almorbaty
23 Aug 2003, 02:37 AM
ديارك ياساره احلى ديار=واحلى ورود واحلى ثمار
ربطني قدري .. وابيه باصرار=احلى قدر مامنّه فرار
نجوم الليل .. وشمس النهار=ماتجي يمّك يانور اقمار
ساره ياعمري وروحي وقلبي =وصديقة طفولتي .. وجارة الدار
سلامي عليها وين ماتروح =حفظها ربي من الاشرار
وينك ياساره .. ياوجه احلامي= يانورٍ شفته في ظل الدار
ياذكرى تركتها في ذيك النواحي= بتبقى آثارها.. جنه.. ونار
جنه اعيشها مع التذكار= ونار هواها يلسع شرار
تعيش ابخيالي .. وابكل الليالي= ورسمت احلامي وحلمي طار
بقت ساره من خلف الوقت = ورحت انا خلف اديار .. واديار
بقت ذكراها تعوم في فكري = مثل الخيال اللي بعده ما صار
هل تذكرين ياساره .. "الجار" = اللي عشق .. اتراب .. واحجار
كانت رجلك تمشي عليه = احلى تراب واعطوره ..اغبار
قطعتيني وتركتيني= يوم قالوا الناس عني اخبار
سالتيني وقلت الحقيقه = عزمتي هجري .. وانا المحتار
ياحلم الطفوله وحلم البراءه = شرالعواذل.. دق مسمار
في جنبي وفي اقليبي = الله يجازي كل غدار
ومهما اعتذر ومهما قال = الله يجازي كل غدار
حبي يا ساره ازهار وانهار = واطيور مغرده على الاشجار
ونشيد القوافي مع الاشعار = اقريها يا ساره مع التذكار
تلقين اني وفيّ.. محتار = مخلص لكن بدون اعذار
ابوكِ ياساره احبه حيل = احبه رجل وابكل اعتبار
واعمامك ياساره اغلى رجال = فيهم نخوه تغطي اديار
جميلهم في عيني حفظته اسنين = في ظل ظلالهم عشت اعمار
حفظهم ربي من كل سو = ومن كل ناكر وكل غدار
واحب اخوانك واحب خوالك = هم شمعه لين طفت لانوار
واعيال عمك في عز الشدايد = اشجع ناس وحماة الدار
احب مجلسكم دوم مفتوح = بعز الليل .. وابعز النهار
ويقصدونه كل الناس = اكبارٍ كانوا.. والا اصغار
والسيف المذهب رمز الرجوله = في صدر المجلس صوب لجدار
احب الحي القديم وبيتكم = واحب البرد فيه والهوجار
واحب الصيف .. واحب القيظ = واحب السدره .. تحتها كنار
واحب النخله ذيك الطيبه = رطبها اصفر وسعفها خَضار
واحب السور المبني طين = واحب المرقاب .. ليل ونهار
ليه ياساره ليه نسيتيني = ليه تجعليني غريب الدار
لاتظنين ياساره با انسى= مهما الزمان راح عني ..استدار
مهما غيري عني اغناكِ = مهما نسيتي ياساره ..الجار
:-:
ربطني قدري .. وابيه باصرار=احلى قدر مامنّه فرار
نجوم الليل .. وشمس النهار=ماتجي يمّك يانور اقمار
ساره ياعمري وروحي وقلبي =وصديقة طفولتي .. وجارة الدار
سلامي عليها وين ماتروح =حفظها ربي من الاشرار
وينك ياساره .. ياوجه احلامي= يانورٍ شفته في ظل الدار
ياذكرى تركتها في ذيك النواحي= بتبقى آثارها.. جنه.. ونار
جنه اعيشها مع التذكار= ونار هواها يلسع شرار
تعيش ابخيالي .. وابكل الليالي= ورسمت احلامي وحلمي طار
بقت ساره من خلف الوقت = ورحت انا خلف اديار .. واديار
بقت ذكراها تعوم في فكري = مثل الخيال اللي بعده ما صار
هل تذكرين ياساره .. "الجار" = اللي عشق .. اتراب .. واحجار
كانت رجلك تمشي عليه = احلى تراب واعطوره ..اغبار
قطعتيني وتركتيني= يوم قالوا الناس عني اخبار
سالتيني وقلت الحقيقه = عزمتي هجري .. وانا المحتار
ياحلم الطفوله وحلم البراءه = شرالعواذل.. دق مسمار
في جنبي وفي اقليبي = الله يجازي كل غدار
ومهما اعتذر ومهما قال = الله يجازي كل غدار
حبي يا ساره ازهار وانهار = واطيور مغرده على الاشجار
ونشيد القوافي مع الاشعار = اقريها يا ساره مع التذكار
تلقين اني وفيّ.. محتار = مخلص لكن بدون اعذار
ابوكِ ياساره احبه حيل = احبه رجل وابكل اعتبار
واعمامك ياساره اغلى رجال = فيهم نخوه تغطي اديار
جميلهم في عيني حفظته اسنين = في ظل ظلالهم عشت اعمار
حفظهم ربي من كل سو = ومن كل ناكر وكل غدار
واحب اخوانك واحب خوالك = هم شمعه لين طفت لانوار
واعيال عمك في عز الشدايد = اشجع ناس وحماة الدار
احب مجلسكم دوم مفتوح = بعز الليل .. وابعز النهار
ويقصدونه كل الناس = اكبارٍ كانوا.. والا اصغار
والسيف المذهب رمز الرجوله = في صدر المجلس صوب لجدار
احب الحي القديم وبيتكم = واحب البرد فيه والهوجار
واحب الصيف .. واحب القيظ = واحب السدره .. تحتها كنار
واحب النخله ذيك الطيبه = رطبها اصفر وسعفها خَضار
واحب السور المبني طين = واحب المرقاب .. ليل ونهار
ليه ياساره ليه نسيتيني = ليه تجعليني غريب الدار
لاتظنين ياساره با انسى= مهما الزمان راح عني ..استدار
مهما غيري عني اغناكِ = مهما نسيتي ياساره ..الجار
:-: