ممكن احد من مكتب الاشراف يساعدنا بالتسجيل ؟؟

[عروووبة]

دخلت على رابط حصر اعداد خريجات المعهد

بعد تدوين المعلومات ضغطت حفظ
المهم لما ارجع مرت ثانية حتى اشوف المعلومات

مايطلع شي
بس السجل المدنى ..

مادرى شو السالفة
كيف اعرف ان المعلومات تم حفظها .


فياليت الاشراف يساعدوننا بالشي
ولكن دعوات خالصه

بارك الله فيكن

[شمـــاليه]

هلا وغلا عروبه شلونتس :shy

سويت بحث ولقيت لتس هذا


تعتزم وزارة التربية والتعليم حصر أعداد خريجات معاهد المعلمات
اللاتي لم يحصلن حتى الآن على أي وظيفة رسمية، وذلك تمهيداً
لدراسة أوضاعهن وإيجاد الحلول المناسبة لهن بالتعاون مع الجهات الحكومية المعنية .

لذا نأمل تعبئة البيانات والمعلومات الموجودة في الاستمارة
بكل دقة ووضوح، وسيتم استبعاد أي خريجة يثبت وجود أخطاء
في بياناتها، أو من تعمل حالياً في وظيفة حكومية رسمية .

عبر هذا الرابط
http://www.moe.gov.sa/treg/

اتبعو الصور وان شاء الله تستفيدون

http://i61.servimg.com/u/f61/12/31/14/29/uuuuuu10.jpg



http://i61.servimg.com/u/f61/12/31/14/29/uuuuuu11.jpg


ثم نكمل الييانات كما هو مسجل بالشهادة وكرت العائلة

مع ملاحظه حفظ كلمة المرور ولا تنسونها ابد لانه ممكن تحتاجونها بعد كم شهر

دمتم بود





يمكن يساعدك عروبه

[عروووبة]

هلا وغلا بشمالية وين هالغيبة

هذا الرابط
http://www.moe.gov.sa/treg/Rigstration.aspx

المشكلة كل ما احط سجلى والرقم السري وادخل على الصفحة
ما ألقاء اي معلومات غير سجلى المدني

[شمـــاليه]

عروبه انا سجلت ثنتين من خوياتي وقبل عادي بدون مشاكل

[شمـــاليه]

هلافيتس اكثر

في ذا الدنيا يالغاليه

شوفي لمن سجلتي ماقالتس بلون احمر تم حفظ البيانات ؟

انا قالي كذا بعدين رحت ودخلت بسجله مره ثانيه قالي ان الرقم موجود

فدخلت في الدخول حطيت رقم السجل والباسورد ودخلت

[عروووبة]

شماااااااااااااااااااااااااااااااااااااااااااالية

جننييييييييييييييييييييييييييييي

سويت زي ماقلتى
ولما تفتح ما القى معلوماتى بس القاء السجل المدني

[شمـــاليه]

يمكن من جهازك ياقلبي

غيريه وشوفي كيف الوضع وخبريني

[عروووبة]

شمالية شوفيلى هالرابط
دلخت وربي
وين التعديل اللى يقولون عنه
http://www.moeforum.net/vb1/showthread.php?t=272357

[عروووبة]

شمالية فهمت الرابط اللى فوق اللى يتكلمون عن التعديل

شكلهم يقصدون التعديل برابط الوظائف الادارية وفاهم غلط

[ابونايف]

عروبه الله يوفقك والبركة بهالموضوع جاب لنا شماليه ...

عودا حميدا شماليه ...

[شمـــاليه]

عروبه وش صار عليتس


ابو نايف الله يسلمك ويعافيك لاهنت

[عروووبة]

احوس بالرابط ولا ضبط
ودخلت من جهاز اخر ونفس الشي

كل ما ادخل ما القاء معلوماتى بس سجلى

,,,,,,,,,,,,,,,,,,,,,,,,,,,,,,,,,,,,,,,,,,,,

شماااااااااااااااااااااااااااااااااااااااااااااااا ااااالية
مدرى اضحك ولا ابكي
شوفى الروابط شالوا رابط التسجيل
اضغطي على الرابط اللى بردك !!!!!!!!!!!!!!!!!!!!!!!!!!!
حتى الاعلان كان موجود على جنب يمين وشالوه
http://www.moe.gov.sa/openshare/moe/

[عروووبة]

عروبه الله يوفقك والبركة بهالموضوع جاب لنا شماليه ...

