المساعد الشخصي الرقمي

مشاهدة النسخة كاملة : فيروز وميادة ودبكة سميره



نايف عايد
19 Oct 2008, 12:09 PM
بسم الله الرحمن الرحيم


اخواني تقبلوها كما هي


.

لاضاق صدري مايبي الوضع تفكير
سكر ومي وقدر وواحد خميره
.
ومترين هوز نحاس وثلج وقوارير
ودافور ابوعينين ناره قصيره
.
وجركل خلاوي لجل جمع التقاطير
وسبرايت سبعه ومافي اشكال بيره
.
مع كاسة البادريق وصوت النوافير
وفيروز ومياده ودبكة سميره
.
وأمال ماهر(ياحبيبي مشاوير)
وابن المهندس(علها اليوم خيره)
.
هنا تحس إنك بصف المشاهير
وداور الكرسي ولو ماتديره
.
وش عنتره وكليب وش سالم الزير
وش فيلق التتار وشهو سريره
.
هنا يتساوى ربحها بالمخاسير
كنك حفيد ال( King) وإلا خشهيره
.
وش زين الرمان غير النواطير
وما يرحم السجان دمع الأسيره
.
بعض الحقايق تلتحف بالتفاسير
وبعض السوالف ترتكي بالسريره
.
يعني افراق فراق خيرين ياطير
لوكنت تسوى دنيتي والعشيره
.
إنتا تبيها هيك وإلا انا غير
السالفه وصلت حدودن خطيره
.
ياللي من انفاسك تغار العصافير
والليل من رمشك يساقي مسيره
.
من جيتني وعوج الحنايا مقافير
والفكر مدوشني بزملة هديره
.
(إنكنت بايعني اشوفك على خير)
في سلمنا ستر القصير لقصيره
.
لي قلب ماتبغاه؟!عطه الحوافير
وكل ن لك الله يرتطم في مصيره
.
(ولافيه داعي للعتب والمشاوير)
بعض العيون وساع لكن ضريره
.
(متحي)حسافه لا خلت جمت البير
ومشكور قلبك كثر الله خيره
.
الدمع له عاده يجي حزة عصير
لكن وربك منبسط في خريره
.
ولا هلت دموعك وماتت نواوير
إعرف ترى لك داخل الجوف ديره
.
ولاضاق صدرك مايبي الوضع تفكير
سكر ومي وقدر وواحد خميره
.
نايف الذعذاع

السنجاري
20 Oct 2008, 09:49 PM
صح لسااااااااااااانك عزيزي

سلمان2009
21 Oct 2008, 12:08 AM
صح لسانك وبيض الله وجهك شاعر فحل وجزل