سبير السيارة إنسرق

[رفحاوي]

في صبيحة هذا اليوم وعندما وصلت للعمل ونزلت من السيارة سمعت صوتاً يُشبه سلسلة يضرب في أسفل السيارة ...

كنت أسمع هذا الصوت منذ أكثر من إسبوعين وبسبب الكسل لم أنظر ماهو سبب هذا الصوت ...

ولكن هذا اليوم لم ينقطع الصوت فإستغليت الفرصة وقلت أرى من أين ؟! فوجدت أن مكان الـ"إستبنى" فاغراً فاه والصوت من السلسلة "مالته" فعرفت أن أحد الإخوة "السرقان" قد إختطفه بكل أريحية وشفافية ...

أخذت أسترجع مشاويري خلال هذه المدة وكيف أنني سافرت لأكثر من 1500 كم بدون "إستبني" ...

تذكرت عندما كنت مع "المعزبة" أطال الله عمرها وحفظها لي في سفر طويل ونتضاحك و "نُدردش" ونسمع إلى وحيد الجزيرة "حامد الضبعان" في أشرطته المتعددة ...

فحمدت الله أن السيارة لم "تُبنشر" وإلا إنقلب المزاج وتلاشت الرومانسية وإندبلت الكبد ...

وإستغربت كيف يُسرق ولا يكاد شارعنا يخلو من المارة ؟!


فإنتبهوا لإسبير سيارتكم قبل ما تضربون طريق ...


في ختام هذا الموضوع أتوجه بنداء إلى الأخ السارق :

عزيزي أعلم أنك محتاج وكان الأولى بك أن تطلب مني ما تُريد أفضل وأحل لك ...

أو على أقل تقدير نبهتني لو برسالة بسيطة أن الـ"إستبنى" مسروق ...


وكل عام وإسبير سيارتكم بالحفظ والصون ...

[صمت مغتربة]

يعوضك خير استاذي الفاضل ...وكويس جت على الإستبنى ...ولا جت على حاجة ثانية !!

وعقبال مانسوق سيارات ...وننتبه على غريضاتنا ...!!


شكرا جزيلا


تحيتي
صمت مغتربة

[ابونايف]

هههههههه

رفحاوي ذكرتن بسبير سيارتي الجديدة 2002 اول ما شريت السيارة من الرياض ...

قدمت بها الى منطقتنا الحبيبة وأول اسبوع ينسرق السبير ...

فالسرقان بكل مكان الله يهديهم ...

[رفحاوي]

يعوضك خير استاذي الفاضل ...وكويس جت على الإستبنى ...ولا جت على حاجة ثانية !!

وعقبال مانسوق سيارات ...وننتبه على غريضاتنا ...!!


شكرا جزيلا


تحيتي
صمت مغتربة
العفو تلميذتي النجيبة صمت مغتربة ...

أحذركم عشان تنتبهون لأغراضكم ...

وما يجيني واحد باكر يقول اغراضي ما لقيتهن ...

[رفحاوي]

هههههههه

رفحاوي ذكرتن بسبير سيارتي الجديدة 2002 اول ما شريت السيارة من الرياض ...

قدمت بها الى منطقتنا الحبيبة وأول اسبوع ينسرق السبير ...

فالسرقان بكل مكان الله يهديهم ...
اللهم آمين ...

اجل انا اشوى منك جلس الاسبير فوق السنة ...

اجل حتى بالهباس عندكم سرق ؟!

[فهد محمد]

رفحاوي مسيت بالخير ياوجه الخير


أولاً : اكتشفت ان سيارتك وارد عراوي يالمنتف ..........


ثانياً : استبنه وليش ماتقول سبير مثلنا .............


ثالثاً : هالحين لك فوق الشهر وتدوج بالاهل معك والسبير ملطوش !!!! لايكون ناسيه عند بنشر .....