عودا حميدا شماليه ...

جزاك الله خير اخوي ابو نايف
الله يوفقنا يارب اجمعين

وصدقت بارك الله بالموضوع اللى جاب شمالية
مع انى اشم ريحتها كل ليلة بالمنتدى بس تغلى علينا

[شمـــاليه]

احوس بالرابط ولا ضبط
ودخلت من جهاز اخر ونفس الشي

كل ما ادخل ما القاء معلوماتى بس سجلى

,,,,,,,,,,,,,,,,,,,,,,,,,,,,,,,,,,,,,,,,,,,,

شماااااااااااااااااااااااااااااااااااااااااااااااا ااااالية
مدرى اضحك ولا ابكي
شوفى الروابط شالوا رابط التسجيل
اضغطي على الرابط اللى بردك !!!!!!!!!!!!!!!!!!!!!!!!!!!
حتى الاعلان كان موجود على جنب يمين وشالوه
http://www.moe.gov.sa/openshare/moe/



عروبه قلبي


توني بسجل بنت ثانيه ولقيتهم ملغين الرابط ينزلني على الصفحة الرئيسيه


فهي احدى امرين /

يا اما انه طلع فيه غلط بالرابط ومشتكين العالم صاير لهن نفسك

او ان الدومين من الزحمه عللق


0


0



بس انتي لمن سجلتي واخذتي حفظ وداك صفحه انمسح فيها كل شي الا السجل؟

ولمن جيتي بتسجلين قالتس السجل موجود ؟

معناته انه انحفظ خلاص وهم يبون يحصرون العدد فقط لاغير

والعدد يحصرونه من السجل

قولي لا اله الا الله


جعل ماصار خيره ياجدي


اشتقت لتس والله :shy

[شمـــاليه]

جزاك الله خير اخوي ابو نايف
الله يوفقنا يارب اجمعين

وصدقت بارك الله بالموضوع اللى جاب شمالية
مع انى اشم ريحتها كل ليلة بالمنتدى بس تغلى علينا


بسم الله :shy


قصم قصمات كششش جلدي من كلامتس ;;)

لبى قلبتس بس


عروبه معك بكالوريوس؟

[عروووبة]

ايه معي بكالوريوس بتحضير الارواح ماتشوفينى اشم ريحتك هنا

شمولة الرابط به اخطاء كثيره حتى احد السنوات موحاطينها ولا يوجد خاصية تعديل

شكلهم يبون يضبطونه ويرجعونه
<< تونس نفسها

[جناشمر]

مرحبا عروبه شوفي اذا انتي دخلتي بياناتك وتم حفضها وسجلتي معلوماتك واخذت رقما الطلب واذا بعدين حبيتي تشيكين على المعلومات لازم تروحين لتعديل الطلب وماتروحين للخانه اللي فيها السجل والرقم السري لانها مخصصه للي ماسجل ودائما تعديل الطلب يكون في يمين الشاشه كذا طريقتنا في تسجيل البكالوريوس اتمنى تكونين فهمتي علي

[رفحاوي]

أختي عروبة الله يوفقك كل خير ...
مثل ما قال أخوي ابو نايف المبروك اللي جاب شمالية ...
لو ما شفته الليلة كان معمم عليه ...
توظفت واحتفلنا معه ووعدتنا بقصيدة وهذاك درب الضيف ...

[عروووبة]

مرحبا عروبه شوفي اذا انتي دخلتي بياناتك وتم حفضها وسجلتي معلوماتك واخذت رقما الطلب واذا بعدين حبيتي تشيكين على المعلومات لازم تروحين لتعديل الطلب وماتروحين للخانه اللي فيها السجل والرقم السري لانها مخصصه للي ماسجل ودائما تعديل الطلب يكون في يمين الشاشه كذا طريقتنا في تسجيل البكالوريوس اتمنى تكونين فهمتي علي

جنا فديتك شاكرة فزعتك
هذي طريقة التسجيل باوظائف الادارية

لكن انا وشمالية نحوس برابط معهد المعلمات
وابشرك شالوا الرابط (( زحلطوه ))
كله اخطاء

جزاك الله خير

[عروووبة]

أختي عروبة الله يوفقك كل خير ...
مثل ما قال أخوي ابو نايف المبروك اللي جاب شمالية ...
لو ما شفته الليلة كان معمم عليه ...
توظفت واحتفلنا معه ووعدتنا بقصيدة وهذاك درب الضيف ...



