المساعد الشخصي الرقمي

مشاهدة النسخة كاملة : قصة حب تبغى طولة بااااااال وواقعه معي



الدب الداشر
03 Jul 2002, 07:20 PM
انا من الناس الي يؤمن بالحب من اول نظرة ومن اخر نظرة واشرب الحليب حتى اخر قطرة يعني ودي احب بأي طريقة واخر طريقة هي الحب عن طريق الأنترنت

طبعا هاطريقة ياما وكلتني مقالب الي تقول انها بنت وتطلع رجال والي تقول انها زينة وتطلع شيفة . كل ذا كوم والي سوتة سنا كوم .

سالفة سنا ء سالفةهذاك اليوم الله لايعيدة كنت اشيك على بريدي والقى رسالة من وحدة اسمها سنا ء وما ادراك ما سناء تقول فيها هذي صوري عسى يعجبونك

اخوكم ماصدق بخبر وافتح البريد والا واش القى هذيك الشمحوطة قطرت عليها سعابيلي المهم واقوم واشكها برد قلت لها الى اعجبتني الصور . ردي هذا اكد ان الشبكة علقت . وان الفريسة الي هو انا دخلت القفص

طبعا ياغافل لك اللة قعدت تسع ساعات احتري رد سنا كل ثانية اشيك على البريد

كيف الحال قلت كنت بخير قال تعرف صب سفن قلت اية يعني صب سبعة فناجيل قال لاياكمخة هذا برنامج تجسس وانا واثنين من ربعي نتمشى في جهازك قلت الله يهديك جهازي حديقة

اسبطت شوي وكتمت نفسي وتصببت عرقان ومصعت المكرفون وقريت المعوذات

وطفيت النور لايشوفني وطقيت اللطمة وجلست ورا الجهاز

وينك يالحبيب قلت موجود قال تعرف الرجال الي يتمشى في الجهة الثانية قلت لاوالله قال اجل هذا واحد جديد جهازك يبوي صاير ملطشة قال اصبر دخل واحد خامس وهذا السادس الظاهر انة صيني وهذا واحد جايب معة بساط وزمزمية الظاهر انة بيطول اصبر لا وفية واحد متوزي ورا ملف الظاهر انة يطير الشراب - يزغل - قال لي بصراحة انا رحمتك قلت ماقصرت ياخي وا ما نزلت برامج حماية لجهازك علمني عن كم برنامج وقال اهم شي انك تشيل ملف التجسس قلت ان شاالله شكرا ابية يمشي قال منيب ماشيلين العن سنسفيلك عشان تتأدب

بدى جهزي يصفر ويقرقع واخرتها طفا

بصراحة بعد هذيك الليلة شانت نفسي على الجهاز ولا عاد صرت اواطنة واقوم على ابوه وافرمط امة

بس باقي علي كلمات السرللبريد وانا عندي يجي 100 صندوق بريد واقعد ليلة كاملة اغير في كلمات السربس ماكانت هذي المشكلة المشكلة العبيصة وش احط كلمة السر رقم فنيلتي او مقاس نعالي اخاف ان الهكري عرفهن قلت مافية الا اني احط مقاس فنيلة ولد جيرانا واقسمة علي اثنين علشان بيننا وبينهم بيتين واضربة في خمسة عدد اخوانة والله يستر عسانا نسلم والله يعيني اني ما انسى كلمة السر.



وقلت التوبه من الحب

الأصيله
03 Jul 2002, 08:01 PM
الله يقبل توبتك

الدب الداشر
03 Jul 2002, 08:39 PM
شكرا" أخت أصيله على مرورك على الموضوع








وهذا بعد ترجي وأنوااع الدموووع بعد

بس الله يجزااه خير ضحك علي شوي


وما سوا شي بس سرق ملفاات


الله يجزاه خير ويوفقه وين ماراااح كسرت خاطره وخلاااااااني

ابو عبدالرحمن النجدي
03 Jul 2002, 09:34 PM
هذا وهي صوره وشلون لو سمعت الصوت؟؟؟؟؟؟؟؟؟؟
لكن يا النحيف العاقل وشلون عرفت مقاس فنيلة ولد جيرانك؟؟؟؟
لايكون بعد الفرمط بعت حتى الملابس في حراج حارتكم ؟؟؟؟؟

