تكلم بصراحه* حوار بين الشباب والبنات

[الشيب]

السلام عليكم ورحمة الله وبركاته

موضوع عجبني


وحبيت انقله لمنتدانا ~

لنتحاور حوله



*
بعيدا عن التحيز والعصبيه ..

اود ان اطرح هذا الموضوع ..

للحوار المثالي بين الشباب والبناات ..
او البنات والشباب <-- ولا يزعلن الحساسات

خذوا بالكم من كلمة مثالي..

وهو حوار بين فريقين..

هناك أمور يكرهها الرجل في المرأه أو لا يستطيع فهمها ..



هناك أمور تكرهها المرأة في الرجل أو لا تستطيع فهمها..


وسنقوم في هذا الحوار بتسليط الضوء على كل


ما لا يعجبنا في الجنس الآخر بكل صراحة وموضوعية ..


وبعيداً عن التعصب حتى نستمتع..



و نخرج منه بنتائج إيجابية..

... بداية الحوار ....

سيقوم فريق الشبـاااب بطرح تساؤل عن أمر معين لا يعجبه في البنــاات ..

وسيقوم فريق البنات بالرد وتبرير الموقف كلا منهن برأيه ..

وبعد إعطاء الإجابات والمبررات الكافية يصبح فريق البنات

هو من يطرح سؤال على فريق الشباب


وهكذا يستمر الحوار ...


وبس..,انتظر ردودكم.!!


( ارجوا من الاداراه تثبيت الموضوع )

[الوسام]

يعطيك العافيه الشيب ويااليت الاداره تستجيب وتثبت موضوعك ...تقبل مروري

[الشيب]

وانا سوف ابدا بالاسئله وارجوا الرد بكل صدق
لماذا عندما تريد بعض البنات الذهاب للسوق تتعطر وتتمكيج وتتزين مع العلم انها ذاهبه للسوق وليس لمناسبه؟
ملاحظة ::. انا قلت بعض البنات

[حفراااويه]

وعليكم السلام ورحمة الله وبركاته

اللي مايعجبني في الرجل عصبيته خصوصآ إذا جاء من الدوام يحط الحره كلها في هالمسكينه هذا واحد
أثنين/ كبرياآآآآآآآآئـــه طبعآ مو كل الرجال متكبرين بعضهم
ثلاثه/ أوامره اللي لها أول ومالها تالي حطي هذا وسوي هذا ولابعد ياليته يعجبه بعد
أتـــمــــنى مايزعلون الرجال هذا طبعهم وطبعآ مو كلهم كذا الأغلب فقط
مشكوووووور والله يعطيك الف عافيه تقبل مروري ...........

[الشيب]

شاكرلك مرورك حفراوية
بس اسلوب الرجال يعود على المره اذا كانت متفاهمه لاسلوب رجالها هذي نظريتي والناس لها نظرياتها

[رويلي]

يعطيك العافية الشيب موضوع مش جيد
ممتاز جدا
انا اجيز الموضوع

وارجو من الأدارة تثبيته حتى يفهم الجنسين بعض
بصراحة انا ذبحتني الشفاية ابي اعرف وش يكرهون البنات فينا وايش يحبون
تقبل مروري واطالب وبقوة تثبيت الموضوع

[الشيب]

يعطيك العافية الشيب موضوع مش جيد
ممتاز جدا
انا اجيز الموضوع

وارجو من الأدارة تثبيته حتى يفهم الجنسين بعض
بصراحة انا ذبحتني الشفاية ابي اعرف وش يكرهون البنات فينا وايش يحبون
تقبل مروري واطالب وبقوة تثبيت الموضوع

الله يعافيك الرويلي
وانا مثلك ودي اعرف بعد

[شـــذى الورد]

يعطيك العوافي الشيب على الموضوع النايس ,,

انا اللي مايعجبني بالرجال ؟؟..

1-انه يسوي اي شي يبيه وام البنت سوائن اخته ولا زوجته ..