شكرا اخوى رفحاوى

والله يبشرك بالخير تونى ادرى انها توظفة
واقول وين غطست البنت اترها هاربه

<<<زعلت
شمالية وين الذبايح

[ابونايف]

هههه

لا وبعد هالتحسين والفروقات صار الحق حقين على شمالية ...

قصيدة لرفحاوي وكثر المواعيد ...

وعزيمة عروبة ...

وغيابه عن المنتدى ...

[رفحاوي]

أبو نايف شكل شمالية انحاشت ...
من رايي ندخل على موقعهن ونطلع سجله المدني ونشتكي عليه ...
وانت وعروبة تشهدون لي ...
وكان نقص شهود اخبر واحد يقال له حمود ابو ركبة رجال وجه خير ويشهد وهو مغمض ...
وبعد ما ناخذ حق التعيين نطالب بحق التحسين ...

[عروووبة]

ابشروا وانا معكم
اتصيدها لكم
اهم شي ناكل الهرفي
(( ياخوف قلبى نقضيها فطاير موركي ))

[رفحاوي]

ما تقصرين عروبة ...
الهرفي مابيه تعشيت منه ليما طلع مع خشمي عساوه صحة وعافية ...
نبي مطبق ومعصوب او فود عوجان غوزي من الناضج ...
وبعد العشاء نحلي من الموركي ...

[ابونايف]

الله يبارك فيكم جميع

ابشرك اخيرا نزل اسمي ولله الحمد والشكر

شاكره لكم جميعا..

ابو الليد .. القصيده بالطريق :shy

لاهنت ابو نايف

ص / لعروبة للمتابعة ...

[شمـــاليه]

ايه معي بكالوريوس بتحضير الارواح ماتشوفينى اشم ريحتك هنا

شمولة الرابط به اخطاء كثيره حتى احد السنوات موحاطينها ولا يوجد خاصية تعديل

شكلهم يبون يضبطونه ويرجعونه
<< تونس نفسها









مساكم الله بالخير :shy


وش عندهم الروس الكبار متورسليني من البارح :think:


اولا حياكم الله وبياكم جميع والله ان لكم وحشه وللردود عليكم سعاده لاتوصف


عروبه والله تخوفين قصم قصمات :p

توني شيكت على الرابط لقيته مشيول شكله فيه اغلاط

انتي استخرتي قبل التسجيل؟

استخيري لعل بالامر خيره والله يكتبها

ونسي نفسك وفليهااااا ماعليك

[شمـــاليه]

مرحبا عروبه شوفي اذا انتي دخلتي بياناتك وتم حفضها وسجلتي معلوماتك واخذت رقما الطلب واذا بعدين حبيتي تشيكين على المعلومات لازم تروحين لتعديل الطلب وماتروحين للخانه اللي فيها السجل والرقم السري لانها مخصصه للي ماسجل ودائما تعديل الطلب يكون في يمين الشاشه كذا طريقتنا في تسجيل البكالوريوس اتمنى تكونين فهمتي علي



اهلا وسهلا عزيزتي نحن نتكلم عن رابط حصر خريجات معاهد المعلمات

حياتس الله

[شمـــاليه]

أختي عروبة الله يوفقك كل خير ...
مثل ما قال أخوي ابو نايف المبروك اللي جاب شمالية ...
لو ما شفته الليلة كان معمم عليه ...
توظفت واحتفلنا معه ووعدتنا بقصيدة وهذاك درب الضيف ...





يالله حيه يابو الليـّد :shy

والله مايخوفن الا انت والله يبارك فيك المنتدى منوّر فيكم

و اشوى انك ماعممت عليّ :)

والقصيده في بالي كل يوم بس انشغلت دوامي بعيد ومعي الثانوي كله

والله عجزت ألحق على شيء

بس الله يسهل ان شاءالله ونشوف القصيده بأقرب وقت

لاهنت رفحاوي

[شمـــاليه]

شكرا اخوى رفحاوى

والله يبشرك بالخير تونى ادرى انها توظفة
واقول وين غطست البنت اترها هاربه

<<<زعلت
شمالية وين الذبايح



هلا والله عروبه

والله الكل عارف وانكتب موضوع نقلته انا عن الدفعه اللي طلع اسمي فيها

وباركت لي احدى زميلاتي بالمنتدى تعرفني والكل عارف وباركو لي اخواني

ماقصروو وشوفي ابو نايف ناقل اقتباس عن ماكتبت


وابشري باللي يرضيك كم عروبه عندنا ؟

[شمـــاليه]

هههه

لا وبعد هالتحسين والفروقات صار الحق حقين على شمالية ...

