المساعد الشخصي الرقمي

مشاهدة النسخة كاملة : نداء عاجل



أبو هيا
29 Aug 2003, 06:55 PM
تكفون الفزعه..
وش اسهل طريقه لعمل الكبسه..
اذبحتنا المطاعم

رفحاوي
29 Aug 2003, 07:12 PM
هلا بحمود ...

كانك قريب تعش عندي ...

وكانك بعيد خذ هالموقع

http://a****web.com/index.php?doWhat=show****&****id=599

أبو هيا
30 Aug 2003, 01:19 AM
الاخ العزيز/رفحاوي...كثر الله خيرك وهي عادة ابوك وجدك..
يارفحاوي ماني حول رفحا والا كان تشرفت انا بالعشا عندك..

رفحاوي يعطيك العافيه وتراني شلتها من ر اسي سواة الكبسه... لان الوصفه هذي صعبه شوي..يقول اضف ماء ولاادري كم مقداره وبعدين يقول حط اللحم بقدر والرز بقدر ثاني...

على العموم ماقصرت ..والظاهر انك ماانت بعيد عن خبرتي بالطبخ.

الدب الداشر
30 Aug 2003, 02:58 AM
هلالالالالالالالالالالالالالالالالالالالا

حجي حمووووووووود


الله يعينك ان شاااء الله

وبعدين ترا الخبز تاجبن حلوااااات حيل

"ابشر بس تصحي العجوووز أجيب لك الشرررررح "

أبو هيا
30 Aug 2003, 03:32 AM
يادب انا بانتظار الشرح وياليت يكون تفصيلي...
يعني لاتطلع لنا ؟؟؟؟؟؟؟؟ الله يستر عليها وتقول على نار هادئه.

حنين الماضي
01 Sep 2003, 05:00 AM
هلا حمود هذي تبي له قعده مار أجيبه لك وأنا اخت نواف
باياااات الحين واجيبه لك باسر:D

أبو هيا
01 Sep 2003, 06:07 AM
قول وفعل ياأخت نواف....
كفو والله انك ترفعين الراس.......

الدب الداشر/
انت نصاب كبير ........انا ذبحني الاندومي وانت تحرا امك تقعد....خلاص جا سيل غطى على سيلك.

المهندس
03 Sep 2003, 12:24 AM
اهلا اخي حمود

انتظرت الخبراء يجيبونك وبما انهم تأخروا فاسمحوا لي ان افيده بما لدي من معلومات اكتسبناها من العزوبية ورحلات البر

واعذرني يالشيف دبدوب على التدخل واللقافه:D

في مثل حالات العزوبيه فننصحك باستخدام وعاء الضغط(القدر الكاتم) لانجاز الطبخه بسرعه

وسواء استخدمت قدر كاتم او قدر عادي فالطريقة متقاربه

-احضر القدر وضع فيه القليل من الزيت ولنقل بقدر ملعقة الاكل تقريبا وهذا يعتمد على كمية الطبخة
وضعه على النار وضع فيه بصله او نصف بصله مقطعه-بحسب الرغبه-
وحركه
اذا تحمر البصل اضف طماطه او نصف طماطه بحسب الرغبه وحركه
ثم اضف الدجاج وحركه قليلا

اضف الماء حتي يغمر مستوى الدجاج ويعلوه قليلا

بعد ان يطبخ قليلا اضف البهارات
ثم اضف الملح (والافضل تأخير الملح قليلا)

اتركه يطبخ في حدود نصف ساعه او ساعة الا ربع تقريبا

وبعد تكون قد جهزت الكمية اللازمه من الرز ضعه اضفها الى الطبخه

واتركه قليلا حتى ينشف الرز

وكله هنيئا مريئا

لاشك انك ستقع في اخطاء في كثرة الماء او قلته او الرز او الملح -وهذي حلاتها- ولكن بعد طبختين او ثلاث ستتقنها

اللحم نفس الشيء تقريبا لكنه يحتاج وقت اطول بالطبخ

بالقدر الكاتم تكتمل طبخة الدجاج من ربع الى ثلث ساعه تقريبا

واللحم في حدود 35 دقيقه

اذا فيه اي استفسار انا حاضر
-

أبو هيا
03 Sep 2003, 08:51 AM
يابعد والله حنين والدب االداشر اللي ذبحني الجوع وانا اتحراهم ..
يارجال المهندس اللي ماهو مثلك لايسمي روحه مهندس...

اشكر مرسولك ياشيخ..

الدب الداشر
03 Sep 2003, 09:33 AM
حجي حمووود


اذا خلصت الطبخ الله لايهينك اقرب مطعم

لأني متأكد أنك تبي تحرقه

وبعدين تجي وانا اعلممك الكبسسسسه ;)

هذا وعد :D

مااقصصصصر الحجي مهنننننندس

حنين الماضي
05 Sep 2003, 03:42 AM
لا هية هالأيام وماقدرت أكتب لك مار ماعلى طريقة المهندس زود غير أني أقول كل ماكثرت البصل والطماط كل ماصارت أطعم

أبو هيا
05 Sep 2003, 07:39 AM
ايه هين لاهيه!!!!!!!!!!!!!!!!!!
والله اني داري بنات هاليومين مايعرفن الا البيض..