مايبيها تسوي شين ولازين ويقعد ينصح ويسوي نفسه مفتي وهو

عادي يسويه اعطيك مثال: مثل القنوات mps4 ـ LBS <<<لأن

المسلسلات التركيه

وغيره عند البنت

يحذفها وهو عادي يشوفها ..

2ـمثل ماقالت حفراويه إّذا دخل البيت حط حرته بالمسكينه ..

[شـــذى الورد]

3ـ على باله ان البنت ماتعرف اي شي وهو مسوي نفسه عبقري..

وشكرآآ,,

>> مدري احس اني ماخليت شي ماقلته بس الصدق انتم عيوبكم

كثيره لو اذكرها يبيلي اسبوع ,,

وأحترامي لجميع الشباب ..

[شـــذى الورد]

"احم احم "

راح اجاوب على سؤالك يااخ الشيب ..

انا الصدق الصدق ماعمري طلعت لسوق وانا حاطه مكياج احس انه

ماله داعي ..

بس على حسب معلوماتي ان المكياج تحت البرقع يخلي البنت

كيووت ,,

وطبعأ هذا الشي يخفي العيوب ,,

وانا مااقول كل البنات بس انا اشوف ألأغلبيه كذا ,,

وفي من تسوي مكياج علشان تروح مع صديقاتها لسوق وشي اكيد

ان البنت

تحب تصير احلى صديقاتها لأن هذا من طباع البنات ,,

وفي من تصبغ وجهها تصير كأنها دفتر كشكول ,,طبعا هالشي بوجهة

نظري عدم الثقه بنفس ..

وأحترامي لجميع البنات بس اضن ذا الصدق ..


وشكرآآ,,

[الشيب]

تحياتي لك اختي شــــــــــــذى
ويعطيكي العافيه على ردودك الاكثر من رائعة
وتعليقك الي تقولين فين تخفي بعض عيوبها احس انه مو سبب مقنع
وقولي الحمدلله ان فيه ناس يهاوشونك عن القنوات والمسلاسلات التركيه لانك منتي بحاجتها الي بالمسلاسلات والحب الي فيهن اسمه تقليد اعمى

[عروووبة]

السلام عليكم ورحمة الله وبركاته

بالنسبة للمكياج
انا ماقدر افيدك لأنى ولله الحمد لما اطلع ما احط مكياج ولا اتعطر
وحتى البيئة اللى حولى نفس الشي
لكن بالنسبة لبعض البنات معك حق انا الاحظ هالشي بالاسواق

انا مو نصيرت للمكياج فى المناسبات فكيف بالاسواق

...............................
اللى ماحبه بشباب هالوقت
التعاجز والعجز بمعنى (( تأجيل عمل اليوم الى الغد ))
اوضحها لكم
يعنى ابسط شي لما تخرب بالبيت حنفية الماء
ابوى الله يخليه او اى رجل كبير من عمامى او خوالى
على طووول يفسر عن يدينه ويصلحها او يجيب عامل وتخلص المشكلة

اما الشباب (بكرى .. الصبح .. ايه نسيت العصر اروح ... يوووه الليلة ))
حتى وانا اختك نتنقل بين الغرف بقوارب

((( لى عودة بإذن الله اذا تذكرت شي )))

[درزن خواتم]

حلوووو

الشيب يسلموووو

بصراحه البنت اللي تحط مكياج بالسووق مالهاااا داعي وحركه تضرهاااا ما تنفعهاااا ابد ابد

سؤالي_
ليش الكثير من الشباب ما تمر جنبه بنت اللي يخزهاااا ما يقدر يمر من غير ما عيونه تلفت؟؟

المشكله الأكبر اذا كانت البنت مغطيه عيونهااا لا تقولون اذا كانت مغطيه عيونهااا ما حد يطالعهاااا كذب والله...............................

