ابيات في قمة الروعة

[فزاع]

سر ياقلم مالي علـى الصبـر طاقـه

صبري تعدى الحـد ماعـاد ينطـاق

أكتـب لمثلـي قصتـه واشتيـاقـه

في خطك الواضح على بيض الأوراق

قصة حزيـن.. صافـي الحـر ذاقـه

انا بذكره ماصلـه خاطـري ضـاق ‏

باقو بـه الأصحـاب والوقـت باقـه

وصار الضحيه بيـن بايـر وبـواق‏

يمشي وهو ماحس في كسـر ساقـه

امسى على ساقين واصبح على سـاق

هذي سواة الوقـت شيـن اصطفاقـه

الوقت لـو يصفـى لـك ايـام دراق

لاشـك يامـن معـك عقـل ولباقـه

ابانصحك كان انك للأمثـال تشتـاق

صـادق رجـال يعرفـون الصداقـه

يقفون صفك يـوم يبسـات الأريـاق

ومن يرغب فراقـك فعجـل فراقـه

جاز الـذي يجزيـك أفـراق بفـراق

يقولـه اللـي جايـر الوقـت عاقـه

ولازال فـي غيبوبـة الهـم مافـاق

حظه على اقشر شي للنفـس ساقـه
‏
بقبور الاحياء ينتظر يـوم الأطـلاق‏ ..







الشاعر/بندر بن سرور العتيبي.

[عقارب]

صح لسان الشاعر ولسانك اخوى فزاع

[فزاع]

شكر على المرور عقارب

[تربوي]

صح لسانكــ , ولسان الشاعر ..
تسلم على النقل المميز ...

[شمـــاليه]

يقولـه اللـي جايـر الوقـت عاقـه /// ولازال فـي غيبوبـة الهـم مافـاق


ابدعت بالنقل بارك الله فيك والشاعر علم من اعلام الشعر الشعبي
ومدرسه له اثره .. لاهنت

[همّام]

رائع أخي فزاع

لك اختيارتك المميزة التي لا يشبهك فيها أحد

شكرا لك

[القنديل]

فزاع بارك الله فيك وشكراً لانتقائك الأطايب

[فزاع]

الف الف الف الف الف الف الف شكر على المرور


الرائع والجميل