الدب الداشر
05 Sep 2003, 07:01 PM
هههههههههههههههههههههههههههههههههههههههههههههههههه ههههههههههه

حجي حموووووود احمد ربك اذا لقيت لك اللي تسووي لك بيض يانعمة الله وينهي الحين اتزوووجهاا والمهر طبق بيض

خالد2000
18 Sep 2003, 05:56 AM
اخي hmoud18

مايلحقك جوع

وانا ابو الفين:D

عندي لك طريقه

مافيه اسهل منها

تاكل اصابعك:p

من حلاها

لي رجعه

ياالذيب الجائع;)

رفحاوي
18 Sep 2003, 09:22 AM
حمود ...

من صبر قدر ...
جاك الفرج ...
لا وتبي تاكل اصابعك من زين الطبخ ...
بس اصبر ليما يرجع خالد 2000 ...

خالد2000
19 Sep 2003, 12:34 AM
جااااكم ابوالفييييين:)

استلم ياحمود

اولا قطع البصل والطماطم (الله لايقطعنا من رحمته)

عاد التقطيع خذ راحتك وعبر عن شعورك:^ بانواع التقطيع

والمقاطع الطوليه والعرضيه بس انتبه لاصابع رجليك

قصدي ايديك:D

ثانياحط القدر على النار(الله يجيرك من النار)

ثم حط ( الله يحط عنك الذنوب والخطايا ومن يقرا)

صارت خطبه

مقدار ملعقه ( يفضل ان تكون ملعقةمن ملاعق الشوربه

اللي في رمضان)

الا على طاري رمضان الله يلحقناعلى خير انا انصحكم

انكم تشرون الاغراض من هالحين لان التجار حالفين انهم

يطلعون خسايرهم هاالسنه من مخابينا الله لايخسر:mad:

الظاهر اني اخذت الدوار

نرجع للطبخه:cool:

ملعقه من زيت العافيه او العربي او مازولا او

ارخص واحد اهم شئ يكون زيت طبخ في القدر وتخليه لين

يغلي جيدا جدا:D ثم ضع البصل ودعه ودعه ودعه حتى يحمر

احمرارا شديدا

وفي هذه الفتره فسر عن ذرعانك ولقط اللحم وغسله

وصوبنه ونقعه :ngقبل لايحترق البصل طبعا هذا يعتمد على

سرعة البديهه

نرجع لبصيلاتنا اذا تحمرن

عطنا خبر لنكمل الخطبه قصدي الطبخهI-

لي رجعه

أبو هيا
19 Sep 2003, 01:20 AM
ههههههههههههههههههههههههههههههههههههه
الله يرجك ذبحتني .


كمل الطبخه بسررررررررررررعه ترى البصل دخن .

خالد2000 :انت رهيييييييييييييييييييييييييييييييييييييب.

خالد2000
19 Sep 2003, 03:07 AM
هالحين الله يخليك لعين ترجيك

خذ هاللحيمات اللي غسلتهن وحطهن على البصيلات

وضع قليلا من البهارات ثمن اقلب القدر:ng قصدي اللحم

وخذلك كم تفحيطه بالقدر:-/ لين تدوخ وبعد كذا خذ الطماطم اللي انت ماعطيته وجه وخله يلعب معهم
واتركهم برهة من الزمن يعني تقريبا اربع ساعات عشر ساعات -:-/------ عشر دقائق يترافسون ويتهاوشون داخل القدر ولاتاخذك الشفايه تبي تشوف وش يصير داخل كاني اشوفك كل ثانيه ونت فاتح القدر:p
بعد كذا اسكب ماء دافئ الله ذكرني الماء الدافئ في ايام الشتاء القارص اذا دخل الواحد الحمام الله يعزكم
ماوده يطلع:^ لين يخلص الماء اللي فالسخان واللي بعدك يرسل لك من انواع الشتائم والدعاوي :mad:
الظاهر ان هالطبخه ماراح تخلص نرجع للماء الدافئ اسكب >>>> جازت له الكلمه:ng
الماء حتى يغطي اللحم تغطيه شامله كتغطية شبكة الجوال لمدن وقرى المملكه:confused::\

واترك الطبخه حوالي الساعه

وفي هذه الفتره تكون قد انجزت 50 % من الطبخه الله

لايخسر وتقدر في هذه الفتره تاخذ لك قيلوله وتمغط لك شوي كانك مخلص اختبار الفيزياء الفتره الاولى وبعدها اختبار الفقه>>>>>>>>>
واذا خلصت الساعه اقعدني نكمل الطبخه :^

أبو هيا
19 Sep 2003, 04:16 AM
يابو الفييييييييييييييييين اقعد الساعه خلصت.

رفحاوي
19 Sep 2003, 09:31 AM
حمود ...