سوري عالاطاله

[عروووبة]

تذكرت
رجعه سريعة
ظاهرة هالشعر
تدرون ان اكثر شي يقززنا هو منظر الشاب وشعره الطويل
ترى ما اتكلم عن نفسى
لا اتكلم عن شريحة عريضة طويلة من البنات
واكثر من جلسة لما ينفتح هالموضوع
مالقيت ولا وحدة
قالت : يعجبنى الشاب الى مربي شعر

[ابو متعب]

أكثر شئ يضايقني بالحريم اذا دخلت المحل وقالت سلام عليكم لراع المحل حتى لو كانت عجوز طاعن بالسن على قولتهم
أشوف مهي زينة بنووب ويعطيك العافية الشيب

[الشيب]

السلام عليكم ورحمة الله وبركاته

بالنسبة للمكياج
انا ماقدر افيدك لأنى ولله الحمد لما اطلع ما احط مكياج ولا اتعطر
وحتى البيئة اللى حولى نفس الشي
لكن بالنسبة لبعض البنات معك حق انا الاحظ هالشي بالاسواق

انا مو نصيرت للمكياج فى المناسبات فكيف بالاسواق

...............................
اللى ماحبه بشباب هالوقت
التعاجز والعجز بمعنى (( تأجيل عمل اليوم الى الغد ))
اوضحها لكم
يعنى ابسط شي لما تخرب بالبيت حنفية الماء
ابوى الله يخليه او اى رجل كبير من عمامى او خوالى
على طووول يفسر عن يدينه ويصلحها او يجيب عامل وتخلص المشكلة

اما الشباب (بكرى .. الصبح .. ايه نسيت العصر اروح ... يوووه الليلة ))
حتى وانا اختك نتنقل بين الغرف بقوارب

وعليكم السلام ورحمة الله وبركاته
انا معكي اختي عن التعاجز وهذا الشي اشوفي بي انا لكن انشالله مع مرور الايام راح تتعدل هذه العاده
(اما التنقل بين الغرفف بالقوارب هذي قوية ) هههههههههههههههههه

[فتحي أخو فتحية]

والله ما صدقن خبر واحد نزل موضوع وهن على طول أكتبوا والغريب فيه معرفات جديدة؟؟؟؟

والله عيييييييييييييييييييييب

[الشيب]

حلوووو

الشيب يسلموووو

بصراحه البنت اللي تحط مكياج بالسووق مالهاااا داعي وحركه تضرهاااا ما تنفعهاااا ابد ابد

سؤالي_
ليش الكثير من الشباب ما تمر جنبه بنت اللي يخزهاااا ما يقدر يمر من غير ما عيونه تلفت؟؟

المشكله الأكبر اذا كانت البنت مغطيه عيونهااا لا تقولون اذا كانت مغطيه عيونهااا ما حد يطالعهاااا كذب والله...............................

سوري عالاطاله
كلام جميل لكن وش نسوي اذا كانت هذي فطره بالانسان

[الشيب]

أكثر شئ يضايقني بالحريم اذا دخلت المحل وقالت سلام عليكم لراع المحل حتى لو كانت عجوز طاعن بالسن على قولتهم
أشوف مهي زينة بنووب ويعطيك العافية الشيب

يعطيك العافيه والد الطايع
المشكله اذا شافت السعودي تغطت وعن الاجنبي ماتتغطى تقول مهو رجال ههههههههههههههههههههههه

[الشيب]

والله ما صدقن خبر واحد نزل موضوع وهن على طول أكتبوا والغريب فيه معرفات جديدة؟؟؟؟

والله عيييييييييييييييييييييب

هلا اخوي فتحي
عنوان الموضوع تكلم بصراحه ومافيها شي اذا اي واحد ابدا برايه والاخطاء محد معصوم عنها

[الشيب]

تذكرت
رجعه سريعة
ظاهرة هالشعر
تدرون ان اكثر شي يقززنا هو منظر الشاب وشعره الطويل
ترى ما اتكلم عن نفسى
لا اتكلم عن شريحة عريضة طويلة من البنات
واكثر من جلسة لما ينفتح هالموضوع
مالقيت ولا وحدة
قالت : يعجبنى الشاب الى مربي شعر