قصيدة لرفحاوي وكثر المواعيد ...

وعزيمة عروبة ...

وغيابه عن المنتدى ...



ههههههههههههه

من القراده ان اسمي ماطلع مع التحسين الاخير عشاني اخر دفعه ;;)

شكلي بكتب القصيده الليله عشان مايصير الحق حقين قبل يجي التحسين

وعروبه ورفحاوي وانت بعد تبشرون بالذبايح

وماغبت كل يوم ادخل على قولة عروبه بس الردود تبي له فضاوه

وانا لا دخلت ماطولت

حياك وبياك ابو نايف

[شمـــاليه]

أبو نايف شكل شمالية انحاشت ...
من رايي ندخل على موقعهن ونطلع سجله المدني ونشتكي عليه ...
وانت وعروبة تشهدون لي ...
وكان نقص شهود اخبر واحد يقال له حمود ابو ركبة رجال وجه خير ويشهد وهو مغمض ...
وبعد ما ناخذ حق التعيين نطالب بحق التحسين ...





بغيت انحاش صدز يوم شفتكم مستلميني :-?

نمت بدري والله يوم جيت لا الصفحات ماشاءالله واجد

لاتحرضهم علي يابو الليّد

وابشروو باللي تبون

[شمـــاليه]

ابشروا وانا معكم
اتصيدها لكم
اهم شي ناكل الهرفي
(( ياخوف قلبى نقضيها فطاير موركي ))



افاااااا يخسى الموركي


والله لتبشرون بالبعارين مو بس الهرافي

تستاهلووووووون

[شمـــاليه]

ما تقصرين عروبة ...
الهرفي مابيه تعشيت منه ليما طلع مع خشمي عساوه صحة وعافية ...
نبي مطبق ومعصوب او فود عوجان غوزي من الناضج ...
وبعد العشاء نحلي من الموركي ...




افا عليكم مابوه لا هرافي ولا شي

فيه بعارين بعارين وصينيه كبر امس واليوم

والهرافي تحلون بهن :shy



بصير شماليه الفصام :yo)


وهذي صوره من العشاء

http://3.bp.blogspot.com/_bEhhS7fgtX0/SCy0sQsn1gI/AAAAAAAAALk/55GPNl0A4TY/s400/%D8%A5%D8%B3%D8%B1%D8%A7%D9%81.jpg

[عروووبة]

شمالية نحمد الله على كل حال الخيرة فيما اختاره الله

المهم : اول شي ترى وربي ماعرفت انك تعينتى الا بالموضوع من اخوى رفحاوى
الف الف الف مليااااار مبروووك
ويعطيك خيرها وكفيك شرها
يارب

الشي الثانى :



























ولمت الملعقة وين البعير
http://tbn0.google.com/images?q=tbn:dHUMq21o3CPIlM:http://www.mondera.com/images/large1/3002326.jpg

[شمـــاليه]

شمالية نحمد الله على كل حال الخيرة فيما اختاره الله

المهم : اول شي ترى وربي ماعرفت انك تعينتى الا بالموضوع من اخوى رفحاوى
الف الف الف مليااااار مبروووك
ويعطيك خيرها وكفيك شرها
يارب

الشي الثانى :



























ولمت الملعقة وين البعير
http://tbn0.google.com/images?q=tbn:dhumq21o3cpilm:http://www.mondera.com/images/large1/3002326.jpg




ههههههههههههههه


الله يبارك فيتس ويبقيتس

وعقبالتس يارب


بس تعالي ..















































مو كن ملعقتس صغيره ؟

اضربي بالخمس يامال الغناه هذا بعيررررررررررررررر

[عروووبة]

ابشري
جبت المغارفة بكبرها

http://comps.fotosearch.com/comp/BDX/BDX599/bxp249945.jpg
يدي صغيرة ماتلحق صحنك هالى مبسطته لنا

[شمـــاليه]

هههههههههههههه

يالدوووبه كل ذا ملعقه


عافيه عافيه

[ابونايف]

ماقصرتي يالشماليه وعن نفسي مسامحكـ ...