عطه فرصة يرتاح عقب هالشرح المفصل ...
تبي الصراحة حتى لو ما وراه سالفة (من ناحية الطبخ) يكفي اننا نقرا هالدرر اللي تطلع منه ...
لو على كيفي ودي ما تخلص هالطبخة ...
اذا خلص شرح قل له وشلون اطبخ ذبيحة ؟؟
خله يدهر الله يعطيه العافية ...

خالد2000
19 Sep 2003, 08:12 PM
اخي رفحاوي

تبي الصراحة حتى لو ما وراه سالفة (من ناحية الطبخ)

احلى يارئيس الطباخين;)

شكلك حريف طبخ الظاهر انك من اللي نسمع فيهم واحد سالوه شلون تعرف ان الطبخه مملوحه يعني ملحها موزون تمام قال من ريحتها:D

الظاهر انك يارفحاوي تبي ترثع بي لحيمات وجلست عليهن ثلاث ليال ولاخلصن عاد الذبيحه يبي لها ثلاث قرون:^:ng قصدي شهور

شكرا لمرورك العطر

ولكلماتك الجميله

أبو هيا
19 Sep 2003, 09:17 PM
:^ماشاء الله عليكم .. انا انتظر الطبخه وانتم من اليوم مزارق طيب..
اقول الله يخلي لنا هالافغانيه اللي يضبطون الرز البخاري..

خالد2000 :انت مشاركني بالموضوع يومك تقول لرفحاوي شكرا على مرورك العطر...I-

رفحاوي
19 Sep 2003, 10:02 PM
حمود ...

اضحك الله سنك وملا بطنك بما لذ من الكبسات والحلويات ...
يوم قريت كلام خالد 2000 توقعت ردك اللي كتبت لاني صرت اعرف اسلوبك ...
خل ابو وليد يدهر ما متهيي لك اشوى منه انتبه لا يزعل ...

الأسلمي
20 Sep 2003, 12:03 AM
الرجل مات جوع اخلص يا خالد الله يرحم والديك

اخوي حمود شكلها كذا تصلح للاكل كان طول كلها واترك عنك الرز

خالد2000
20 Sep 2003, 01:20 AM
ابشروا بالخير وشبلاكم عجلين:o

اخي حمود خذ لك افغانيه وفتك من هالدوخه:^:ng>>طاحت الميانه

الله يرجك >>>
فيه مثل بدوي يقول
كل مشروك مبروك
ونت كريم وحنا نستاهل
ونا بعد توقعت المرد
اخي رفحاوي

كل شي يهون الا الزعل وش جاب طاريه:mad:
نبيه يارفحاوي اذا خلصت الطبخه يعزمنا عليها ماتضيع ادهارتي وانا ابو الفين

وين وصلنا ياحمود الله يخارجنا

تمام خلصت الساعه هالحين ضع قليلا من الملح وتذوق يعني ارشف وشف اذا الملح زين والا اسكب والا خلصنا منها هذي ضع زيادة ملح عاد الملح يعتمد على ملوحة الشخص:)

بعد كذا ضع >>>اليوم ماسكه على هالكلمه<<< كمية من الرز وهنا يبدا الابداع والخبره والمغامره مع الرز ( والا على قولت الاسلمي وشتبي بالرز )
كمية الرز تعتمد على الاشخاص اللي معك ومن واقع خبرتك الفرديه والملحوظيه والذاكريه اذا انهم بلاوي يعني هوام يعني اذا طالعت مضارب يديهم بالصحن تذكرت القواذف الصاروخيه على مدينة ابو عدي فالله يعينك على بلواك يبيلك كيس كامل ولايكفي
فاذا رجعنا للقصه السابقه نستنتج مايلي>>> الظاهر يبيله مشعاب I- I-
من واقع خبرتي الطبخيه كاس رز يكفي شخصين
خذ الرز ونقعه في ماء لمدة 10 دقائق
وبعدين ضع الرز مع اللحم وكتم القدر واذا عندك قصدير ضعه بين القدر والغطا تراه يكتم البخار مايتنسم ولا تنسى النار في البدايه تكون عاليه لمدة عشر طعش دقيقه وبعدها خفض درجة الحراره ودعه ودعه ودعه لمدة عشر طعش دقيقه وبعديييييييييييييييييييييييييييييييييين
بالهناااااااااااااااااااااااااااااااااااااااااء والعااااااااااااااااااااااااااااااااااااااااااافيه

ولاتنسى السلطه خيار وطماط وكوسا وبطاطس وباميا >>> تخدر

السوالف والعلوم واجد ولانبي نكثر عليكم على شان ماتبرد الطبخه

واااااسف على التاخير والعذر والسموحه

أبو هيا
20 Sep 2003, 04:06 AM
خالدابو الفييييين....

اخييييييييييييرا....مابغت تخلص هالطبخه........
ماقصرت وجزاك الله خير...

الاسلمي :cool:شكرا ......رفحاوي:cool:شكرا.