عرووووبه كلام جميل بس اهم شي انه يكون مهتم فيه مهو علمه بالغسيل قبل سنه احتراماتي للي له شعر

[جناشمر]

موضوع وفكره حلوه ان الواحد يعرف عيوب الثاني ,اقولكم وبصراحه ان مااحب الاخ يكون قاسي على خواته وبشكل عام مااحب الرجال يكون قاسي صدقوني ترى البنت ماتجي بالشده وكذب اللي قال مايجون الا بالعين :vmad الحمراء ولاتفكرون اني قلت كذا عشان اني اعاني من هالشي الحمد لله اخواني حنونين بالمره حتى صديقتي تقول احسدك على اخوانك بسم الله عليهم وانابصراحه يكبر بعيني الاخ الحنون مع خواته ويكون في اعتباره ان فيه خطوط حمراء ماتتجاوزها البنت , مااحب يكون الرجال نكدي [-( وعصبي وهالصفتين مكملات لبعض وماراح اتكلم عنهم لان الكل يعرفهم ومايحتاجون شرح,عدم تحمل المسؤليه ويعاني منه اغلب الشباب وعشان اثبتلكم راح اجيب ادله حتى ماتقولون اني اتبلى عليكم ماراح اتكلم عن المسؤليات الكبيره راح اتكلم عن ادنى المسؤليات في البيت اذا خلص الواحد من شي مستحيل يطفيه سواء لمبات او مكيفات او تلفزيونات وبصراحه احنا نعاني من هالشي لما اروح لقسم الرجال القاه كنه عرس مافي لمبه ماهي مشغله والمكيفات شغاله والتلفزيون صوته يرقع والعالم بسابع نومه:zz, اسمحولي ياشباب حشيت فيكم والموضوع حوار:2mad بصراحه يعني بدون مجامله وكل انسان مايخلى من العيوب وهذا الشي ما يجحد صفاتكم الزينه,,وحتى حنا البنات نبي نعرف عيوبنا والشي الحلو فينا

[جناشمر]

والله ما صدقن خبر واحد نزل موضوع وهن على طول أكتبوا والغريب فيه معرفات جديدة؟؟؟؟

والله عيييييييييييييييييييييب
اخوي ايش العيب بالموضوع بصراحه موضوع فكرته هادفه والعيب ان الانسان يكون عنده عيوب ويكابر رحم الله من اهدى الي عيوبي ,عندك اخوي الشيب انتقد التعطر بالاسواق وسبحان الله يمكن تدخل بنت مالقت هذا النقد في بيتها واستفادت اخوي ماكتبت اهاجمك بس حبيت ابين وجهة نظري

[*العنا*]

السلام عليكم و رحمة الله و بركاته ..

الأخوة و الأخوات الكِرام ..

تحية أخوية محملة بالأحترام و التقدير ..

.


.



و أسمحوا لي بمداخلاتي هذه ..



.



.



من الرائع إن تُطرح مثل هذه المواضيع في الساحات العربية ،
لتقريب الفِكر بين الجنسين ، و لـ يفهم كل طرف مدلول الآخر ..


و بالنسبة للـ السؤال الموجه للفتيات من قِبل الكريم [ الشيب ] ..


لماذا عندما تريد بعض البنات الذهاب للسوق تتعطر وتتمكيج وتتزين مع العلم انها ذاهبه للسوق وليس لمناسبه؟
ملاحظة ::. انا قلت بعض البنات

و من رأي شخصي أقول ..

حُب الفتاة للتزين ، و الظهور بـ أبهى حلتها ،
عادة عُرفت من خلالها الفتيات منذ أقدم الأزمان ..

فـ خروجها للسوق ، ليس بالضرورة معناه التزين ، لغرض
ما يكمنه أغلب الرجال !

بل إنما دافع فطري في كثير من الفتيات ;) !


،

،

و لكن . . عجبي !

لماذا يُطلق كثيراً كثيراً من الرجال العِنان لنفسهم لـ التمعن و التفحيص

في المرأة ، و بعد ذلك ينتقدها !

