][ طرائف شعريه ][

[شمـــاليه]

يقول الشاعر


ما أنساك لو يسكن ولد بوش بطريف =ويسرح كلنتون بالغنم حول .. رفحا





سطو على البنك

الشاعر حمود البغيلي فكر في سرقة البنك ولكنه احتار في النهاية .. لننظر ماذا يقول


فكـــرت مرّه اســـــرق البنــك واعتاش= وصممت من قلبي انفذ قراري
وجهزت نفسي في مسدس ورشاش = ثم استعديت لجميــع الطواري
لكـــن قبل لا اســـــرق البنك وانحاش =احترت بين المركـزي والتجاري




حزن على النعال

كم هو الحزن الذي ينتاب من فقد نعيلاته .. ياويلي عنه ويلاه .. خصوصا اذا صار له معها عشره طويله

هكذا يعبر عنها الشاعر


ياوجودي وجد من ضيّع نعوله= لاقيٍ وحــــده والاخرى مالقاها
عايشٍ معها من ايام الطفوله = شاب راسه بس نعله مانساها




الحبيب الخبل

لعابرة سبيل ايضا حيث يعجبها خبال حبيبها وتشتاق له وتقول


ياخبلي الغايب متى تردّ للعين = متى أشوفك أو تجيني رساله
صحيـــح بالدنيا خبــــولٍ كثيرين =لكـــن خبـــالك ياحياتي لحاله





خطأ قاتل

تعرض الشاعر راعي الملحا لاصابات بليغه بسبب ترديده لاسم محبوبته وهو نائم في فراش الزوجيه وهنا يشرح ماتعرض له


ناديت باسـمك وانا مع زوجتي راقد = لين رفستني على بطني برجليها
وسويت نفسي مثقـف واعي وناقد =واقول عـادي مصير الوقـت يرضيها
ويم كفختني طراق وصحت انا حاقد = الله يلعــن غلاك ويكســــــر يديها
واحترت انا وين ابلقى لي بدل فاقد = ولقيت وحــــده تهـــزز لي علابيها



تهرب مالي

حاول الشاعر سليمان الطويل التهرب من دائنه المسمى شبيب بالالتجاء للمسجد وماترك فرض ولا نافله الا صلاها ليطيل في ذلك املا في ذهاب شبيب عنه ولكن دون جدوى .. وحين اتم صلاته قال


صليت بالجـــامع وسبحت تسعين=مع كثــــرهن واتبعتهن بتهليله
وقـــــريت عـــمّ والمـــدثر وياسين = ادخل على الله مايخيب دخيله
وقريت وِردي عن جميع الشياطين =وشبيب ماسوى به الورد حيله

[راعي غنم]

الله يعطيك العافية كثر ما دخل السرور الى قلبي بسبب القصيد الفكاهي الحلوووووووووووو

[شمـــاليه]

ومن قصائد التجنيد قول الشاعر مخاطبا عريفه المسمى حمود


وش قولتك ياعريف حمود = بالطلعـــه اللي بغيناها
اذا اتصل بي نعيم العــود = طوفتك هذي طمرناها



ومن هذا القبيل قول الشاعر سعد الفعم


علمونا مشية البط بالساحه=كل يومٍ لازم إنّا نسويها




عابرة سبيل والريجيم

رغم نجاح ريجيمها فان ذلك لم يؤثر على على نظرة محبوبها لها كثيرا




جا يعيرني يقـــــــول انتي متين = حلقك المفتـــــوح لازم نغلقه
هيـه يادبّــــــه لـــــزوم تخفّـفين = والا اثوّر فيك عشــرين فشقه
وفي رجيمـي استمريت سنتين = جدي اللي مات قاربت الحقه
ويش رايـك ؟ قلتها بصـوتٍ حزين =- قال دبّـــــه وانقـلبتي لسلقه




تيس مندي


للشاعره مرام الشوق حبيب مزعج فهو بالاضافة الى غبائه شره ومتخلف ويتضح ذلك من قولها



لي قصةٍ مع صاحبي فلــم هندي= دايــم انا ويّاه فـ هواش ودموع
ودّه يســامرني على تيس مندي =وانا رقيقه ودي بازهار وشموع
خلّي غبي والعقــل عنده مصدّي = وبفن التخلف حايزٍ شكر ودروع
قلت له تطـور عيش باشا وافندي=الى متى وانت بتخلفك منزوع
قـــام وتلفّت قـــــال قومي تغدي = هذرتك واجد يوم انا ميتٍ جوع

[شمـــاليه]

الله يعطيك العافية كثر ما دخل السرور الى قلبي بسبب القصيد الفكاهي الحلوووووووووووو



حياك وبياك لاهنت على المرور

[ذويبان11]

اشكرك اختي شماليه

على هذه الطرائف الرائعه

[سعود الشمري]

يعطيك العافية

[صادق الاحاسيس]

ابيات رائعه

وزريفه

تقبلي مروري

ياشعرتنا

[أبو تركي]

شكرا لك على القصائد الطريفة ....

[راعي رفحاء]

الله يعطيك العافية كثر ما دخل السرور الى قلبي بسبب القصيد الفكاهي الحلوووووووووووو

معتلين الاصايل ودمتم بخير

[عجائب رفحاء]

مشكورة على هالطرائف