لا يا حمد لاتنتظر طلعت سهيل

[فزاع]

لا يا حمد لا تنتظر طلعت سهيل
اترك كلام الناس واسمع كلامي
في وسط قلبي طعنتن هدة الحيل
وانا عزيز ولا تردى مقامي
مثلت داري بالشعر خير تمثيل
وتكريمهم لي طردتي من دوامي
شاركت من ضمن الرجال المشاكيل
وفرضت قدام الشعوب احترامي
لكن من يفرق لك العدل والميل
بالزاد لا تشره علي يا صيامي
من اول سنيني وانا احط واشيل
واليوم مابه من يشد اهتمامي
ياذيب لو جاوبتني تالي الليل
العذر مابلل حلوق الضوامي
الراس مايرجع عقب عزته ذيل
لو عزز التاريخ بعض الاسامي
يا شعر بعطيك الاصايل من الخيل
وابيك تلحق غايتي مع مرامي
بزيد كيل السالفه وادبل الكيل
متوكل بالله وبكرب حزامي
من كيف شعري لو اهز الفناجيل
حطيت لي بصمة شرف في بهامي
بعض الشعر يرعب هديره كما السيل
لا من درج سيله يطم لعدامي
وبعض الشعر نابع من الهم و الويل
وبعض الشعر كنه مسلسل درامي
وانا ليا مني بدعت التماثيل
علقت في صدر المراجل وسامي
اعيش في جيلي واسابق مية جيل
وارجع على ماضي جدودي واحامي
انا حفيد الطيبين الحلاحيل
هل السيوف اللي تقص العظامي
واكبر كرامه مكسبي للرجاجيل
ومصافح محمد شبيه القطامي
لا يا حمد لا عاد تنشد عن سهيل
وارسل لراعين المواقف سلامي



عبد الكريم الجباري

[همّام]

شكرا لك أخي فزاع على النقل
فانت صاحب ذائقه رائعه في الشعر
و
صح لسان الجباري

[عقارب]

صح لسان الشاعر ولسانك اخى فزاع



على الابيات الجميله

[شمـــاليه]

بعض الشعر يرعب هديره كما السيل
لا من درج سيله يطم لعدامي
وبعض الشعر نابع من الهم و الويل
وبعض الشعر كنه مسلسل درامي


صح لسانه حقيقه ابدع ولاهنت على النقل المتميز
بارك الله فيك

[فزاع]

صح بدنك اخوي همام و عقارب واختي شمالية

ويسلمووووووووووووووووووووووووووووو على مروركم الرائع والجميل
انارت صفحتي نورا بوجودك

[kermalk]

الراس مايرجع عقب عزته ذيل
لو عزز التاريخ بعض الاسامي
صح لسانه وياملا العافيه فزاع

[عز الخوي]

صح لسان الشاعر وسلمت يمينك على النقل

[فزاع]

مشكورين على مروركم الرائع