أو لا يعلم ، إن في كل نظرة [ سهم من سهام الشيطان ] !

أم يشبع بصيرته ، و بعد ذلك يتفرغ للأنتقاد اللاذع المُعتادين نحن النسوة عليه :shy !


.



و لأن الرجل الشرقي عُرف بـ قوامته المفرطة ، فـ هذا ما لا سوف
أعيره أي أهتمام ، لأني أرى في هذا الزمن ظاهرتين أستحوذتا
على الرجل الشرقي ، و طاغتا على سابقتهما ، إلا أنني ما زلت
أردد . . .


يبقى .. رجلٌ شرقي !


و أولى هاتين الظاهرتين ..

و اللي كثرت في الآونة الأخيرة ، و خصوصاً بين رجال الخليج ،
و هي ..


[ أحبكِ .. نعم / أتزوجكِ .. لا ] !

و من هذه تنطلق الآخرى ، و التي أتوقع بـ إن نسبة كبيرة من الرجال الخليجين لا تخلو منهم ..
و هي ..

[ حلال عليه / حرام عليها ] !


و أسمحوا لي بـ إن أختصارهما بما سلف !



.



أمر آخر ذكرته أختي { عروبة } ..

بـ النسبة للذين يُطيلون الشعر ..

لا تسعفني الذاكرة حالياً ، و لكنه من المرغوب منذ زمن النبي ( صلى الله عليه و آله و سلم )
إن كثيراً من الرجال يطيلون الشعر لحد الرقبة لا أكثر !

و إن طال ، فـ هو ( مسخرة ) بحق :shy ..

و أنا أرى ، بـ إنه أمر ( كيوت ) :p !



.


و وقفة عند الأخ ( محمد ولد الطايع ) ..


أكثر شئ يضايقني بالحريم اذا دخلت المحل وقالت سلام عليكم لراع المحل حتى لو كانت عجوز طاعن بالسن على قولتهم
أشوف مهي زينة بنووب ويعطيك العافية الشيب


]> و الله حرام عليك تقول هالكلام :shy !


سـ أختصره ..


السلآم على رسول الله : ) ..

و إن دخلت المحل ، فلقد دخلت على بشر !

عــذراً . . ليس على ( همج ) :shy !

و لا أعتقد بإن هناك ما يُحرم أفشاء المرأة السلام عند دخولها للمحلات التجارية :shy ..







.




و ختاماً ..


أعتذر إن كانت مداخلاتي تشتبك مع بعض الأطراف ،
فـ كلها آراء شخصية تعود لـ صاحبتها : ) ..

و منها نتقرب في فِهم آراء الطرف الآخر أكثر فـ أكثر ..


و شكـــر خاص و مميز ، لـ / صاحب الموضوع ..

[ الشيـــب ]


و لا تحرمنا جديدك : ) . .






.

[الـوايـلـي]

كلكم صااااااااااااااادقين الشباب والبنوتاااااااااااات :note:

والكل فيه الزين والشين من الطرفين

[ابن دهام]

السلام عليكم ورحمة الله وبركاته
انا ما أ حب الدلع الزايد بالبنت اعطيك مثال بسيط في بعض البنات ماتعرف تطبخ بعذر انها مادخلت المطبخ عند أهلها لانهم مدلعينها بالحيل . عندي استفسار بسيط وش معني (كيوت) مسبه و لا مدح

[*العنا*]

السلام عليكم ورحمة الله وبركاته
انا ما أ حب الدلع الزايد بالبنت اعطيك مثال بسيط في بعض البنات ماتعرف تطبخ بعذر انها مادخلت المطبخ عند أهلها لانهم مدلعينها بالحيل . عندي استفسار بسيط وش معني (كيوت) مسبه و لا مدح


أوافقك الرأي ، أخي و بشدة :shy ..

و أرى بإنه ليس ( دلع ) ، بل إستهتار في التربية ،

و عدم لا مبالاة في القادم :shy ..


