياااغم عزوتي]

ماهموني,,, مرور اكثر من رائع
لك ودي.

[سيف العرب]

السلام عليكم ورحمه الله وبركاته:-
مع احترامي لشخص كاتب الموضوع- مثل هذه المواضيع تذهب بالمنتدى الى مالا نريد

اخوكم/سيف العرب

[همّام]

أخوي الضياغم عزوتي

ما أضر بالطلاب مثل الملخصات
وبعض الطلاب أهمال طول السنة
وليلة الاختبار يبحث عن الملخصات

[الوجين]

أخوي الضياغم عزوتي

ما أضر بالطلاب مثل الملخصات
وبعض الطلاب أهمال طول السنة
وليلة الاختبار يبحث عن الملخصات



انشهد انك صادق استاذ همام

[شايب الشريا]

معليش يا الضياغم عزوتي كلامك في غير محلة وغير منطقي وللاسف المواضيع هذه كيف تكون في منتدى راقي كهذا المنتدى ......وحتى العنوان فيه من الأخطاء الشيء الكثير







مادري وين الاخطاء بالعنوان ؟؟؟



حاولي تصلحين الخطأ اللي بـ توقيعك !!!!



باقــــــــــــــي حرف ما دري متعمده الشي والا لا ....

[المعالي]

أظن ابو فيصل مايدري وهذا اجتهاد من السوداني في تحديد سعر الملخصات

[بالله أستعنت]

الله المستعان

[القنـــــاص]

عمي العزوه كلامك في محله وفي اتم الصحـــــــه


ومنتديات رفحاء لحل مثل هذه المشاكل




معليش يا الضياغم عزوتي كلامك في غير محلة وغير منطقي وللاسف المواضيع هذه كيف تكون في منتدى راقي كهذا المنتدى ......وحتى العنوان فيه من الأخطاء الشيء الكثير


مااشوف اي خطأ في كلام الاخ لا بالموضوع ولا بالمقال




اخوي خلف ابوووه لعلمك بس الاخ العزوه لو كان يبي يفضح كان اول شي يذكره يقول


اسم المكتبه بس الرجال قال رحت لمكبة



ع العموووم كل واحد له وجهة نظر وذي وجهة نظري


تحياتي لكم تقبلوا ردي بصدر رجب


الف شكر لك اخي عزوه

[ابومحمدالزوبعي]

السلام عليكم

ياأخي الضياغم عزوتي

انت نسيت أن الرز غالي

الشخص الي يصور يعني مايأكل رز ؟


شفت اشلون جبتها

ههههههههههههههههههه

تقبل مروري أخي الغالي

[الضياااغم عزوتي]

سيف العرب,,, احترم وجهت نظرك

[الضياااغم عزوتي]

هماااااام......................................... ..ما ادري وش دخل كلامك بالموضوع؟؟؟؟

[الضياااغم عزوتي]

لجين؟؟؟؟ انت همام بوادي وانا بوادي,,,

[الضياااغم عزوتي]

شايب الشريا.... مرور اكثر من رائع...... ومشكور على كلامك الطيب ياطيب

[الضياااغم عزوتي]

المعالي... مشكور على المرور

[الضياااغم عزوتي]

القناص..... وفرت على الكثير من الكلام
مرورك عطر موضوعي

[الضياااغم عزوتي]

ابو محمد ..... لو السالفه كذا معذوريييييييييين.ههههههههههههههههههه

[الوسام]

يعطيك العافيه وترى مافي فرق ريال زاد ريال عادي موسم لو قلنا 10 زياده لك حق

[الضياااغم عزوتي]

الــــــــــــــــــــــوسام انت تنظر من منظور مادي وانا العكس.......

[الضياااغم عزوتي]

يـــــــــــــــــــــــــــــــــــــــــــــــــ ــــــــــــامشرفيت احذفوا الموضوع ولا تغيرون العنوان؟؟؟
انا الموقف صار معي بمكان معين ولا اظن كل المكتبات على هذه الشاكله

[أبوطـلال]

مساك الله بالخير الضيغمي
طال عمرك انت قارنت تصوير بملخص وفيه فرق يالغالي التصوير ورق ابيض يتم نسخ النسخه فيه
اما المخلص مو مهم الورقه المهم الي به
الموضوع تجاري وفي كل المكتبات بالعالم في بعض الملخصات وانا اخوك تاصل 100ريال عندي هنا بالرياض
خلك منطقي وانا اخوك
والوان وابجد والذهبيه والرائد والبيان مثلهم مثل غيرهم
عاد إذا عندك مشكلة مع صاحب المحل شيء ثاني

[الضياااغم عزوتي]

ابو طلال انا صاحب المحل الله يستر عليه ويرزقه ما بيني وبينه اي شي؟؟؟؟وبعدين ياخي وشلون تجي ورقه 100 ريال بالعقل؟؟؟؟؟؟؟؟؟؟؟واللي منزله احد الطلاب لزملائه وهم ما عليهم الا التصوير فقط لاغيررر
(((((بس تدري سالفه الميه حلوه والله يا الغالي حتى الكتب القيمه ما تاصل 100 ))))
(دخلها براسي وشلووووووون)