المساعد الشخصي الرقمي

مشاهدة النسخة كاملة : ماعودها والله ماعود ماعود



بـــــــــرق
20 May 2009, 03:58 AM
ماعودها والله ماعود ماعود = وان عدتها مالي ربوع وبديده
سلام يادار الوفا واجزل الجود = سلام من لبّا لعين الفريده
سلام ياربعي هل البنّ والعود= يامصخرين لكل حاله عنيده
سلام ياشمر هل اللين والكود = سلام ياعزوة طريح المكيده
صباحكم حبٍ ولهفه ومنشود = الكم وللي للاماني طريده
هلا هلا فيكم غدد هبّة النود = واعداد حرفٍ سطرته الجريده
انا شمالي مالي ابعاد واحدود = من دجله اليا من سكن في عبيده
شمر هلي لاطسّ بالملح بارود = من صلب ضيغم لي عروقٍ مجيده
واليوم نبضي شيّشه نيّة اصدود = من غاليٍ سبّب لقلبي لهيده
قال الحقيقه وانقطع خافق العود = ويله من الله كيف يفضح رصيده
ليته مجاملني وياليت مايْذود = عن هافيٍ مسقيه قيح وصديده
ليته صدق ليته وفا لانبل وعود = ليته بنيرانه لطف في جليده
واليوم ياربعي فلا والله آآآعود = مير البلا لاجله كتبت القصيده


.

.

الشمّري

درزن خواتم
20 May 2009, 05:22 AM
صح لسانك واعتلى شانك يالشمري

بـــــــــرق
20 May 2009, 01:49 PM
صح لسانك واعتلى شانك يالشمري

بارك الله فيك ومرورك شرف

شمـــاليه
27 May 2009, 10:35 PM
ليته مجاملنـي وياليـت مايْـذود
عن هافيٍ مسقيه قيـح وصديـده
ليته صدق ليته وفا لانبل وعـود
ليته بنيرانه لطـف فـي جليـده
واليوم ياربعي فـلا والله آآآعـود
مير البلا لاجله كتبـت القصيـده




صح لسانك اورنس قصيده اعجبتني جدا

ويعينك الله ان شاءالله :)

يعطيك العافيه وفي انتظار قصائدك الجميله

حياك وبياك

سهرانه
28 May 2009, 01:12 AM
سلمت يداك
وصح لسانك
قصيده حلووه