المساعد الشخصي الرقمي

مشاهدة النسخة كاملة : يا ذيب يا ذيب الخلا



نايف عايد
23 Jun 2008, 09:38 PM
الاهداء


للدب الداشر



لكم المتواضعه


00


صمنا ولكن وش جنينا من الصوم
بشهر الكلام اللي حوى مفطرينه

اللي جنينا حنظل مزامرّ اللـوم
وقلة حيا فكر الأدب والغبينه

حوارنا تافه (و.........) ومكتوم
ورباننا يسعى لغراق السفينه

أقرب مثل سالم ولد عم سلوم
لجل ونعم يسجن على عجز دينه


وش دخلك؟ مالك دخل ولاانت ملزوم
اشبع من ( التمن ) وطرق العجينه

منهو يلومك دام غاربك مختوووم
ونخوتك ماتت بإزدحام المدينه

ياقوم يابعض الرجاجيل ياقوم
مثل الحراث اللي عقم حارثينه

غـنّ ياخفوقي دام للهاص محتوم
والعب طرب واسحب وذب السمينه

ياذيب ياذيب الخــلا ماانت منجوم
أنت تخبر علمٍ ماهم خابرينــــه

لاجيت شرقي من شثاثا ولملـوم
سلم على اللي بالوفاء ذاكرينه

قله رفيقك عقبك يطيح ويقوم
ويبكي على الذكرى ويصفق يدينه

وقله ترى سيف الجفا جرد مثلوم
ماينتفع به باللقــاء ذاخرينـــه

وقله إذا انه قالبٍ راسه الحوم
رجم الغلا يشفى شفا مرقبينه

وان شفته علومه غدت علم وعلوم
قله بعد تقبيل فقرة جبينــه

لاصرت( ماتوسم) بعـيـٍرك مع القوم
لاراح لاتركض ورى مقتفيينه


وسلامتكم


( نايف الذعذاع

ذويبان11
24 Jun 2008, 12:51 AM
صح لسانك اخوي

على الابيات الرائعه

سعود الشمري
24 Jun 2008, 01:03 AM
صح لسانك على الابيات وشكرا لك

الدب الداشر
24 Jun 2008, 01:25 AM
.
.
.


هلاا والله وغلاا ..
.
.
.



أســتــــلــم .. هالكيبورديــه .. مع مــلاحــظــة أنــي تــعــبــان ولاعــلي شــررهة :shy ..

.
.
.
.
.

يا نايف الذعذاع لاصرت ملزوم
ذعذع مع النايف بليل السكينه
.
الصايم اللي ما قوى عينه النوم
صام الشهر قانص وجاب الغبينه
.
ذنب دفعوه القوم ماهو على القوم
ليه أشترى جوال دون الكبينه
.
وأن شفت أبورمزي عيونه كما البوم
يغمز علينا ثم يمسح بطينه
.
منهو يغوص البحر ما يعرف العوم
واللي يعينك جعل ربه يعينه
.
الهاص حكمك والسرى صار مذموم
دام الولد يآكل بنات ٍٍ ثمينــه
.
من قال لك سلوم سلم لك اليوم
يضحك على سالم يخايل زبينه
.
هذا يجي في كوم والحب في كوم
وأنا رفيقي راكبٍ فالسفينه
.
قبل يدين اللي على كفه وشوم
وأنا أن بغاني كيف أقبل يدينه
.
بيني وبينه درب بالورد ملغوم
والموت يجري بين دمي وبينه

.
.
.


أبوعايــد تراك أنت كفيلي عند سلـــوم .. :p



.
.
.

~ابو ليث~
29 Jun 2008, 10:10 PM
صح لسانك أخوي

السفيـر
11 Jul 2008, 02:25 PM
صح السانك اخي العزيز

الرومانسي
14 Jul 2008, 04:44 PM
صح لسانك

قصيده رائعه


ورد الدب اروووووووووع



دمت بووود

الدب الداشر
23 Jul 2008, 11:56 AM
حضورك الأروع الرومانسي .. :) ..

شكراً نيابة عن أخوي نايــف .. شكلي بكفله آخرتها مع أن عندي أخباره بتبوك .. أظني أدور كفيل عنده :) ..