إهداء لصمت مغتربة-ودي لكن كيف تحقيق ودي

[الهنوف]

ودي ولكن كيف تحقيق ودي *** عيا زماني لايجي لي على الكيف


لقيت من وقتـي عنـاد وتحـدي *** يمرني عمري مثل عابر الطيـف


يامـا تمنيـت الدقايـق تهـدي *** وياما تمنيت الشتاء ينقلب صيف


ظلم الليالي مع نصيـب متـردي *** تجمعوا واصبحت انا عندهم ضيف


فصلت من خام الشقا ثوب قـدي *** كسيت نفسي بالعنا والتحاسيـف


وغديت تايه دمعتي فـوق خـدي *** دمعة يتيم ٍ لوعتـه الصٍواديـف


قلبي ومحبوبي مع الوقت ضـدي *** كل شي يهون الا صدود المواليف


مادام من حبيـت عنـي يصـدي *** والسالفه طالت وراحت سواليـف


يانفس لايـام الجفـاف استعـدي *** موتي قهر والا على ضربة السيف


الشاعر ناصر القزلان

[صمت مغتربة]

من شفت الاهداء ...فزيت من غير فزة

يعطيك العافيه الهنوف ولا هنتي اختي ...



مشكوووووووورة


تحيتي
صمت مغتربة

[الهنوف]

العفو أختي صمت مغتربة و الله يعافيك ، أتمنى ان اختياري أعجبك .

[صمت مغتربة]

اعجبني وزود...وقصدي فزيت من غير فزة ..يعني قلبي اللي فز والا انا في مكاني ماتحركت ...


يعطيك العافية خيتو

[الهنوف]

هلا أختي صمت مغتربة ، طمنتيني أنا ظنيت فزيتي فزة خوف لما شفتي موضوع باسمك هههههه ،الحمدالله انها فزة اعجاب .

[رفحاوي]

ذوق وروعة وإختيار راقي ...
صح لسانك كاتبتنا القديرة الهنوف ...
أنتظر منك إختيار قادم مليء بالأمل والتفاؤل ...

[سهرانه]

سلمت يداك الهنوف

ذوق راقي صح لسان قايلها وناقلها

[تربوي]

قصيدة رائعة , وبداية ولا أروع.