المساعد الشخصي الرقمي

مشاهدة النسخة كاملة : ديــــار الشمــــال



وصايف الكويت
08 Sep 2009, 02:22 AM
كان الشاعر يحب فتاة في دياره بالشمال ، وماقسم الله بينهم نصيب وتزوجت البنت من واحد ثاني وسافرت وكان الشاعر يحبها حب خيالي
وبعد ثمان سنوات كان الشاعر يعمل مدرسا وجاءه نقل اجباري لمنطقه بعيدة الظاهر في الجنوب ويوم داوم اول يوم في المدرسه وكانت ابتدائي شاف بين الاطفال طفل غريب يحس بشي يجذبه له ، ويوم ابتسم الطفل ناداه المدرس وقال له من انت ولده ؟ قال له انا ولد فلان ، قال له :انت امك فلانه ؟ قال الطفل :ايه
سكت المدرس وكتب القصيدة ، ومن باكر عطاها الطفل وقاله عطها امك




غابـت ثمـان سنيـن حــل وتـرحـال
غـابــت ثـمــان كـلـهـا مدلـهـمـه
غـابــت سـنـيـن وشـهــور ولـيــال
مافـيـه قـطـر غـيـر وجــه يـمــه
وعقب الثمان الي تعبها برى الحال
جـاب الزمـان الكارثـة والمطمـه
جانـي ولدهـا مبتسـم بيـن الاطفـال
ومن بسمته ذكرت أنا بسمة أمه
ركضت له ودمعي علي الخد همـال
من كثرشوقي قمت بلحيل أظمـه
ساعة حظنته والطفل في يدي مـال
شميت ريحتها على أطراف كمه
واليوم بنت الناس فـي بيـت رجـال
حب على غير الشرف لي مذمـه
مجبور أعوّد واشتكي لكـل الأجيـال
بنفـس حزينـه تايـهـه مستهـمـه
برجـع غـريـب سكـنـه بــر ورمــال
يحيـا يمـوت ويندفـن مـا يهـمـه



,,وصايف الكويت,,

ابو مشعل
08 Sep 2009, 02:25 AM
قصة جميلة

كل الشكر اختي وصايف الكويت

روز
08 Sep 2009, 02:27 AM
طرح رااااااائع جدآآ
مشكوره اختي وصاايف . . نقبلي مروري .

شمرية رفحاء
08 Sep 2009, 03:26 AM
مشكوره أختي وصايف الكويت

سلمت يمينك.....ماقصرتي.

الملك الضليل
08 Sep 2009, 08:08 AM
عافاك الله اختي وصايف على هالقصه المحزنه والقصيده ..


ولــــــكــــــــــن


سكت المدرس وكتب القصيدة ، ومن باكر عطاها الطفل وقاله عطها امك



بصراحه ماقدرت اهضم هالكلمات هذي فكيف مدرس ومربي اجيال يقول لطالب عط القصيده لامك وين عايش ..!!!


بعديـــــــــن


واليوم بنت الناس فـي بيـت رجـال
حب على غير الشرف لي مذمـه

يعني حب الشرف انه يراسل مره متزوجه وببيت رجله ؟؟




سامحيني على هذه الملاحظات ولكنها ابت هذه الكلمات الا ان تسطر هذه الاحرف ..

تربوي
08 Sep 2009, 06:07 PM
يعطيكـ العافية ...

الدب الداشر
08 Sep 2009, 06:15 PM
جانـي ولدهـا مبتسـم بيـن الاطفـال
ومن بسمته ذكرت أنا بسمة أمه
ركضت له ودمعي علي الخد همـال
من كثرشوقي قمت بلحيل أظمـه
ساعة حظنته والطفل في يدي مـال
شميت ريحتها على أطراف كمه


.

القصيدة محرفة .. القصيدة عندنا حنا نعرف أنها لمنصور الرمالي ..

لكن وجهت ناس كثير يقولون لواحد حارثي :) ..

وقصة أنهم حطوه مدرس.. هذي عشان الدراما تطلع أحسن ..

.

مشكورة وصايف الكويت ..

شمـــاليه
08 Sep 2009, 08:46 PM
قصه سمعتها كثيرا وبغض النظر عن السينياريو
القصيده جزله وجميله وذائقتك رائعه جدا
واشكرك على نقلها ولاهنتي