أبو محمد
04 Oct 2008, 02:49 PM
عندما يبدأ المثقف العربي بالكلام عليك أن تشكره لهذا الفاصل الفكاهي , لطفاً لاتنظر الى الأمر بجدية وتستنفر حواسك لكي تفهم , واذا فعلت ذلك فعليك ألا تشكو ماسوف تشعر
به من اختلاطات صحية ..و..ذنبك على جنبك . وبمناسبة جنبك , كل واحد بينام على الجنب اللي بيريحوا . واذا تقلبت على جنبيك وشعرت بالقلق معنى ذلك انك تفكر , وهذا
الأمر مخالف للقوانين والتعليمات والعادات والشرائع السائدة في العالم العربي ومن المحتمل أن تدخل في خانة الكفر والزندقة وهذا الأمر يستدعي وسمك بختم يتضمن حرمانك
من دخول الجنة .. و..(الله يسترك كلو الا بطاقة الدخول الى الجنة ), لأنها مقننة مثل بطاقات التموين وبهالأيام دخلت برامج الكومبيوتر ( يعني ماعاد بتقدر تزورها ياخوي )
وخلي بالك من كلمة ( ياخوي ) ترى مش كل مين قالك ياخوي صار أخوك ..و..( يمكن يكون محضر الك صواب ..اللهم عافينا ) ..مثل ربعنا الأمريكان ..بيقولولنا حرية
ياخوي ..و..ديمقراطية ياخوي .. وآآآآخ ياخوي على هيك حرية وديمقراطية ..مثل مانكم شايفين . والشوف مش مثل السمع ياخوي .. ومنشان هيك خلوا عيونكم مفتحين
ولاتسمعوا كثر الحكي والعلاك المصدي . ترى انتبهوا من العلاك .. والحمد لله صارت مصانع العلكة على ابوموزة في أوطاننا السعيدة ..أوي ..!! مش شايفين دعايات
العلكة .. واللي مجنني أكثر وعامللي قرحة دعايات محارم الورق .. قال بيعطوك مع كل علبة بتشتريها علبة ثانية مجاناً ..ويمكن بعد فترة يعطوك مع كل علبة سيارة ( بي . أم )
منشان تجرب فيها ماركة المحارم .. والحمد لله الذي لايحمد على مكروه سواه .. ان ماركات المحارم ماعاد نقدر نحفظها .. اشي معطر .. واشي دايت .. واشي ملون ..
واشي سادة .. شفتوا شلون تطورنا .. صرنا دول صناعية مننتج كل اصناف المحارم والعلكة والبسكويت المحشي والمغطس والسادة واشي طويل واشي مدور ومربع ومستطيل
وشبه منحرف .. وليش شبه .. خليها منحرف على طول .. لأ واللي بيجنني أكثر اسلوب الاعلان البايخ , والسمج , والسخيف , وبيصورولك الناس هاجمه عالمحارم بدها تخبي
منها مونة للشتاء .. لأنو يمكن تنقطع أو يرتفع سعرها فجأة مثل البترول . ولكم ياجماعة الخير اشتهيت فضائية من فضائيات مضارب بني يعرب وقحطان وعدنان وغسان ونزار
وام عبدو وابو صطيف ناشرين اعلان عن كومبيوتر ( ميد .ان .مضاربنا ) .. حل عنا ياااه .. شو فاضيين نتعب تفكيرنا بهيك صناعة سخيفة .. مش ناقص حكامنا رضي الله
عنهم اجمعين .. ( جملة ومفرق ) .. بلاوي النوافذ الألكترونية وصفحات النت وفضايحها .. ناقص يصنعولنا كومبيوترات منشان تكثر البلاوي .
مش صناعة العلكة احسن .. لأنو فوائدها كثيرة .. علاااك وطقطقة وبتنسيك الجوع وبتوفر معجون اسنان ,, وبتتسلى فيها ( بتعمل بالونات وبتفرقعها ) .
صحيح على ايش كنا عم نحكي .. والله نسيت .. ومافهمت شو حكيت .. يالله بعدين منحاول نفتكر ..شو صاير لسه قدامنا وقت طوييييييييل .. ليش مستعجلين .. لأنو في
العجلة الندامة ويمكن تبنشر .. واذا بنشرت .. يمكن تقلب .. واذا قلبت .. هاي مصيبة وحسب الوضعية اللي بتقلب فيها . .. شلون هاي التخاريف عيني . .