رابعاً : لو إنك مسولف سالفتك عند شيبان يقولون لك انت فضيخ قلب هههههههههههه


البناخي كان عندي هايلكس وغيرت توايره وعندي فيدات الوكالة ،،،، ابشر بخلف اللي


انسرق وانا بناخيك

[أرسلان]

الله يعينك يالرفحاوي على فقد السبير


لكن دور عليه عند البناشر واشتره منهم


( بقر أهل القوارة )

[ابونايف]

اللهم آمين ...

اجل انا اشوى منك جلس الاسبير فوق السنة ...

اجل حتى بالهباس عندكم سرق ؟!



السرق بكل مكان لكن عليك بالقفل اذا كانت سيارتك وارد عراوي ...

اما بوقتنا الحالي مكشخين على هالجيوب والسبير في امان ولله الحمد ...

تدري ان بعد هالظاهرة قامت الشركات المصنعه للسيارات بوضع قفل خاص لحفظ الاسبير ...

[ابومحمدالزوبعي]

الله يعوضك خير أخوي رفحاوي لاكن تبي سبيرك تلقاه عند أهل الكفرات ولاتنسى مره ثانيه تقفله بقفل
انتبه على أغراضك أخوي هااليومين فيه أزمه قتصاديه والظاهر ان التجار يبون يسرقون الأن الأرصده خلاص راحت كلاه الحووووووووووت

[رفحاوي]

رفحاوي مسيت بالخير ياوجه الخير


أولاً : اكتشفت ان سيارتك وارد عراوي يالمنتف ..........


ثانياً : استبنه وليش ماتقول سبير مثلنا .............


ثالثاً : هالحين لك فوق الشهر وتدوج بالاهل معك والسبير ملطوش !!!! لايكون ناسيه عند بنشر .....


رابعاً : لو إنك مسولف سالفتك عند شيبان يقولون لك انت فضيخ قلب هههههههههههه


البناخي كان عندي هايلكس وغيرت توايره وعندي فيدات الوكالة ،،،، ابشر بخلف اللي


انسرق وانا بناخيك

كفو يالخال ...

ماهي مشكلة اني ادوج بالأهل شهر بدون اسبير ... المشكلة اني ادوج وانا رومانسي ...

اقول الاستبنى عشان اعلمك اني اعرف لغات ...

اشوى ان الشيبان ما يعرفون لا رفحاوي ولا النت بكبره ...

مشكور ابو محمد على المداخشة خفيفة الظل ...

[رفحاوي]

الله يعينك يالرفحاوي على فقد السبير


لكن دور عليه عند البناشر واشتره منهم


( بقر أهل القوارة )
مستعد اشتريه لو بألف لكن وين القاه ؟!

ليتك توضح اخوي راع الطافحة ( بقر أهل القوارة ) ؟!

[رفحاوي]

السرق بكل مكان لكن عليك بالقفل اذا كانت سيارتك وارد عراوي ...

اما بوقتنا الحالي مكشخين على هالجيوب والسبير في امان ولله الحمد ...

تدري ان بعد هالظاهرة قامت الشركات المصنعه للسيارات بوضع قفل خاص لحفظ الاسبير ...
يعني القفل يجي مع السيارة ؟!

اذا كان يجي معه وشلون فتحه وسرق الاسبير ؟!


ابي اقول لك سر بس خله ببير :

ترن غشيم وما ادري حتى العفريتة ومفتاح الكفرات وينهن ولا وشلون استخدمهن ...

[رفحاوي]

الله يعوضك خير أخوي رفحاوي لاكن تبي سبيرك تلقاه عند أهل الكفرات ولاتنسى مره ثانيه تقفله بقفل
انتبه على أغراضك أخوي هااليومين فيه أزمه قتصاديه والظاهر ان التجار يبون يسرقون الأن الأرصده خلاص راحت كلاه الحووووووووووت
ما باقي لنا بهالدنيا الا الأغراض ويبون يسرقونهن ؟!

