افاااا ياقلبي الطيب

[بنت ملوك]

دخيلك الله يا قلبي أنا طالبك تعفيني ..
أنا طالبك تنسااااني ولو مره تخليني ..


أعيش بدنيتي واهنأ مثل باقي البشر سالي ..
بدون الحب ياقلبي وبدون هموم تكويني ..


أنا ماعاد فيني روح تبيها تتبعك ثاني ..
أنا فيني جسد باقي بدون شعور يحويني ..


على كثر القلوب اللي هوينا ماصدق واحد !!
يا قلبي إبتعد عنهم ترى اللي فيني كافيني ..


زرعت الحب فأعماقي وحصدت جروح تاليها ..؟؟
وردى هالحظ خاواني ولقي كل ما يبي فيني ..


كثير أحباب حبينا وأعطيناهم بدون حساب ..
ولا خذنا سوى غدر ٍ ملا راحات كفيني ..


وكثير أسباب تجبرنا بلا حسوفه نخليهم ..
لأن والله مــا فيهم واحد ٍ ملا عـيني ..


ولكن أكبر الصدمات جتني من اللي
حسبته غير كل الناس وما يعنيه يعنيني ..


هذاك اللي تصورته طموح العمر ياقلبي ..
هذاك اللي تخيلته هناي وضحكة سنيني ..


عطيته من دفا روحي قصايد أشعلت ليله ..
وأنا ما أكتب لغيره ولا أي شخص يغريني ..


كتبت أحلى كلام الحب في عينه ولا فكرت ..
يجي اليوم اللي أستخسر قصيدي في محبيني ..


على مبدأ ( الخصوصيه ) يحاول يبعد شكوكي ..
وعلى مبدأ ( الصراحه ) كنت وكانت لعبته فيني ..


خذلني للأسف والله وهدم كل ما بنى في لحظه ..
وطلع هالحب مايسوى مواطي تراب رجليني ..


أنا كنت أحسبه أعظم علاقاتي ولا ظنيت ..
إن أعظم علاقاتي بخيانة حب تنهيني ..


ويمي صاحبي دايم يذكرني بوهم حبي ..
وأقول: إرتاح ياعمي ترى الله عنك مغنيني ..


خسرت أصحاب من حولي خسرت الكل باسبابه ..
ألا حسبي عليه الله كثر ما هو معنيني ..


أفااااااااا ياقلبي الطيب ’’ أفا وشلون ترضاها ..
وأنا من صدمة ٍ بالحب إلى صدمة ٍ توديني ..


بدون عناد إسمعني ولا تفتح لي الموضوع ..
حشا لو تفتحه ثاني لاشيلك من شراييني ..


خلاص الحين إنساهم وأنا ما عاد فيني حيل ..
لهم رب ٍ يجازيهم ,, ولي رب ٍ يجازيني..


اتمني تنال اعجباكم

تقبلوو تحياتي



*منقول

[شمـــاليه]

صح لسان شاعرها

ويعطيك العافيه على النقل

تقبلي مروري

[بنت ملوك]

مآعآد يرضينيّ وفآء ولا يزعلنيّ " جفأ " ..
متسآويٍ في خآطري ظلمْ العربْ وإنصآفهآ ..

ولآ تآقفْ الدنيآ علَى شمع الغرآمْ اللي طفَى ..؟
بعضّ الشمُوع أنآ ( أتعمّد ) كسرهآ وإتلافهآ ..!



شـكــ وبارك الله فيك ـــرا لك ... لك مني أجمل تحية .


الف الف الف شكر لك
لك ودي ووردي وعطري

تقبل تحيااتي

[تربوي]

صح لسان الشاعر والناقل ..
والله يعطيكـ العافية ...

[بنت ملوك]

مآعآد يرضينيّ وفآء ولا يزعلنيّ " جفأ " ..
متسآويٍ في خآطري ظلمْ العربْ وإنصآفهآ ..

ولآ تآقفْ الدنيآ علَى شمع الغرآمْ اللي طفَى ..؟
بعضّ الشمُوع أنآ ( أتعمّد ) كسرهآ وإتلافهآ ..!



شـكــ وبارك الله فيك ـــرا لك ... لك مني أجمل تحية .


الف الف الف شكر لك
لك ودي ووردي وعطري

تقبل تحيااتي

[فزاع]

إذا أنت لم تعشق ولم تدري ما الهوى * فكن حجرا من يابس الصخر جلمدا


سلمكي الله أختي ( بنت ملوك )

أشكرك ولا غرابة فأنتي صاحبة ذائقة شعرية عالية

بارك الله فيك
فــــــــــــــزاع