الدب الداشر
03 Jul 2002, 11:26 PM
هههههههههههههههههههههههههههههههه

أشكرك لمرورك على موضوعي أولا"


وثانيا" مقاااس الفنيله الله لا يخسر رحت له وقلت له وش رايك تروح معي للسوق


قالي: وش عندك


قلت: لا والله بس أبغى أتغرض


قااال: قدااام (قداام = لفظ للشباب الي بايعها يعني القوي الي زي حلاااتي)

المهم رحت وأتغرضت لنفسي وبعدين


قلت:لازم تشتري شي مااايصير


قال: لا مآبي شي

قلت: لازم تشتري فنيله.


قال: ماودي اكلف عليك


قلت:لا حلفت عليك


قااال: وبرااااسك (براسك=الي تشوووووفه عند الشباب )


وأشترت الفنيله وعرفت مقااااااسه




أفيييييييييييييييييييييييييييييييييه سالفه والله تعبت


بس عسااااك فهمت :p :p :p :D :D :p

حمووودي
03 Jul 2002, 11:46 PM
حلوووه يازكيه زكريا

ياحليك وشرهان بعد؟؟؟؟ تدور بنات

والله الزمن الأقشر

تحملتي يادب
:p

الدب الداشر
04 Jul 2002, 12:01 AM
الله يبارك فيك ويعطيك العافيه

اشكرك على الرد


وبعدين أن شاء الله انك أستمتعت بقراااائت الموضووووع



:) :) :) :)

أم أحمد
04 Jul 2002, 05:39 AM
السلام عليكم
هلا اخي الدب الداشر
شو هاي الحلاوه ابلكتابه ..... عن جد مبدع بالتصوير
اقوووووول قول زين البنت ما شافتك اذا شافتك بتطيح مغشيه عليها:D
تعرف ليش
من الزوغه ((الخوف))
:D :D :D :D



عاشقه الليل

سراب
04 Jul 2002, 04:56 PM
ههههههههههههههههههههههه
تحياتي يا دب بس نما ودي اقولك داشر لأنك ان شاء الله مانت داشر بس تبي تونس الربع بها الأسم.......

عندي لك اقتراح بالنسبة للرقم السري .....................

والله ما يطلعه اكبر هكر بالدنيا ......................

شف عمر خدامتكم + عمر راعي غنم عمك + عدد مطاعم وبوفيات رفحاء + عدد العروس اللي بالعطلة + عدد الحوادث على طريق عرعر
+ عدد السلنتح اللي يجلسون بالمنتزه كل ليلة + عدد القسايم اللي على ابو دليم تقسيم عدد سنون جدتك الله يرحمه ............ز

وافلقني اذا طلعه احد


تحياتي
احوك سراب

المرجوجه
04 Jul 2002, 05:01 PM
أقول اخوي .. انا لو منك.. ما أفتح الايميل أبداااااااااااااا بعد اللي صار..
يعطيك العافيه.. بالتوفيق..:D

الدب الداشر
04 Jul 2002, 10:39 PM
مشكورين على مروركم على موضوعي ويعطيكم العافيه


أخت عاشقة الليل/ يعني طيش شبااب ومصدق ولاكنت أعرف شي

عن الهكرز ومااصدقت خبر .


الأخ/ سراااب والله جلست ربع ساعه اضحك على سالفة أبودليم


لحاااله وبعدين للفائده أبودليم عقل الحين صاااار ؟؟؟؟ (رجااال) يعني

الأستفهااام وبعدين ترااه هكرز (أيه هين) وقووووي (حيل)


ويلعب كرااتيه (صااااااااز) ويتسبح كل يووم (قويه)




الاخت مرجوجه/ يعطيتس العافيه على مرورك


وبعدين الهكرز الي جاني ابن حلااال ليت كل الهكرز مثله طيبين


ولايضرون



الله يحفظه ويخليه لأمه

.
.
.
.
.
.
.
.
..
يعطيكم العافيه على المرور وبارك الله فيكم



:D :D :Dhttp://imbiss-coding.de/smiliez.de/smz/trrg/trrg_16.gif