ضع هنا مواقف الإمتحانات

[زهرة الأوركيد]

السلام عليكم

كلنا مرينا بمرحله امتحنا فيها وأكيد صار لنا مواقف ومقالب ماننساها

ولأننا الآن في فترة أمتحانات حبيت أطرح موضوع للترويح

أبيكم تدخلون وتكتبون أي موقف مر بكم في الإمتحانات








راح أبدأ بنفسي

أختكم مييييييح بالجغرافيا وماتدبر فيها شيء

في امتحان الجغرافيا ثاني متوسط جانا سؤال
املئي الفراغ
وكان
بيروت هي عاصمة (.......... )

أختكم بكل ذكاء وحنكه
كتبت

دمشق

:D


المشكله أن أستاذة الماده راقبت علينا من بكره

وأكلت ذيك التهزيئة المحترمه
:-$ :-$





زهرة الأوركيد

[رفحاوي]

ابي اشارك بموقفين اسعفتني بهن ذاكرتي المبجلة :

1. ايام اولى ثانوي ما كنت افرق بين الاحياء والكيمياء ... وكان عندنا اختبار احياء وانا ذاكرت كيمياء ... ويوم دخلت لمكان الاختبار علموني الشباب ان الاختبار احياء ... قلت ذاكرت كيمياء و ما ذاكرت الاحياء ... قالوا من حظك اليوم ترتاح لان بكره عندنا كيمياء ...


2. ايام الشباب والطيش والجهل ... كنا ماخذين الاسالة وكان معنا واحد ( الله يذكره بالخير ) ما يدري وين الله حاطه .... اول ما دخلنا مكان الاختبار بدا الرجال يحل قبل ما يوزعون الاسالة ... قلنا يا ... انتظر حتى يوزعون الاسالة لا تفضحنا قال بكل ثقة يعني لو استلمت الاسالة ابي اقراها ؟!! قلنا معك حق .... كمل حلك .

زهرة ... ذكرتينا بايام حلوة راحت ... ابي اسالك وشي زهرة الاوركيد؟

[زهرة الأوركيد]

هلا فيك أخوي وتسلم على الرد الحلو والسريع

وزهرة الأوركيد زهرة:D:D



ولعيونك هذي عينه من الأوركيد :)

[ثقافي]

اللي أذكره ،، ومستحيل أنساه ،

هو أني مرة في امتحان الرياضيات في الصف الاول متوســــــــــــط ،،

حليت معادلة من راسي ،،

طبعا جاني كف من المدرس ما نسيت خطاي الا هالحين ،،،،،،،،،،،،








تقبلوا تحياتي ،،،،،،،،،

=============================

[زهرة الأوركيد]

:):)



أهلين أخ ثقافي

هي كذا الدراسه

علقات محترمه

بس لذيذة وخفيفة على القلب

:)

أشكر لك ردك
تحياتي
زهرة الأوركيد

[رفحاوي]

لحظة اخوي ثقافي ... معادلات باول متوسط ؟!!

اختي ام الاوركيد ... وين علقات محترمة و لذيذة ؟!! شكلك جيدة ما عمرك اخذتي مخمس وافمك مليان سندويس بيض .

[ثقافي]

رفحاوي

لحظة اخوي ثقافي ... معادلات باول متوسط ؟!!

نعم يارفحاوي ،، وكانت المعادلة داخل جدول ،، وهي عبارة عن أرقام .


زهرة الأوركيد

علقات محترمة لذيذة الآن ،،، أما في وقتها فهي صارمة ووحشية ،،،


ســــــــــــــــــــلامي

[زهرة الأوركيد]

خلاص ولا تزعلون


علقات حاااااره:D



موقف جديد

امتحان الأحياء ثاني ثانوي

وحده يقولوا عنها الأولى على الدفعه دايما ..جات الصباح مذاكره ومروقه ع الآخر .. جالها سؤال غبي من وده من البنات ... حاااارت البنت وتلخبطت ...


ضاق الصدر

مافيه تفكير

حست أنها بتفقد مركزها

وتفكر

وتفكر

لحد ماجاء وقت الإمتحان وهي ملخبطه ع الآخر
استلمت البنت الورقه
أول فراغ الأسم:.........



يااااااااااربيه وش أكتب الحين؟!؟!؟:-/


قامت لها خمس دقايق تفكر وش أسمي!!!! وش أكتب في هالخانه!!!


