أشبعها توووووصيف !

[النشمي عناد]

.






.

:note:


باح العزاء مني وضاقت سدودي
مسكين أنا ياحظ قلبي نيايا
والصبر عن وادي فوادي شرودي
والحال ينهش من حشاها حيايا
والعين جاله عن لذيذ الرقودي
عامين عن لذة كراها تعايا
ياحول ياقلباً غدى ياودودي
مثل الشبح لعيون عذب السجايا
بلوى بليت بحب تلعاً عنودي
فالشمس من طلعة جبينه تهايا
لولا من اللولو بحلقه عقوودي
... أقول به من حور عدن حلايا
نضاء فضح ظبي الضاح جيدا وجودي
صافي الدجا من نور خده تضايا
عمهوجةً ماوقفت لذا الكرودي
مصيونةً من لفح حر الرزايا
عسلوجةً وبها من القرايض نقودي
رعبوبةً هرجه يداوي الشكايا
سكرانةً بالغي غضً عنودي
محلا دلوله يوم أقبل ينودي
ومن اليدق ينضح بعصم الروايا
ينساح له قلبي لياجاء يعودي
طاغي بزين حمر الشفايا
يومه تبسم حبه صحى الرعودي
سكرت أنا وياه قبل انتحايا
ياعنبراً مع تجار العنودي
يادرة ماقلبوها الشرايا
يدعج بغنج شف حالي بدودي
ومن اللحم دونك عظومي عرايا
عليه سل الدمع قرح خدودي
خطراً عيوني من بكاها عمايا
ياهل الهوى وعندي لهذا شهودي
كل العذاراء عند زينه رزايا
بدرالزواهربالدجاء له برودي
عندي ولاأدري عن جميع البرايا
والخشم حد مصقلات الهنودي
في كف شغموم يحل الخطايا
وعيون تسحر بالزهاهير سودي
نجلاً تهاوى به سهوم المنايا
لاتطالع بي نمام وحسودي
ياسيد جيله دع هوانا هوايا
بين النواهد والحشا والعضودي
رصن عساي أحيا كما أنك دوايا
اشقيتني وأودعتني تقل عودي
وأذيتني وأجزعتني عن كرايا
هقوتك لهموم الضماير تزودي
لو لامني من لامني بالشكايا
يازين طعنا بالطلب والسعودي
لاتشح بالدنيا وخبري حكايا
ياسيد جيله يافليل الجعودي
يازين ياسلطان تلع الصبايا
قم بالرضاء لي ياريم النفودي
مادام في قلبي لحبك بقايا
لو.. في يدي مال العجم والكرودي
والشام والغرب وملك السرايا
يالايمي تبلى بريم الركودي
كسر السلامه والصبايا صحايا
فصلين تم القاف بنظم العقودي
فصلً على دال وفصلً على ياء



:-:

[شمـــاليه]

صح لسان شاعرها

ولاهنت على النقل يالنشمي

[الـوايـلـي]

يابو عمر ياللي خدمت الحدودي = الوايلي يهديك زين التحايا
العشق ودا قيس تحت اللحودي = وعنتر على عبله ابقلبه مزايا
ليتك تركت العشق مافيه زودي= والله يغفرلك خطاك وخطايا
بالعشر خلك بالدعاء والسجودي= وعقب ارمضان ايجوز نقل الحكايا
هاذي نصيحه من امواطن سعودي = لو النصايح مابقيله بقايا

[ضامي الشوق]

شكرا نشمي دائما صاحب أختيار عذب


دمت لنا باللللللوووووووووووود

[الدب الداشر]

صح اللسان وصحح الله ردودي=ياللي من أسمه مآخذ ٍ له سجايا
يستاهلك مني وفاي ووعودي=أحلى تحية ياسفير الطنايا

[النشمي عناد]

يابو عمر ياللي خدمت الحدودي = الوايلي يهديك زين التحايا
العشق ودا قيس تحت اللحودي = وعنتر على عبله ابقلبه مزايا
ليتك تركت العشق مافيه زودي= والله يغفرلك خطاك وخطايا
بالعشر خلك بالدعاء والسجودي= وعقب ارمضان ايجوز نقل الحكايا
هاذي نصيحه من امواطن سعودي = لو النصايح مابقيله بقايا



كل الغلا ... عيدك مبارك .

صح لسااااااااااااااااانك ....

[النشمي عناد]

صح لسان شاعرها

ولاهنت على النقل يالنشمي




ولاتهونين ...

شاكر لك .

[ذويبان11]

صح لسانك يالنشمي وصح لسان شاعرها

وما اجمل قافيتها

[النشمي عناد]

صح لسانك يالنشمي وصح لسان شاعرها

وما اجمل قافيتها



تسلم ياذوووووويبااااااااااان

الله يخليك

[الأعرابي]

زين سويت لو انك حاط بالأخير جدول للكلمات الصعبة مثل :
( عمهوجة , عسلوجة , اليدق , الزهاهير , و.......... الخ ) أو كما قال ,,
لأني بصراحة فهمت القصيدة من السياق انها غزلية !! هعهعهعهع ..
وفالك الظبي اللي يذكر !!

[ذيب شمر]

مشكووووووووووووووووووور

[النشمي عناد]

صح اللسان وصحح الله ردودي=ياللي من أسمه مآخذ ٍ له سجايا
يستاهلك مني وفاي ووعودي=أحلى تحية ياسفير الطنايا





صح لسانك ... وألف شكر لك


يالدب الداشرررررر