ارجو المساعدة

[الهنوف]

السلام عليكم و رحمة الله و بركاته،،

استعد لمناقشة رسالة الماجستير غدا إنشاءالله،و في زحمة المراجعة الاخيرة و التحضير للمناقشة لم اقم بكتابة فقرة اشكر فيها اعضاء لجنة المناقشة و عميد الكلية و المشرف،استعنت ببعض صيغ الشكر التي قام بوضعها مشرفين و زملاء لي بالجامعة الا انها لم تعجبني حيث ان اسلوب التعظيم و التفخيم هو الغالب عليهم و انا ابحث عن كلمات بسيطة توفيهم حقهم بالشكر دون مجاملة،فياليت اللي عنده خبرة يفيدني.

[رفحاوي]

وعليكم السلام ورحمة الله وبركاته ...

الله يوفقك يالهنوف وان شاء الله تجيبين دستنكشن وتوزعين علينا من حلويات الموركي ...

مدح المشرف ضروري من أجل ادهن السير يسير ...

غريبة انتي يالهنوف اول مرة اشوف وحدة ما تجامل ...

عموماً الله يوفقك وبشرينا اذا نجحتي وجبتي الشهادة ...

[الهنوف]

رفحاوي ليتك مساعدني وكاتب لي صيغة الشكر هههههه الحلاوة لاحقين عليها
اخاف لي جاملت وايد و خذت تقدير يقولون جاملوها لانها امدحتهم.

[رفحاوي]

وانتي وش عليك منهم ومن كلامهم ؟!

بعدين الشكر يكون بنفس الرسالة وماحد يقراه يعني اكتبي اللي تبين ...

على طاري صيغة الشكر لا تواخذيني متليش ووراي سفر يعني ماني مروق للشكر والمدح والمجاملة الخ ...

[الهنوف]

لو الشكر بنفس الرسالة و بس ما همني،لازم اشكر في بداية شرحي و عرضي لرسالتي،يعني قبل الملخص و امام كل الحاضرين،عموما مشكور على الاقل اهتميت بالرد غيرك يشوف عنوان ارجو المساعدة و يمر على الموضوع مرور الكرام

[رفحاوي]

ان ما لقيتي بالنت شوفي قنوات الشعر تلقين اللي يكفي رسايل العالم مو بس رسالتك ...

بس شخشخي مخباك وابشري باللي يرضيك ...

نسيت اسعل...

وشي رسالتوه هاللي بنص الفصل ؟!

انتي بأي جامعة ؟!

[الهنوف]

قنوات الشعر ما اعرفهم ولا اعتقد ان اللي بحصله فيها يناسب مقدمة شكر لرسالتي.
ما تعودت اشخشخ مخباي عشان اوصل لنجاح او وظيفة.
نظام دراسة القانون يختلف عن الانظمة الاخرى،يحددون لك فترة زمنية غالبا تكون 12 شهر تقدم بعدها رسالتك و متى ما تم اجازتها يحددون لك موعد باي وقت من الفصل لانك غير مقيد بالفصل

[رفحاوي]

الله يوفقك يالهنوف ...

شدي حيلك خلي نفرح بك ونعينك محامية لنا ...

ما جاوبتي بأي جامعة ؟!

[بنت الاصول]

دعواتي الصادقة لك بالتوفيق ياخيتي الهنوف

["الفيصل"]

كان والله ودنا نفيدك أختي بس والله العذر من الله ثم منك

[سعود الشمري]

نتمنى لك التوفيق

[كلام الليل]

ابشري والله بس عطيني فرصة انا اجيبلك اللي يسعدك

[عبدالملك الشمري]

هذا اللي يقول ..

( شرب البحر وعجز عن البحيرة ):p

مرحبا قانووووووووون :o

[رفحاوي]

بشري وش سويتي بالمناقشة ؟!