وبعد عناااااء طالعت في زاويه الطاوله لقت طابع عليه اسمها الرباعي ورقم الجلوس



:D
نقشته نقش ... أربع أسماء
ولما جت المراقبه تشيك ع الأسماء قالت.... وش فيك باززه بعمرك:-/








زهرة الأوركيد

[الحلوه أم قصه]

هلا والله وحشتوني كلكم مشكوره أختي زهره الاوركيد على الموضوع
لانه فعلا جااه في وقته
يووووووووووه سمعو سالفتي انا صارت معاي انا الحين في ايام الامتحانات :D:D

بس قبل لازم تدعون لي انشاء الله انجح


المهم السالفه انه كان عندنا امتحان readingالمهم الماده شوي صعبه
المهم اللي حصل اني ما كنت خايفه مره عادي بس البنات كانوا خايفين انا كنت متكله على الله المهم دخلت القاعه والبنات شكلهم رعب :D:D
انا قلت عادي يا بنت اذكري ربك

المهم شوي المراقبه وزعت الاوراق تخيلوو عشر صفحات يممه انا عادي بس اللي صار انه البنات كلهم قاموا يبكون قبل ما يحلون انا خفت قمت اسكتهم كسروا خاطري اخرتها حلو ا وطلعوااااا وانا جالسه ما حليت زي الناس احاتيهم لووووووول ولا لقيت احد يواسيني ولا حليت زي الناس :confused::confused:
الحين ايش اسوي في عمري طلعت وهم يشكروني ويقولون لي انتي قلبك كبير جلستي تهدين اعصابنا واني تورطتي اخرتها:^:^

لوووووووووووووووووووووووووول
الله يسترررررررررر

:cool::cool:

اوه الله يستر بس
الموضوع جاه في وقته
مشكوره زهره الاوركيد

[زهرة الأوركيد]

ههههههه

الله يبسطك ياحلوه

ويارب تنجحين وأنا قبلك:D:D

أنا خلصت وطبخت طبخاتي كلها والله يستر من النتايج

:rolleyes::rolleyes:

أحلى تحيه لأحلى حلوه :)
ويسلمو ع الموقف الحلو

[رفحاوي]

الحلوة ام قصة

سالفتك كلها المهم ... والمهم .

[الحلوه أم قصه]

تحياتي لك الاخت زهره الاوركيد والله يوفق الجميع
الاخ رفحاوي المهم شكرا على الرد:D

[عاشقة الجهاد]

زهرتي

ماأكثرها من مواقف بعضها كان صعبا ومؤلما والبعض الآخر كان لطيفا ومضحكا

أذكر أني لم أحصل على مستواي المعتاد في الإحصاء أثناء الأمتحانات الفصليه, وقد جعلت لنا أستاذة الماده ( جزاها الله خيرا ) إمتحان اختياري لرفع الدرجات
دخلت الإمتحان مجازفة فلم أستطع المذاكره قبله ولم أكن نائمه بالأمس, وحين استلمت الورقة كانت الأسئلة غريبه والمطلوبات أغرب
فالأسئلة كتبت بالعربية ونحن ندرس المادة بالإنجليزية, و محتوياتها غريبه جدا ورموزها أغرب
حاولت فك الرموز والحل فلم أقدر
ناديت الأستاذة لأستأذنها في ترك الإمتحان بعد 10 دقائق من بداية الوقت .. فانهالت علي بالسباب والشتائم لماذا تدخلين أصلا !!
المهم أخذت مني الورقة وخرجت , وفي نهاية الممر أسمعها تناديني
تعالي الورقة التي كانت معك للرياضيات وليست للحاسب:confused:

كان موقفا لا ينسى لكني خرجت من الإمتحان بالدرجة الكاملة ولله الحمد:)

كتبت قصة مطوله:D
زهرتي
سلمت على هذه الفكره الجميله

[رفحاوي]

اختي / المجاهدة ...

ارجو بدون زعل ... ... حيرتينا معك ما ندري وش نسوي !!! شفت مواقفنا وشفت مواقفك ولقيت شي جديد ... حتى مواقفك ذوق .

قلتي ( كان موقفا لا ينسى لكني خرجت من الإمتحان بالدرجة الكاملة ولله الحمد ) كاني اشم فيها شوفة نفس يمكن كبر راسك .

[زهرة الأوركيد]

أم خالد
أنا فاكرة الموقف ده
يعني مافيه حاجة طازة من الإمتحانات الأخيرة;)

أخ رفحاوي
إلا أم خالد مش ممكن يكبر راسها بس الإمتحان اللي تكلمت عنه كان وقتها خالد لسا اسبوعين وف المستشفى يعني ربنا وقف معاها:) وعدت والحمد لله

تحياتي
زهرة الأوركيد