مشكلة الإنترنت في رفحاء..متى الحل؟؟

[مـهاجر]

السلام عليكم ورحمة الله وبركاته...
الانترنت برفحاء له اكثر من عشرة ايام وهو عطلان أو ضعيف في الإتصال
وماخلينا احد إلا اتصلنا عليه لمعرفه سبب المشكلة؟؟ ...وللأسف دون فائده!!
والانباء تضاربت عن سبب المشكلة او وقت اصلاحها ..
فياليت الاخوان اللي عندهم معلومه عن وقت اصلاح العطل أو اي خبر عن المشكلة
لايبخل علينا بشيء لأننا بصراحة ماقدرنا نأخذ من شركة الانفصالات لاحق ولاباطل
كل يوم بكرى واللي بعده والحسابه بتحسب

[طالب متوسطة]

انا ماني من اهل رفحاء بس
دخلت اواسيكم
انشاء الله يرجع قريب

[فرحاء]

حلوووه شركه الانفصالات
ههههههههههههههههه

[شمـــاليه]

اللي على اشتراك شامل هم من تضررو اكثر شي
بس اللي على اشتراك شهري او اكثر يعني كرت شحن الاتصال احسن
الله يعين صراحه بس الله يسهل

[عقارب]

شركة الانفصالات ما يدرون منين هي هابة

الحين لو تدق عليهم تبي تستفسر عن فاتورة جوالك يقول لك ما ندري

او عن طريق خدمة الرسايل ما تجيك رسالة بالفاتورة

لانهم توهم منزلين برنامج قيمتة مليار وميتين مليون والموظفين برحة ما يدرون منين هي هابة بهم


عشان كذا ما يدرون وش السالفة

وفية اشاعات انهم رح يضمون كل الخدمات الي 902 يعني يبون يلغون 905 و 907


عشان العميل لا يقدر ياخذ منهم حق ولا باطل

والمشلكة الي برفحاء تحديث على مكينتين بحي القادسية

وهي تشمل الي عندة شامل والي على بطاقة بحي القادسية بعد

هذا الي عندي وان شا اللة اني قدت افيدك

الكلام الي قلتة كلة نقل من موظف شركة الاتصالات

[روز]

الحمد لله المشكله عندنا انحلت بس الظاااااهر عندكم للحين ..
الله يعينكم ..

[دمعة آسااااء]

مشكلة ضعف الاتصال موجوده في كذا منطقه بس راح تنحل قريبآ

الله يعينكــــــــــــــــــــــــــــــم

[المحقق كونان]

بسم الله الرحمن الرحيم
اخوي مهاجر نفس المشكله كانت عندي في الرياض وانحلت
بس عندكم لازم تكلم 907 وتاخذ الاعدادات مره ثانيه وراح يزبط
معك جرررررررررررررررررب 0

[ram6]

الله يعينك لكن اصبر كلها شهرين اوتزيدشوي حسب كلامهم ويجيلك goمن اتحادعذيب وترتاح بلااسلاك بلا اتصالات بلاهم وين مارحت تشبكه بالكهربا وتشتغل والله لوانك (بالزبنيه)الله يذكرها بالخير؟؟؟؟وانامشترك ومريح راسي من الاسلاك وتكفون يااتصلات كنك تشحذهم

[الأحمد فاملي...]

هههههههههه حلوه شركة الانفصالات لاكن ما نقول الا لا حول ولا قوة الا بالله
وحسبي الله ونعم الوكيل على مثل هالشركه لاكن عندي نصيحه خلونا على كونكت وبروندباند من موبايلي........ للتواااصل dana_j2010@hotmail.com

[حہٍـٍٍـلٍـٍہمْ]

يعطيك العافيه ع الموضوع

بصراحه انا من ضمن اللي تضررو

ورديت على موضوع سابق بنفس المشكله

ولكن لفت انتباهي رد الاخت شماليه

انها تقول اللي اتصالهم شامل هم اللي تضررو

انا شامل يعني تعتقدون لو اجيب كرت تنتهي المشكله عندي

لأني ماني قادر اتصفح الا بالدف الاتصال يجي دقيقه يتصفح بس ثقيل

ومرات مايتصفح خير شر مع ان السرعه وااحد قيقا

صارت واحد بطيخ الحين

المهم ياليت تفيدوني

دمتمـ بحفظ الرحمن

[شامي الدهيمان]

حسب كلام جاري حفظ الله الموظف بشركة الانفصالات أحد شركاتنا المحترمة
بإن المشكلة تحت الحل والمشكلة من الرياض والمتضررين اكثر من موقع بالشمال .........
ولا تخافون انا ما شوف الانترنت الا بالعمل أوعن طريق الكنكت مع انهم نصبو علي مبايلي يعني كلهم نصابين

[تربوي]

الله يعين ..
وإلى الآن نعيش ضعف في الشبكة ..