[الهنوف]

بنت الاصول
الفيصل
سعود الشمري
كلام الليل
مشكورين وما قصرتوا على المشاركة

[الهنوف]

اخوي عبدالملك من طبعي اني اركز على الاهم واترك الشكليات اللي مالها معنى،ولاني ما اعرف امدح الناس واجامل طلبت مساعدة اعضاء المنتدى و طبعا للاسف ما لقيت من يفيدني

ليش كل هالمدة لكلمة قانون

[الهنوف]

ابشرك رفحاوي ،صرت من حملة الماجستير في القانون بدرجة امتياز ،و انشاءالله احضر للدكتوراة.
الف مبروك على اللقب الجديد تستاهل يا رفحاوي ولو اني كنت افضل ان يكون تحت اللقب الجديد عاشق رفحاء

[عروووبة]

مبروووووووووووووووووك اختى الهنوف
(( عاد اختى نبي وقفتك اول قضيت تمسكينها هو قضيت معاهد المعلمات ))

وربي انهن انضلمن ظلم لايعلم به الا الله
وكم من دعوت سوف تكون في سجلك وكم من بيت سوف تعمرينه
بحول الله وقوته

ألف مبروك ..

[رفحاوي]

الف مبرووووك يالهنوف ...

الله يوفقك لكل خير ...

هذا وانتي ما تعرفين تكتبين شكر ابدعتي وشلون لو كنتي تعرفين ؟!

[الهنوف]

الله يبارك بك اخوي رفحاوي
الظاهر ابداعي يطلع بالاشياء المهمة فقط
اما الامور الشكليه و مقدمات المدح ما افهمها ولا اعرف لها.
شكرا على التهنئة

[الهنوف]

هلا و غلا اختي عروبة
الله يبارك بك اختي
سامحيني ،رديت على كلامك و مدري وين راح الرد
الله يكون بعون المعلمات ،للاسف انا ما امارس مهنة المحاماة ،اعمل في مجال قانوني اخر.

[رفحاوي]

الله يبارك بك اخوي رفحاوي
الظاهر ابداعي يطلع بالاشياء المهمة فقط
اما الامور الشكليه و مقدمات المدح ما افهمها ولا اعرف لها.
شكرا على التهنئة

ياخوفي ان90 % من المناقشة راحت مدح :p

صار لي موقف اثناء المناقشة اقوله لك بعد شوين كان انا من الحيين ...

[الهنوف]

ما اكذب عليك ،انمدحت وايد
طلعت من الطلبة اللي تفاخر بها الجامعة ؛)

[رفحاوي]

ما اكذب عليك ،انمدحت وايد
طلعت من الطلبة اللي تفاخر بها الجامعة ؛)
اما عاد ؟!

ايه اسلمي وش قالوا لك وهم يمدحون ؟!

[رااايق]

حضرت عدة مناقشاااات ... تحس انهم شوي ويقمزون بحلق الطالب ...


الله يعينكم

[الهنوف]

اي والله ،الله يكون بعون كل الطلبه بجميع المراحل الدراسيه.
شكرا اخوي راااايق على المرور
الحمدالله انها عدت على خير و مابقى الا التعديلات اللي ابدتها لجنة المناقشة و نطبع الكتب و بعدها نستلم الشهادة انشاءالله،ما تطلع هالشهاده الا بعد تعب

[الوسام]

اولا مبروك أختي

ثانيآ رسالتك تاليف وإلا بحث

ثالثآ ودنا تعلمينا بكتابك اذا نزل من صالحك في المشتروات والفائده للمنتدى

[الهنوف]

الله يبارك بك أخوي الوسام
رسالتي بحث علمي تحليلي مقارن،صعب التأليف لأنه يعتمد على حقائق علمية ثابتة.
بالنسبة للكتاب سيتم إهدائه للجامعات و جهات ذات علاقة بموضوع البحث وهو ليس للبيع.
مشكور و ماقصرت على المرور