المساعد الشخصي الرقمي

مشاهدة النسخة كاملة : أسئلة في أسئلة



هلال بن مزعل
21 Jul 2008, 04:38 AM
للهواجيس انتداب وتذكره صوب المحال=سافري بي لين حلْم وحلّقي للمستحيل
للبقايا والهبوب اشتدّ والتبرير حال=دون عفو الشاعر المنكوب لذنوب العميل
سندريلا مفعم الإيقاع آثرني جدال=واستجدّت مربكات الحظّ واللوعه نزيل
واستغلتني النوايا البيض والطهر المسال=واشتهيت إني أساير أدلجة من هزّ جيل
ما تجيد إلا هزلها والشكوك التي تقال=للتلاعب بالغلا الفطري ومن هذا القبيل
يا هلا بضيوف ليل الصمت والصمت ارتحال=والعتب شرهه ترتّلها مسافات الصهيل
يا هلا بالشك أحبه لا تمادى واستطال=يا هلا بالحبّ وذنوبه وأنا ماني بأشيل
يا هنوف ٍ لاجئه عندك عذابات الليال=والأماني واحتباس الدمْع وأسباب العويل
والقهر والخوف وطعوني ولهفات ٍ ثقال=وحبٍّ أودى بالمشاعر والعباير مو قليل
أنطقي عزّة جروحه واستفزي بكلّ حال=عنفوان الكبت وإبدي بعثرة حزن النبيل
هوّني ضيقة خفاه وهيئي جنح الخيال=وأفردي للوجْد ضحكه وانهضي يا أم الجديل
جلجلي بالإستداره جاذبية وانهطال=هالمدى وأحيي بلحْظك منوة الشفّ العليل
لا اسمعك إلا ترانيمٍ بلحظات احتفال=لا أشوفك غير دمعٍ لا قضى صبره تسيل
فوضويّه نرجسيّه مستبدّه بالخصال=الظّرافه واللّطافه والشّفافيه حصيل
رغْم تنكيدك وبطشك واقتصادك بالوصال=صرت وِرْد الفلسفات الضّاميه لا جنّ ليل
جعْت صوْت وذبْت توْت وذقْت موْت ولا يزال=همّي الأسمى أحبّك يا بعد ريم وهديل
وين ألدّ وليه أصدّ وكيف أردّ احساس جال=والحنايا رحّبت بك واستلذّت بك دخيل
ماكنه متمكّنه والشيطنه طبع الغزال=رتّب الطيش وتفنّن بالغنج يومه يميل
هيمنت في نصف ساعه وأنعشت خافق هلال=وأعلنت سلطة أدبها وابتدى نعي القتيل
جابته باسبالتين وضحكتين ومال مال=واربكتْه بغمزتين ونلْت يا الرمش الظليل
يا فتاة الحيّ دمتي للفتى عذب الخصال=دمتي الملهم لحرفه حبكة البحر الطويل
في ذهاليز المحاني لملمة وجد ونضال=وانتقاضة مخلصٍ مصدوم بالعمر البخيل
أسئله في أسئله في أسئله وآخر سؤال=علّل وقارن وعدّد واربط وهات الدليل
أسألك ليه بحضورك يعلن القلب امتثال=للشغب والفوضويّه في مساءات الجديل
ليه همسات الشفايا تشعل الجوف احتفال=ليه نظرات التصابي تودع الصاحي هبيل
يا الأنيقه يا الرقيقه يا الرشيقه باعتدال=يالطويله يا الجليله يا ضما بوح الخليل
جاوبيني ليه أحبّك ليه تقدير الدّلال=ليه نزواتي على طرياك يعجبها الرحيل
أمتطي شكي بذاتي وانفعالاتي مجال=لارتكاب البعد لا قفّيت يا الحبّ الهزيل
لي ثلاث أيام أندّد بالبطا والإنعزال=محتسب ضيقات صدري عزوتي صبر ٍجميل
لك تحيات المولّع وامتنانه من خلال=منبر القاف وسلامه وأيضاً الشكر الجزيل
صارت آلامي حكايه صرت للعالم مثال=للأسى والفقر والغربه وللدرب الطويل
لا شهيد استغفر الله لا ضحيه للجمال=أشتهي فكّ الرموز وفهم نقصان المكيل
لين ما يلفي جوابك صمت هقواتي مآل=لين ما تدرك شعوري بانفرد ويّا سهيل
يا إلهي يا مجيب دعاي حقّق لي منال=أنت يا ربي بعبدك يا بعد وجهي كفيل
وإنتي إنتي يا الخويه ريّحي قلبٍ وبال=واعطفي ولفك بعد غيبتك ما حصّل بديل
لا لفى موكب هجوسي يمّك وزّف الخيال=بلغيه بكلّ لطْف إحلول لغزٍ مستحيل

عروووبة
21 Jul 2008, 06:23 AM
صح لسانك .

