سؤال لأهالي رفحاء..

[أبو هيا]

السلام عليكم

يا اخوان ويا اخوات مساكم الله بالخير

ياليت تجاوبون على سؤال وجهه لي زميل من خارج مدينة رفحا وزارها اول مره قبل اسبوع تقريبا..

السؤال/
من هو مرمر الجنيدي؟مرمرهم الوسواس وش المقصود فيها؟يقول الزميل العزيز ان الجمله السابقه مكتوبه تقريبا في كل زاويه في رفحا...يقول هل الجمله السابقه اعلان عن شئ ما..علاج مثلا...

بصراحه السؤال وجه لي وانا انحرجت..مابغيت اقول ان المذكور من سرابيت رفحا اللي مالهم والي..لاني اعرف ابو الزمل بيتبرع بصبغ لبلدية رفحا وهذا فيه احراج لنا يا اهالي رفحاء الكرام..

ياليت اللي عنده جواب يجاوب..وكذلك فرفور اللي يتحدى المرور ياليت تعلموننا وش صار على التحدي بينه وبين المرور

[النشمي عناد]

بالمحمديه .... والسلام .

.

[صمت الشجون]

اللهم صل على محمد وعلى آله وصحبه أجمعين
يالله المستعان التربيه مهمه وهذا دور الام ولاب ولكن ماحولك احد ويقلون الجدران دفاتر المجانين وشكرا اخي على المشاركه;;)

[الوسام]

لا أعرف لا مرمر ولكن أعرف عرعر ههههههههه

[الضياااغم عزوتي]

تبي اقولك شكلي برسله على الخاص للك بس وش الفايده اذا عرفت اسمه؟؟؟ وش تبي سوي له يعني ؟؟؟ تبي تشتكي عليه؟؟؟ او ؟؟؟ او؟؟؟

[الكوكب العاشر]

موضوع مهم لمشكله مستفحلة..
ولكنها صرخـــــة في واد .
مشكووور اخوي .....

[صادق الاحاسيس]

مشكور خيوه


والله في نظري انه فيه نقص في ذاته

ويبي يكمل النقص في الكتابه على الحيط

وانا اعتقد يعاني من مشاكل نفسيه

وبنسبه

فرفور يتحدى المرور

اشوفه مختفي

شكله مفحط مصروع عن المرور

والله مراهقين الله يستر عليهم

يبحثون عن الشهره على



الله المستعان



تقبل مروري


صادق الاحاسيس

[أبو هيا]

ومازال البحث جاري عن مرمر مرمر الله راسه في محرقة رفحا

[الشمريه]

ادعوا له بالهدايه

[القنـــــاص]

هي بس على مرمر اياااااااااااااااااااااااااااااااااام



كنت اول متابع كتابات واحد اسمه ابو عقرب

ف كل زاويه كاتب اسمه

[أبو تركي]

الله يهديهم جميعا...

[عروووبة]

الله يهديهم

[أنفاس الليل]

قريت مره مرمر كاتب رقمه وكاتب { للحلوين فقط } الله يهديه

[دمــع رفحــاء]

والله انه مســـــــــــوي زحمــــــــــــه لحالـــــــه . .

هذا طال عمرك طب على العربجه والسربته متااخر . . وبيعوظ الي راااح بها الكتابات

(مســــــــوي بيشتهــــر)

ياحليله . . المفروض يسوون له سجن داخل البلديــــــــــــــــــه ويقفلون عليه

هههههههههههههههههههههههههههههههههههههههههههههههههه ههههههههههههههههههههههه

[س ك ر 666]

كل راس ماله قطعت سربوت هلفوت قليل تربيه واتوقع هذي اثار البطاله

[أبو هيا]

طيب المجلس البلدي ليش مايحتوونه اذا عنده مشاكل عاطفيه :)

[رفحاوي]

أقرأ على الجدران "مرمر الجنيدي" ...
يبدو أنه أحد الشباب المراهقين ...

[رداد]

جتني معلومة قبل قليل تفيد

أن مرمرهم الوسواس ليست رمزا لشخص واحد فقط !! بل هي رمز للأخوين مرمر

يعني مرمرهم شخص والوسواس أخوه الصغير :) وقبل سنة ونصف تقريبا اتفقا على الاندماج

تحت مسمى ( مرمرهم الوسواس)

[شر شمر الجنيدي]

مرمر الجنيدي عز عز عز عز عز عز بس ذبحتناااااااااااا بالخرابيش ههههههه ×مدمرهم×الوسواس×مرمر الجنيدي×

[حشر]

من حق زميلك أن يتسائل ومن حقك الاجابة

بالنسبة للوسواس ومدمرهم وغيرهم كثير

أمثال فرفور يتحدى المرور وتومان ياتعبان

والاخرون القادمون بقوة الى زوايا الاسواق والمدارس

والبيوت المهجورة ؟؟؟؟

كل هولاء لديهم سبب واحد مشترك الا وهو (الفراغ والبطالة )

شاب تخرج من المرحلة الثانوية العامة فيجد كل الابواب أحكم

إغلاقها في وجهه فتعرف على من قبله بمهنة الميدان

وأمتهن الكتابة على تلك الجدران لعله يطفىء لهيب

ثورة الغضب التي بداخله .

فالمفروض تقول لصاحبك هذا نتاج مجتمعنا وهذا هو حق

مستقبل الوطن القادم وسواعده !!

ايهما أفضل من وجهة نظر زميلك التوجه الى المخدرات والعبث

بأمن الوطن وسلامة المواطن ام تلك النزوات التي تكتب في خفاء الظلام

وغالباً ماتكون في حدود الادب كونها لاتتعدى القاب .

يوماً من الايام ستجد كل سواعد الوطن تحمل مثل تلك الالقاب اذا

بقيت الحال كماا هي تجاهل لطاقات الشباب ووجودهم .

بالنسبة لفرفور يتحدى المرور أعتقد بأنه أصبح رجلً صالح بالمجتمع بعد

ان رزق بوظيفة على ما أظن كونه أختفى من الساحات الجدرانية

ولا أتمنى غير ذلك له ؟؟؟


اتمنى أن اوفق بالرد الشافي والكافي على زميلك

المتسائل .

تقبل مروري واتاسف على الاطالة

[السحيمان]

طيب سؤال ...؟!؟!؟
وابي اجابه من الكل ....
وش استفاد من الحركه الي عمله ....؟؟؟!؟!؟!؟!.
<
<
>
>
يذكرني بـــ.... الي تلقاه بكل مكان

[المحقق كونان]

بسم الله الرحمن الرحيم

ابو هيا فيه واحد قادم بقوه

وهو >>> ماتوقعتك كذا ياحيف

وتوقعاتي بيسألك عنه رفيقك في السنه المقبله !!

توقعاتي الحل يمكن في انشاء حائط من قبل البلديه تحت مسمى حائط الأبداع

تحيــــــــــــــــــــــــــــــــــــــــــاتي 0

[طالب متوسطة]

ابو عقرب مكتوبة على خرابة في حينا لها عشر سنين تقريبا
قديمة مرة لكن ماتغيرت كانت رمز لوجه الحارة حارة ابو عقرب

ظاهرت الكتابة على الجدران منتشرة بكثرة برفحاء او خارج رفحاء للاسف

[خيال العليا]

مدير شرطة رفحاء مشترط على الافراد اللي يجيبه له اجازة شهر

ابو هيا ماضنتي تبي تحصله هههههههه