ورزقي على اللي ناشي المزن ينشيه [الأرشيف] - موقع رفحاء منتديات رفحـاء

مشاهدة النسخة كاملة : ورزقي على اللي ناشي المزن ينشيه

kermalk

25 Jul 2009, 02:52 PM

هذا واحد يبي يترزق الله وقام يبيع جح وماالله وفقه .. على قولتهم طاح بكبده .. وكتب هذه الأبيات :

شريت لي جـح عسـى القـوم تشريـه
ابــا اتكـسـب بـــه واكـــل راس مـالــي

قـطـع امتـونـي بــس اشيـلـه وواطـيــه
وبالبـيـت احـرسـه لا يـجـونـه اعـيـالـي

اربـــع لـيـالـي بـــس اجـيـبــه واوديــــه
وان جيـت احــده قـالـوا الـنـاس غـالـي

مـا دري هـو انـا صـدق بالحـيـل مغلـيـه
والا ان حظـي بالسعـد مـا سعـى لـي

الله يجيـب الـلـي مــن الـنـاس يشـريـه
والا حـذفــتــه بـالـشـعـيـب الـمــوالــي

ورزقي على اللي ناشي المزن ينشيه
هـوالــولــي وانـــــا عـلــيــه اتــكــالــي

والا الـشــراء والـبـيـع مـانــي بـراعـيــه
الله يـرزقـنــي عــلـــى قـــــد حــالـــي

همّام

25 Jul 2009, 02:55 PM

قصيدة من معناة
ولسان حال الكثيرين يازين الجح عند الأسهم : )

شكرا لك أخي كرمالك

kermalk

25 Jul 2009, 08:00 PM

قصيدة من معناة
ولسان حال الكثيرين يازين الجح عند الأسهم : )

شكرا لك أخي كرمالك

حياك الله همام وصدقت الجح لوتوزعه بس الكارثه هالارقام اللي ملكه وطارت عسى الله يخلف ويعوض خير

تربوي

29 Jul 2009, 06:31 PM

يعطيكـ العافية كرمالكــ ...

kermalk

29 Jul 2009, 07:00 PM

يعطيكـ العافية كرمالكــ ...

الله يعافيك تربوي

شمـــاليه

29 Jul 2009, 10:03 PM

ههههههه الله يعوضه

صح لسانه ولاهنت على النقل ياكرمالك

kermalk

30 Jul 2009, 09:58 AM

ههههههه الله يعوضه

صح لسانه ولاهنت على النقل ياكرمالك

صح بدنك وماتهونين