اخطااااااااااء علجوووووهااااااا

[هاني النماصي]

السلام عليكم ورحمة الله وبركاته ..


هناك سلوكيات خاطئة في مجتمعاتنا
لذا يجب توضيح الخطأ ... ومحاولة أن أصلاحه بسلوك تربوي حضاري ...

بسم الله نبدأ ..


خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالجدار .. وترفسه مع بطنه .. وبعدين تنهيها بركبة وإلا كوع ...
..
وتقوله شل كتبك .. ومرة ثانية فتح عيونك يادلخ ..

ـــــــــــــــــــــــــــــــ ـــــ

خطأ : تفتح الإشارة .. ثم يعلق على البوررري االي وراك ... وتراعيلوووه بلمراية ... وتلقاه يهاوش ومعصب .. وتلوح بيدك تتأسف ...

الصحيح : تنزل له بليووور.. أو بلقناه ... وتطق الدريشة عليه ... وأول مايفتحها ... جرّه مع شعره ... واجلده لين يقول العيد بكره ...
ثم ..
قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..



ـــــــــــــــــــــــــــــــ ــــــــ



خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...


الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي وبعدين تلفه وتلفه وتلفه وتضربه بالصبوره وبعدين تقومه وتمسكه من الجاكيت وتمسح فيه الصبوره وتطلع ..
ثم ..
قبل لاتطلع تقوله لاصارت جامعة ابوك اطرد الطلبه ..


ـــــــــــــــــــــــــــــــ ـــــــــــ



خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطشر بوجهك ... ويضحكون عليك .. فتقول ... هههههه الله يرجك والله لارد لك المقلب ..


الصحيح : تمسكه ... مع رجليه ... ووتوطااا ببطنه ... وتجيب قوطي ببسي .. وترجه رج ... وتفتحه بوجهه ...
..
وتقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...
عفط العلبه... وحطّها بمخباه ... وقله لاتطلعها من مخباك الا اذا رحنا ...

ـــــــــــــــــــــــــــــــ ــــ



خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالقن نص شنبك ... ثم تهوشه ... وتحاسب وتطلع ... وتقول بنفسك والله مما أحلق عنده ...


الصحيح : تاخذ الموس ... وتحلق ... شنبه ولحيته ... وإن حصل تحلق راسه مهي شينه ...
ولاتحاسبه ... ... (( ... لو ماعنده أحد أجلده )) ..

ثم ..

قل بينك وبين نفسك ... ما أحلّق عنده ...




ـــــــــــــــــــــــــــــــ ــــــــــــ



خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...


الصحيح : تاخذ لك بلكّه ... وترميها عليه ... إن ضربته ... فهو خير ونعمة
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... و ارجع له .. وتفرّغ له ...
أكيد منت متحمل لين وقت الصلاة الثانية ... وعلى مسؤوليتي ...



ـــــــــــــــــــــــــــــــ ــــــــــــ



خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد


الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات


ـــــــــــــــــــــــــــــــ ــــــــــــــ



خطأ :متابع فلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟


الصحيح : صكه بالصينية ... ولحقه بطفاية ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...


ـــــــــــــــــــــــــــــــ ـــــــــــــ



خطأ:تكتب بعد نهاية اي موضوع تكتبه في منتدى على النت: ان شاء الله ما طولت عليكم وتجلس اتأسف وكأنك مسوي جريمه


الصحيح :المفروض تكتب اقرواء وانتم ساكتين واذا طولت موضوعي وكيفي والي مو عاجبه لا يقراء

[ابونايف]

ههههههههههههههه

مشكور أخي هاني على الموضوع ...

[رفحاوي]

أخطاء علجوها والا اعلجوها والا عاجلوها ؟!

[للغايب عذر]

أخطاء علجوها والا اعلجوها والا عاجلوها ؟!

هههههههههههههههههههههههههااااي رفحاوي يسلم راسكـ ع التعليق هاني النماصي تشكرات ع الموزوع

[الدكتور غيم]

ياساتر انوااااااااااع العصبيه
مشكوووووووووووووووووووور

[الدب الداشر]

هههههههههههههههههههههههههه

يازين اللي عند الإشارة ..

بالكويت ما تسمع طاط .. أبد أبد ..


مشكور حجي هااني ..