به من اختلاطات صحية ..و..ذنبك على جنبك . وبمناسبة جنبك , كل واحد بينام على الجنب اللي بيريحوا . واذا تقلبت على جنبيك وشعرت بالقلق معنى ذلك انك تفكر , وهذا
الأمر مخالف للقوانين والتعليمات والعادات والشرائع السائدة في العالم العربي ومن المحتمل أن تدخل في خانة الكفر والزندقة وهذا الأمر يستدعي وسمك بختم يتضمن حرمانك
من دخول الجنة .. و..(الله يسترك كلو الا بطاقة الدخول الى الجنة ), لأنها مقننة مثل بطاقات التموين وبهالأيام دخلت برامج الكومبيوتر ( يعني ماعاد بتقدر تزورها ياخوي )
وخلي بالك من كلمة ( ياخوي ) ترى مش كل مين قالك ياخوي صار أخوك ..و..( يمكن يكون محضر الك صواب ..اللهم عافينا ) ..مثل ربعنا الأمريكان ..بيقولولنا حرية
ياخوي ..و..ديمقراطية ياخوي .. وآآآآخ ياخوي على هيك حرية وديمقراطية ..مثل مانكم شايفين . والشوف مش مثل السمع ياخوي .. ومنشان هيك خلوا عيونكم مفتحين
ولاتسمعوا كثر الحكي والعلاك المصدي . ترى انتبهوا من العلاك .. والحمد لله صارت مصانع العلكة على ابوموزة في أوطاننا السعيدة ..أوي ..!! مش شايفين دعايات
العلكة .. واللي مجنني أكثر وعامللي قرحة دعايات محارم الورق .. قال بيعطوك مع كل علبة بتشتريها علبة ثانية مجاناً ..ويمكن بعد فترة يعطوك مع كل علبة سيارة ( بي . أم )
منشان تجرب فيها ماركة المحارم .. والحمد لله الذي لايحمد على مكروه سواه .. ان ماركات المحارم ماعاد نقدر نحفظها .. اشي معطر .. واشي دايت .. واشي ملون ..
واشي سادة .. شفتوا شلون تطورنا .. صرنا دول صناعية مننتج كل اصناف المحارم والعلكة والبسكويت المحشي والمغطس والسادة واشي طويل واشي مدور ومربع ومستطيل
وشبه منحرف .. وليش شبه .. خليها منحرف على طول .. لأ واللي بيجنني أكثر اسلوب الاعلان البايخ , والسمج , والسخيف , وبيصورولك الناس هاجمه عالمحارم بدها تخبي
منها مونة للشتاء .. لأنو يمكن تنقطع أو يرتفع سعرها فجأة مثل البترول . ولكم ياجماعة الخير اشتهيت فضائية من فضائيات مضارب بني يعرب وقحطان وعدنان وغسان ونزار
وام عبدو وابو صطيف ناشرين اعلان عن كومبيوتر ( ميد .ان .مضاربنا ) .. حل عنا ياااه .. شو فاضيين نتعب تفكيرنا بهيك صناعة سخيفة .. مش ناقص حكامنا رضي الله
عنهم اجمعين .. ( جملة ومفرق ) .. بلاوي النوافذ الألكترونية وصفحات النت وفضايحها .. ناقص يصنعولنا كومبيوترات منشان تكثر البلاوي .
مش صناعة العلكة احسن .. لأنو فوائدها كثيرة .. علاااك وطقطقة وبتنسيك الجوع وبتوفر معجون اسنان ,, وبتتسلى فيها ( بتعمل بالونات وبتفرقعها ) .
صحيح على ايش كنا عم نحكي .. والله نسيت .. ومافهمت شو حكيت .. يالله بعدين منحاول نفتكر ..شو صاير لسه قدامنا وقت طوييييييييل .. ليش مستعجلين .. لأنو في
العجلة الندامة ويمكن تبنشر .. واذا بنشرت .. يمكن تقلب .. واذا قلبت .. هاي مصيبة وحسب الوضعية اللي بتقلب فيها . .. شلون هاي التخاريف عيني . .