وربي يكتب التوفيق لكـ ...

لكن الغياب محسوب عليكـ ...

[شمـــاليه]

الله لايقصر بعمرك ابو نايف

والله يجزاك خيرررر























عروبه لقيت ذا يمكن يفيدتس


http://www.moeforum.net/vb1/showthread.php?t=272539

[رفحاوي]

الحمد لله على عودتك أختي شمالية ...
بإنتظار قصيدتك ...

[شمـــاليه]

الحمد لله على عودتك أختي شمالية ...
بإنتظار قصيدتك ...




حياك وبياك ابو لليّد

والله يسلمك لاهنت

قريب ان شاءالله القصيده الله يسهل بس00

[شمـــاليه]

عروووووووووووووووووووووووووبه الحقي فتحو الرابط

http://www.moe.gov.sa/treg/

[عروووبة]

هلااااااااااااااااااااااااااااا شمالية
مشكوووووووووووورة

لكن كل ما اضغط على الرابط يطلعلى
خطأ في الملقم في التطبيق '/treg'.
--------------------------------------------------------------------------------

Invalid column name 'Averge'.
الوصف: حدث استثناء لم تتم معالجته أثناء تنفيذ طلب ويب الحالي. الرجاء مراجعة تتبع بنية تخزين العناصر للحصول على المزيد من المعلومات حول الخطأ ومكان حدوثه في التعليمات البرمجية.

تفاصيل الاستثناء: System.Data.SqlClient.SqlException: Invalid column name 'Averge'.

خطأ في المصدر:


تصدقين حتى منتدى الوزارة مو راضي ينفتح

قردي يعدي كركركر

[شمـــاليه]

عروبه

انا جربت اسجل وحده من البنات وعيااااااااااااااااااااا

طلع نفس اللي انتي ناسختوه

وش السواة ؟

[عروووبة]

السواة ننخا ابو نايف
يلبس البشت
ويتوجهلنا يم الرابط
لعلوااا يرحمنا وينفتح

وانتى عليك بالقصيدة

...........
شكلهم رجعوه يبون يونسوننا بس

[شمـــاليه]

البشت وينه يا ابو نايف = افزع لنا ربي يجيرك




:)

[عسووله]

الســلام عــليكم ورحمة الله وبركاتة

من شــوي فتحت معي الإستمارة وسجلت بياناتي كاملة ............

بس لما جيت عند حفظ البيانات وضغطت عليها تطلع لي صفحة مكتوب فيها

خــطأ في الملقم في التطبيق ...........

أرجـــــو المٍٍٍســـاعده ........

[عروووبة]

ولملنا بشتك يابو نايف اليوم ... وانصا رابط له يومين زعـــــــلان
وياعـــــل بشتك عزن لنا دوم ... وان مانفتح جعله للهكر نيشان

ياعل هالابيات تفى بالغرض
وينفتح هالرابط

ابونايف لأنه هو اللى جابانا الخبر والرابط

[شمـــاليه]

ولملنا بشتك يابو نايف اليوم ... وانصا رابط له يومين زعـــــــلان
وياعـــــل بشتك عزن لنا دوم ... وان مانفتح جعله للكهر نيشان

ياعل هالابيات تفى بالغرض
وينفتح هالرابط

ابونايف لأنه هو اللى جابانا الخبر والرابط


نيشااااااااااااااااان



البركه بالرابط اللي خلانا نعرف انك شاعره :shy

صح لسانك مليون ولا يسدون

[عروووبة]

الســلام عــليكم ورحمة الله وبركاتة

من شــوي فتحت معي الإستمارة وسجلت بياناتي كاملة ............

بس لما جيت عند حفظ البيانات وضغطت عليها تطلع لي صفحة مكتوب فيها

خــطأ في الملقم في التطبيق ...........

أرجـــــو المٍٍٍســـاعده ........

