الخــوف الأمــان

[نـازف]

http://www.mrkzy.com/uploads/20b94ccb50.jpg (http://www.mrkzy.com)

للريح في ممشاي خطوه تعصف برجل الزمـان
لين أترامــى في دروبي أو دروبي ترتمــي

يوم المطر عيٌـا عليه الغيم وش ذنب المكـــــان
اللي من الوحشه يسيل ولانبت فيه أدمـــي

في العين دمعه هاربه للخوف والخوف الأمان
وأبسط مفاهيم إرتياحي شيء يحرق لي دمي

ينبت ورى غصن النوايا من أحاسيسي لسان
وأنا على حبل السكوت ألعب بـ مرجوحة فمي

والشعر وشهوله ليا ماصار في سحره بيـان
أو في بيانه سحـر لا شعـوذ قراطيـس قلمي

ياست كل المعجزات السبـع لك عندي ثمان
الأولـه/ جرحـك.. وياما قلت جرحك بلسمي

والثانيه/ لولا الوفـا يمدي الخيانه ماتبـان
ولـولا الخيانـه مارمـاني من أعلمـه الرمـي

والثالثه/ تدرين ليـه الريـح تهـوى الخيزران
هذي الحميميـه مثل مـابين دمـك ولحمـي

والرابعه/ أربـع حروفـك كل حـرف بترجمـان
أكرم بها لسـاني ولو روحـي بهـا ماتنعمي

والخامسه/ قـربك لـو إن الأن أبعـد للأوان
والأن بعـدك ماقـرب من خاطـري غيـر ندمي

والسادسه/ روحـ (ن) تلاعبهـا على خيط الثـوان
إليا انقطـع صوت الدقايـق غبت عن معـالمي

والسابعه/ كأن شيئاً لم يكن لاقلت: كـان
لإنك المستقبل الماضي وحاضرك عدمي

والثامنه/ لـولا الزعـل بين الموسيقى والكمان
أمـا سمعت من النغم مايطرب إحسـاس أدمـي

[القروي]

الحمدلله
قصيده رائعه يعطيك الله العافيه .

[سعود الشمري]

مشكووووور على البوووح الجميل


لاعدمنا الاحساس الرائع

شكرا لك وتسلم

[أبو تركي]

تسلم طال عمرك..............

[نـازف]

الحمدلله
قصيده رائعه يعطيك الله العافيه .

يعافيك ربي مشرفنا القروي وألف شكر لتواجدك

[نـازف]

مشكووووور على البوووح الجميل


لاعدمنا الاحساس الرائع

شكرا لك وتسلم


مافي شي من قيمتك أخوي سعود

ولاعدمنا تواجدك

[نـازف]

تسلم طال عمرك..............


تسلم لعين ترجيك أبو تركي وشكرا ألف لمرورك