.



و ( كيوت ) / مدح =) !

]> تقولهآ إذا شي حلو و عاجبك =) !

[عز الخوي]

الله يقويك الشيب
عرووووبه قالت الشباب اللي مطول شعره مو زين فعلا شغله تحط العقل بالكف هذا تشبه الغرب موتشبه بالصحابه
وشغلت المسلسلات شي جميل انه في احد يغار على عرضه من عادات سيئه راح تجينا بيوم من الأيام
والبنت اللي تحط مكياج وعطر وتطلع للسوق هاذي رايحة تسوي فتنه
وتجيب الكلام على نفسها وعلى اهلها
وان الشباب يطالع البنت ويخزها اذا كان بلبسها او حركاتها اغراء اكيد انه يطالع ويتكلم وياليتها تسلم منه


اذا كان بأي من كلامي خطأ ارجو الرد !!!!!

[فخر شمر]

الله يعطيك العافيه يالشيب

وماقصرت

على هالجمعه
اللي جمعتنا بين اخوانا الأعضاء

[شـــذى الورد]

الله يسلمك اخوي الشيب ,,

بس انا ماقلت في احد يهاوشني لأن ماني محتاجه احد يبدي رايه علي

المهم ؟؟ انا ماعشت ذا التجربه بس سمعت عنها كثير

بس انت فهمت غلط .. بس اذا احد هاوشني على اي شئ ماعندي

مشكله لأن يبين ان اهلي يخافون علي وهذا الشي افتخر فيه ..

[فخر شمر]

تذكرت
رجعه سريعة
ظاهرة هالشعر
تدرون ان اكثر شي يقززنا هو منظر الشاب وشعره الطويل
ترى ما اتكلم عن نفسى
لا اتكلم عن شريحة عريضة طويلة من البنات
واكثر من جلسة لما ينفتح هالموضوع
مالقيت ولا وحدة
قالت : يعجبنى الشاب الى مربي شعر


00000000000000000000000000000000000000000000000000 000000000

واللي مو مربي شعر يعجبكم صح

ههه

انا مالي شعر ترا على الموس 0 صفر

ههه




انتم يالحريم ليه تعبدون السوق عباده
نبي السوق ودنا للسوق

ليه .؟

اذا كنتو تردن بأننا نتقضى


.............


بس مو كل يوم

24 ساعه سوق سوق


ههههههههههههههههههه آسف سوري أمزح بس كذا


انا مالي حق اتدخل بس هذا حوار وردن علي يا خواتي

[جناشمر]

00000000000000000000000000000000000000000000000000 000000000

واللي مو مربي شعر يعجبكم صح

ههه

انا مالي شعر ترا على الموس 0 صفر

ههه




انتم يالحريم ليه تعبدون السوق عباده
نبي السوق ودنا للسوق

ليه .؟

اذا كنتو تردن بأننا نتقضى


.............


بس مو كل يوم

24 ساعه سوق سوق


ههههههههههههههههههه آسف سوري أمزح بس كذا


انا مالي حق اتدخل بس هذا حوار وردن علي يا خواتي
اخوي فخر انا راح اجاوبك تقدر تقول هذا شي فطري في الحريم حتى الله سبحانه وتعالى لما ذكرمااعده من نعيم للنساء في الجنه ذكر الحلي والزينه لان هذا شي جبلت عليه النساء بعكس الرجال وعدهم بالحور العين وانا اتفق معك بكثره الخروج للسوق مالها داعي بس بعض الاحيان تجبرك مناسبه انك تروح اكثرمن مره لان احتياجات النساء كثيره مو مثلكم ثوب ابيض وشماغ وانتهت السالفه

[الشيب]

يعطيكم العافية الجميع على ردودكم
اعذروني غلى الاطالة عليكم لانه كانت عندي ضروف منعتني من مواصلة الحديث معكم لكن ردود اكثر من الممتازه شاكر لكم تواجدكم ودعمكم للموضوع والله لا يحرمنا هالجمعة