ذويبان11
22 Jul 2008, 01:02 AM
صح لسان ابو مزعل

على الابيات الرائعه

الدب الداشر
23 Jul 2008, 12:39 PM
.
,
.


عوداً حميداً أبوصلاح .. صح لسانك .. وهناك كسر أعتقد بأنه كسر إملائي ...

ما تجيـد إلا هزلهـا والشكـوك التـي تقـال
للتلاعب بالغلا الفطري ومـن هـذا القبيـل



.
.
.


الأوجه الإبداعية في كل القصيدة وأخص ..


هوّني ضيقـة خفـاه وهيئـي جنـح الخيـال
وأفردي للوجْد ضحكه وانهضي يا أم الجديـل

.



خطيــــر هالبيت ..


جابته باسبالتيـن وضحكتيـن ومـال مـال
واربكتْه بغمزتين ونلْت يـا الرمـش الظليـل


.

دمعة على خد القصيدة ..

صارت آلامي حكايه صـرت للعالـم مثـال
للأسى والفقـر والغربـه وللـدرب الطويـل



.
.
.

صح لسانك أبـــــ صـــ لا ــــح ـــــو

.
.
.

هلال بن مزعل
24 Jul 2008, 01:17 AM
دمتم أحبتي ودام عطاؤكم ...

أخي الدب الداشر :

أشكر لك تنبيه أخيك لهذه الهفوة ...

فعلا أنا قصدت : " اللي " ولكنني كتبت : " التي " ...

ألف ألف تحية

نجمة سهيل
25 Jul 2008, 12:39 AM
يقال الصمت في حرم الجمال وقار
وفي روعة كلماتك ليس لي سو أن أتأمل
هذه السمفونية بصمت

دمت ودام إبداعك

سهرانه
26 Jul 2008, 03:01 AM
سلمت يداك هلال

اروح المحبين يظنيها البعد
ويضميها الشوق
فجات قصيدتك كالمطر العذب
على الصحاري القاحله

دام هتانك

هلال بن مزعل
27 Jul 2008, 06:15 AM
نجمة سهيل :

ألف تحية ود وإخاء

هلال بن مزعل
27 Jul 2008, 06:16 AM
سهرانة :

هنيئا للشعر !!

قد شاركتموه آلامه وآماله ...

صمت مغتربة
27 Jul 2008, 10:15 AM
جبتها ياهلال ....!!

صح لسانك ...وحالك ...

مشكور على الابيات الجميلة ...


تحيتي
صمت مغتربة

هلال بن مزعل
31 Jul 2008, 12:59 PM
صمت مغتربة :

مروركم عطر الأجواء وهذب الأهواء ...

هلال بن مزعل
20 Sep 2008, 06:13 AM
أحبة الشعر :

همساتكم آثرها الحس ، واستلطفتها العاطفة ، وسما بها الشعر !!

ماذا أقول ؟!

ما أجمل الحب صادقا !!
ما أجمل الوصال !!

سأنتشي ... سأبتسم ... سأغرد ... سأمتطي صهوة من خيلاء !!


ألستم من آنس المشاعر واستأنس بها ؟!
ألستم من أوقد الحماسة في جوف الحرف ؟!


آه ... ما أنبلكم !!
آه ... ما ألطفكم !!


دمتم معي :

مجدا أدخره لغد مشرق !!

دمتم هنا :

تسامرون قافية السلام ، وتناصرون خفقات الأسى !!


لست إلا بكم :


فلتقبلوا أخاكم الجاهل الثقيل !!


ودي ،،،


( أبو صلاح )

همّام
20 Sep 2008, 06:21 AM
الأخ هلال صح لسانك
ولدي استفسار
سيصلك على الخاص

شمـــاليه
20 Sep 2008, 07:25 AM
القصيده قرأتها مره في اسم هلال العنزي

هل هو انت؟؟؟ :-/

صح لسان شاعرهااااااااا

هلال بن مزعل
28 Sep 2008, 01:52 AM
همام :

شرف لي تواصلكم معي !!

هلال بن مزعل
28 Sep 2008, 01:53 AM
شمالية :

نعم هو أنا !!

دمتم ودام همسكم ،،،


تحياتي

الزعيم
28 Sep 2008, 02:24 AM
صح لسانك يا هلال .

هلال بن مزعل
03 Oct 2008, 07:52 PM
دمتم أحبة أوفياء ...