المساعد الشخصي الرقمي

مشاهدة النسخة كاملة : حسافه يابعض الرجال



اسيربلاقيود
22 Feb 2009, 10:22 AM
السلام عليكم ورحمة الله وبركاته وبعد

الشاعر / عبد الله بن باتل الرشيدي ..

قصيدة فيها تصنيف غريب وعجيب

اعجبتني فنقلتها لكم

إليكم القصيدة

بعض العرب ماينعطي وجه بالحيل
………….. وليا عطيته وجه صار إلك عله
وبعض العرب ماله سنع لكن حليل
…………. بالضبط كنّك لاتمعنت ظلّـــه
وبعض العرب شقرا وشقرا مع الخيل
………… ماينفعك لولا الرموش المظلّــه
وبعض العرب لايعجبك ثرثرة ليــل
……….. وباكر ترى ماقال لك شيء للــه
وبعض العرب مرسال مدري مريسيل
………. يساير العالم وهو حاصــلٍ لـــه
وبعض العرب يسلخ وينفخ وهو ريل
……….. وفي زعمه أنه يفهم الكون كلّـــه
وبعض العرب ماغير بندق ودربيل
………… ومنين ماهب الهواء جـــايزٍ لــه
وبعض العرب يطلع كما طلعة سهيل
………… ويغيب نجمه قبل دربـــه تدلّـــه
وبعض العرب يوذيك بالقــال والقيل
…………. تجلس معه ساعة والأخرى تمــلّه
نذل وخسيس يفصل الهرج تفصيل
…………. وليا لقاله طيبٍ يسْتغلـــــــه
وبعض العرب منظر وكشخة وتحليل
…………. شبح بحال..والحال الأخرى كورلــه
لاشفت زوله من خيار الرجاجيــل
………… واليا عرفته ماتجيه بمحـــــــله
وبعض العرب ماضيه ليلٍ على ليل
…………. قد بصّموه وصوروه الأدلـــــــه
وبعض العرب لاوالله إلا تهــاويل
…………. مهما عقدت الحبل لازم يحـــــلّه
قد دربوه ولكّعوه الرجـاجيـــل
…………. من قبل لايصير الحدث جاهــــزٍ له
وكانك شجاع صحيح حارب اسرائيل
………….. قبل اليهود القدس لا تستحــــله
وكلش يهون إلا الثلاث الغرابيـــل
………….. المهزلة والمسكنة والمذلــــــه


تقبلوا تحياتي

"الفيصل"
28 Feb 2009, 12:41 PM
قصيدة رائعة وجزلة وتصف حال الكيثرين منا بل هي واقع نشاهده أمام ناظرينا

فقد أجاد الشاعر في رسم لوحة معبرة وكأنك تراها ,


صح لسان شاعرها المتمكن


وذائقة فريدة هي بلا شك من اسير بلا قيود ,


تحيتي لك اسير ,