هلا خيتوا عسوولة

احسن شي تصبرين اليوم
يمكن يعدلووون رابطهم
عشان ماتنحفظ المعلومات غلط
والله يوفقك

...............................................
شمااااااالية
صح بدنك
العين ماتعلى على الحاجب
عدلنا الهكر غلط مطبعي

[ابونايف]

السواة ننخا ابو نايف
يلبس البشت
ويتوجهلنا يم الرابط
لعلوااا يرحمنا وينفتح


ههه

ابشري الرابط أن مافتح نرسل عليه من الهكر ...

والبشت نقابل به طويلن الاعمار ... ونطلب اعتماد لبنت الاكرام

[ابونايف]

البشت وينه يا ابو نايف = افزع لنا ربي يجيرك
:)

ابشري البشت جاهر وعروبه تستاهل :)...

[ابونايف]

ولملنا بشتك يابو نايف اليوم ... وانصا رابط له يومين زعـــــــلان
وياعـــــل بشتك عزن لنا دوم ... وان مانفتح جعله للهكر نيشان

ياوزارة التعليم لنا عدة أيام ==== نبي نسجل عندكم بنت الايمان

وافتحوا لنا رابطً كل الايام ==== ولانبي يم اللي لنا عندهم ميزان

ونطلب لعروبة كل الاحلام ==== و مستواها راحج بكـــل الاوزان

تدعـي لكـــم طول الايام ===== مـن رب المخاليق بحســــان

[رفحاوي]

يا وزارة التعليم وش هالعلوم ### أزعلتوا (عروبة) و الكل زعلان
إفتحوا رابطكم لتسجيل العموم ### وإلا نصيناكم شمر وويلان

[شمـــاليه]

هههههههههههههه







خلوووووووووووهاااا





طبعا على لسان خريجات المعاهد ومشاركه لأخواني :shy













حنا حضايا يا وزاااارات الرخوم = كم واحد ٍ من رزقنا بات شبعان

عدة اسنين ٍ مبتداها الى اليوم = مافيه حل ٍ نتبعه سر وأعلان

الكل فيكم متبّع منهج السوم = الكل فيكم مايبي لنا شآن

فكو الروابط ياعسى لكم يوم = عند الذي يعطي جزيلات وسمان

خلو العروبه ينشرح صدرها دوم = يالله كفايه هموم وغموم واحزان








خربشه سريعه جدا :)

[ابونايف]

هههههه

عاشوا الشعراء ...

صح لسانك شاعرنا الكبير رفحاوي ...

صح لسانك شاعرة المنتدى شمالية ...

[عروووبة]

الرابط اللى جمع الطيب يسلم ... يسلم ويسلم كل من جاء فازع
.......................
صح السانك اخوانى ابو نايف ورفحاوي
وتسلم روسكم
ونعم والله بكم وبشمر وويلان

الله يسلم الرابط اللى طلع لنا شعار بالمنتدى
مواهب مختفيه
..........................
شماالية ابدعتى بالقصيدة
مير نبي قصيدة التعيين
ملزمين

[شمـــاليه]

صح بدنك ابو نايف

هذي احماء عشان قصيدة التعيين :)


عروبه وقصم جالسه احاول http://www.up2up.com/uploads/images/up2up-eb57fe6972.gif (http://www.up2up.com/)

[همّام]

ما شاء الله
صحت ابدانكم وأعلى الله شانكم

شاعرة المنتدى شمالية تتولى رعاية المواهب الشعرية

[ابونايف]

همام ...

هالشعراء الجدد بحاجة لدورة شعرية :d :d :d ...

[شمـــاليه]

هلابك مشرفنا

ماشاءالله مايحتاج رعايه قصم قصمات مبدعين :)

منور الموضوع لاهنت

[عروووبة]

حيااك مشرفنا
وصح بدنك لاهنت

.............................
شمالية نبي نفتح قاعدة بالمنتدى
ونا خذ دورات عندك

بس ترى اذا احد ناداك ياغسان لاتزعلين
تراها مزحه من الطابور اللى ورى

<< ناوية على الشر (( طالبة مشاغبة ))

[شمـــاليه]

هههههههههههههه

عروبه فكن ربي من شرك انتي ورفحاوي

القصيده نزلته توني في الشعر ابي رايتس :)

[همّام]

همام ...

هالشعراء الجدد بحاجة لدورة شعرية :d :d :d ...



هلا أبو نايف
شمالية كما يسميها الأعضاء شاعرة المنتدى ماهي مقصرة
هي والعمدة