اجمل بيت شعر

[راعي غنم]

كيف ابتلش ونقل الهمي 0000 والي خلقني هو درابي

الي فصلني بطن امي0000000 وخلاني اكل على نيابي




الشاعر / هايش الفريجي

[رفحاوي]

لو سمحت اشرح الابيات عشان افهم ... الله يرزقنا بالربيع والامطار والخير.

[هرطمان]

يا خوي راعي غنم ما تعرف راعي ها القصيده

بس لا تزعل ترى ما هو انت هاذا راعي غنم غيرك

راعي الغنم لا رعاك الله $$$ ما شفت راع البعاريني
راع البعارين عبدالله $$$ الي لاشفته يسليني

[راعي غنم]

كيف ابلش ونقل الهم والغم والله الي خلقني هو اعلم بي هو الي كوني من نطفه ثم علقه ومن بعد العلقه مظقه في رحم امي ثم ارضعتني امي وخلق لي الاسنان أكل عليهاوهي الانياب الاماميه لطفل فهو في بداية الفطام لايكون له ضروس يطحن الطعام ولكن له انياب فقط
يتعيش بها وهذا يدل على بلاغه ولايمان واليقين فيقينه بالله وحدة

[هرطمان]

صح لسانك

[رفحاوي]

صح لسانك اخو بدوى ... والاملاء عندك ضعيف وسبب لي لبس .

[عاشقة الجهاد]

راعي غنم

جميلة هذه الأبيات
والأجمل منها شرحك لها

بارك الله فيك وحفظك

[راعي غنم]

الهرطماني عدا عله _____ مدري علامه مكازيني
ياولد ياتايه المله ــــــــــــــــــ وش والغنم والبعاريني
لمنتدي يذهب العله ــــــــــ حلواُ وهله كريميني

[راعي غنم]

مشكلة الاملا ء عندي السبب من لوحة المفا تيح فبعض الحوف لاتعمل

مثل حرف الياء اذا كان بأخر الكلمة لايكتب النقط و وكذالك التاء المربوطة
بعض المرات لاتعمل والله يلعن ابو الطفر ولا شرينا جديدة
وتقبلوا تحياتي يامدرسي الغة العربية

مع احترامي ف ال الشمسية ما لها لزوم بالكتابة

[رفحاوي]

هلا راعي غنم نوبتن ثانية ...

التاء المربوطة ماستخدمته بقصيدك والياء طلعت .

بع الغنم ودور لك بيت ... واسكن مع الحضر وارتاح

[هرطمان]

عندي دلالي على المله $$$ مع التتن والمواعيني
اشرب من الكيف واازله $$$ واسوقها للمسميني
ياراكب الي ليا تله $$$ يقدح شرار الشكاميني
اوصل سلامي لعبدالله$$$والهرطماني يبي الديني
رعى الغنم بانت الزله $$$ اخطيت رمي النياشيني
بالمنتدى فلها فله $$$ افرح لياشفت ذربيني
وصلاة ربي على من له$$$ الحوض يوم الموازيني

[راعي غنم]

ابشر وانا معترف والله000000 ونفحي عليكم ماهوزيني
نبيك تدمح لنا الزله000000يالهر طماني بعد عيني
بعض البشر حكيهم خله0000 تراه سوالف دواويني
وانا ترى مثلهم والله000000 سوالفي خيط وخيطيني
الكبر يامسندي والله000000 اثر على العقل ويديني

[رفحاوي]

اخوي هرطمان ...

يمكن اخو بدوى يقرب لك ..

قصايدكم حلوة وصح السنتكم يا شعارنا ... واكتشفنا براعي غنم انه شاعر ...

تبون الصز الشعر الماشي هاليومين نوعين ... تمسيخ جوخ وغزل .... تمسيح جوخ عارفينهم والغزل بعد تعرفونه

[الأسلمي]

مشكوووووووووووورين شباب على القصايد الحلوه

واحب اوجه كلمه للأخ الغالي رفحاوي
انت مخدوع بهرطمان تحسبه ما يكتب غزل ؟ بالعكس
شوف الادانه على هالرابط

http://www.rafha.com/vb/showthread.php?s=&threadid=842&highlight=%DB%D1%C7%E3%E5

[رفحاوي]

لووووووووووووووووول ...

من شفت لطمته وانا ميقن بالفلس ... الله يفشله اخرته يتغزل بحمار .... لا يكون عيونه ناطات لان الحمار واطين رجله .

[هرطمان]

راعي غنم
مشكور وما قصرت صح لسانك وانا تارك الشعر الحين بس ناقد
اشكرك يا غالي لقد حركت الشاعريه
والله يونسك ونستنا

مشرفنا الاسلمي
هاذه مداخله حلوه منك
ولا اقول الا حسبنا الله ونعم الوكيل فضحتني عند رفحاوي ويش يفكنا منه
انا وانا كاشخ على VXR2003 ما سلمت من رفحاوي

اخ رفحاوي هين لك يوم
يعني واطي على رجلي هاه
والله تجمعوا عندي اهل البيت وش فيك وشفيك من كثر ما ضحكت

[رفحاوي]

ما شاء الله هرطمان عقب الدداسن شريت VXR2003 !!!

يا قشرك ويا قشر مزحك حسبتك انسفهت وتركت الددسن وشريت كرسيدا ... والا الفاكس غويلي وقطع غياره نار الله يكفينا شره ...

لحظة تذكرت ... برفحاء فيه فكسين واحد معي والثاني مع واحد شين ونفسه شينة ويدبل السبد كل ما اسال منهو الزميل يقولون ما تعرف القبلة ؟ قلت لا قالوا هذا شين الشباب هرطمان ... قلت لحول حتى بهذا لاحقن ؟!! ادري انه شين بس ما توقعت انه بهالشيانة ( نفس بحر الشياكة لكن سقطت الكاف وجت مكانها النون ).

ما تنمل السوالف معك بس تعرف دمي خفيف وانسان محبوب وذرب اقرض الشعر واقرا لطه حسين والكلب الثاني حق نوبل .