الشكوى للي ما تنام عينه اخوي الغالي ابو محمد الزوبعي ...

[أرسلان]

ابشر مع أن المثل مشهور لكن فقد السبير يمكن


أنه أثر على معلوماتك التراثية

القوارة هذي قرية مدري وينه بس حول القصيم


وسكانه حضر وأهل بقر


والبدو يسرقون منهم البقر باليل ويبيعونه عليهم بالنهار

[ابونايف]

يعني القفل يجي مع السيارة ؟!

اذا كان يجي معه وشلون فتحه وسرق الاسبير ؟!


ابي اقول لك سر بس خله ببير :

ترن غشيم وما ادري حتى العفريتة ومفتاح الكفرات وينهن ولا وشلون استخدمهن ...


ههههههههه

اقولك بعدين ... !

[رفحاوي]

ابشر مع أن المثل مشهور لكن فقد السبير يمكن


أنه أثر على معلوماتك التراثية

القوارة هذي قرية مدري وينه بس حول القصيم


وسكانه حضر وأهل بقر


والبدو يسرقون منهم البقر باليل ويبيعونه عليهم بالنهار
ههههههههههه

مشكور على التوضيح اخوي راع الطافحة ...

لا تلومن حتى اسمي نسيته ...

[رفحاوي]

ههههههههه

اقولك بعدين ... !
بعدين متى ؟!

يا انسرق الاسبير الجديد ؟!

[الوسام]

هلآ أخوي رفحاوي الله يعوض عليك وصدقني دام الحرامي وصل سيارتك ونوى الشينه زين جت باالسبير ولا باالسياره كله ...شف ترى اللي سرق صغير سن يعني باالطعش مولاقي مصروف ودائمآ صغر السرقه تدل على صغر الحرامي مثال سرقة غاز او جوال اوحذاء أعزكم الله عند مسجد او فلوس داخل بقاله او مكيف الى أخره ...!!! عمومآ خوفتني أبتفحص بكره سبير سيارتي خابره مقفل ومغلف بستيل حديد ...تحياتي لك

[رفحاوي]

هلآ أخوي رفحاوي الله يعوض عليك وصدقني دام الحرامي وصل سيارتك ونوى الشينه زين جت باالسبير ولا باالسياره كله ...شف ترى اللي سرق صغير سن يعني باالطعش مولاقي مصروف ودائمآ صغر السرقه تدل على صغر الحرامي مثال سرقة غاز او جوال اوحذاء أعزكم الله عند مسجد او فلوس داخل بقاله او مكيف الى أخره ...!!! عمومآ خوفتني أبتفحص بكره سبير سيارتي خابره مقفل ومغلف بستيل حديد ...تحياتي لك

ههههههههههه

شيك وبشرنا عسى الاسبير موجود ...

صدقت اخوي الحمد لله ما سرقت السيارة بكبره ...

بس السرق مصيبة يالغالي وخاصة اذا جت من صغير سن ...

[عبدالملك الشمري]

ليلة ليلاء يارفحاوي .
صدقني السرقه تقهر مهما كانت ضئالتها .
انا قبل فترة واحد تولجني بسرقة مساحات السيارة !!!:-/
مدري وش يبي بهن ؟
الله يعوضك بالجنة.
وتقبل مروري

[رفحاوي]

ليلة ليلاء يارفحاوي .
صدقني السرقه تقهر مهما كانت ضئالتها .
انا قبل فترة واحد تولجني بسرقة مساحات السيارة !!!:-/
مدري وش يبي بهن ؟
الله يعوضك بالجنة.
وتقبل مروري

ههههههههههههههههههه

صحيح وش يبي بالمساحات ؟!

شكله توه طايح بالسرق ...

مشكور اخوي عبدالملك على المرور والتعليق ...

[ابونايف]

بعدين متى ؟!

يا انسرق الاسبير الجديد ؟!


ههههههههه

لا ماعليك لاتخاف طق لك 2008 السبير به قفل ...