يـا صانـع المكيـاج الله يجـازيـك

[ابن عبك]

بسم الله الرحمن الرحيم
السلام عليكم ورحمة الله وبركاته
اعجبتني هالقصيده الجميله وقلت انقلها لكم


يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـ رع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي


ودمتم بود

[بنت الاصول]

صح لسانك
دمت وسلمت ولا عدمت

[للغايب عذر]

هههههههههههههههه صادق شاعرها ابن عبك مشكور على النقل لاهنت

[ابن عبك]

مشكوره يابنت الاصول

ومشكوره على التواجد

دمتي بود

[ابن عبك]

للغياب عذر


مشكور علىالمرو الجميل منك

ولا عدمناك يالغالي

مشكور على المشاركه

[رفحاوي]

وعليكم السلام ورحمة الله وبركاته ..

صح لسانك ابن عبك ولسان الشاعر ...

قصيدة جميلة وهادفة بقالب فكاهي ...

بعض البنات تستعمل المكياج من مرحلة المتوسطة وبعد كم سنة يخرب وجهه قبل ما تزوج ...

[عبدالعزيز المضياني]

هههههههههههههههههههههههههههههههه الله يعطيك العافية

[*العنا*]

ههههههههههههههههههههههااي ..

واعليه http://up1.m5zn.com/thumb/2009/2/2/09/0k9vmqe3o.gif/gif ..


بس صادق و الله http://up1.m5zn.com/thumb/2009/2/2/09/0k9vmqe3o.gif/gif ..


رفحآوي ..

و الله صادق ..

و هـ الأيام بعد مو من المتوسطة ..

تعال شوف بنت أختي .. بـ الروضة ..

غرامها شي أسمه مكياج :p ..


:


صح لسانك ..

و مشكوووورين ..

و يعطيكم العافية ..

[رفحاوي]

بنتي العنا ...

مساء الخير والجمال الطبيعي ...

بنتي اليوم نشبتي بحلقي وتقولين البحرينيات ألماسات وهالحين تقولين حتى بنات الروضة يتمكيجن ؟!

[*العنا*]

ههههههههههههههههههههههااي ..


مساء الأنوار ... يا هلآ ..


أي و ربي ..

حتى بنات الروضة يبون المكياج ..

أصلاً بنات اليوم ما يقدرون بدون المكياج ..


:


أبسط مثال ..


أنا ما أحب المكياج .. و أعتبره تصبيغ و سمكرة في الوجه
على حساب هدف معين مؤقت ..

بس فوق هذا كله .. لابد أني أستخدمه .. و أقلها في المناسبات ..

بعدين ،، بنات الخليج ما يتخلون عن الكحل ،، لا سعوديات و لا بحرينيات و لا
أماراتيات و لا حتى بدويات :D ..

الكحل شي مغروز في بنات الخليج :shy ..


:


شي ثاني ..

أنا يلوعون جبدي البنات اللي كلما طلعوا السوق ، دوام ، دراسة ..

صبغوا وجههم من كل أنواع المكياج ،،

أنا وياهم ،، حلوو المكياج .. بس في أوقات محددة ..

السوق ، الدوام ، الدراسة ،، و الله ما في داعي إنه ينحط ..

بس شنسوي ،، إسمنا بنات .. شي فطري ينولد حب المكياج فيهم :shy ..