المساعد الشخصي الرقمي

مشاهدة النسخة كاملة : مرثية مبكية في الفقيد فارس



العاصي
09 Jul 2002, 08:41 PM
ياناس بالله لاتجبون طاريه
اناكرهت اللي لي العلم جابه

ياناس من قاله وانابس اراعيه
كنه طعني في شطير الحرابه

ياناس ياشين الخبرمن شافيه
ابشع خبربالكون خالدلفابه

ياناس عبرات الزمن في بلاويه
من صكته سود الليالي بكابه

ياللي تعزي خافقي لاتعزيه
ماكل لوعات الليالي تشابه

بعض الهموم إن جت على القلب تعميه
تجعل صناديق الضماير خرابه
ياناس عزوا من قضى الليالي يبكيه
اومن الفرقاتشقق ثيابه
وعزوا اهله في فاجعتهم وواليه
وعزوا شمال المملكه في مصابه
وعزوا الشهادة والوظيفه وكرسيه
والمدرسه والبيت وارض وطابه
وعزوا نجوم ليل موته تراعيه
ومن القهر هلة ادموعه وغابه
وعزواوعزوا كل شخص سمع فيه
وحتى القمر والشمس عزوا جنابه
مرحوم ياللي سلم الروح باريه
اللي توفا مااهتنا في شبابه
عسى الولي من لهب النار ينجيه
منا الدعا والله عليه الاجابه
الله يجبر بالعزاقلب مغليه
ويعزي اللي ما عزا في غيابه
عهد علي لازور قبره واناجيه
وابكي على قبره وابلبل ترابه
وعهد علي لقضي حياتي وانا ارثيه
وان مت ابكتب بالوصيه رثابه
ياناس بالله لاتجيبون طاريه
تكفون جرح القلب ينزف صوابه
تكفون يكفي لاتجيبون طاريه
لاتذكرون القلب يكفي عذابه
ملاحظه:هناك مخالفة شرعيه ولعل الشاعر لم يقصد ذلك ولكن من شدت الحزن والولع على زميله وهي:عهد علي لازور قبره وناجيه
:( :( :(:(

المرجوجه
09 Jul 2002, 09:36 PM
الله يرحمه ويغفر له


يعطيك العافيه اخوي العاصي...

فواز
09 Jul 2002, 10:47 PM
ياناس بالله لاتجبون طاريه ** اناكرهت اللي لي العلم جابه

عسى الولي من لهب النار ينجيه **منا الدعا والله عليه الاجابه
الله يجبر بالعزاقلب مغليه ** ويعزي اللي ما عزا في غيابه
-----------------------
الله يعين أهله .. الله يعظم أجرهم ويجبر مصابهم ... ويحسن عزاهم ...
الله يعين والدته ... ( الله يعنينه أكبر عياله ....)

عظم الله أجر صديقه ( الشاعر ) وأحسن عزاه ...
وعظم الله أجر كل من يعز عليه ( فارس ) ....

الله يرحمه ويغفر له ويدخله فسيح جناته .. ويجمعه بأهله .. وأصدقاءه في جنات الخلد ... آمين ....

----------------------
ولكن العزاء فيه .. أن هذا هو الطريق ولابد أن نسيره . ولكن كلٌ في أجله ... فأسأل الله أن يحسن خاتمتنا ... وأن يغفر زلتنا ..

-------------------
وأخير أشكر الأخ / العاصي .. على وضع هذه المرثية ....

وعلى دروب الخير نلتقي ،،،

الدب الداشر
09 Jul 2002, 10:52 PM
يعطيك العافيه اخوي العاصي


بس ماتعرف لمين القصيده



:ng :ng :ng :^ :ng :ng :ng

العاصي
10 Jul 2002, 01:24 AM
والله اعرف اسمه ولكن للسرية احتفظ به

همّام
10 Jul 2002, 01:52 AM
حياك الله العاصي
ونشكرك على القصيده فهي جميله وفيها ابيات رائعه جدا
واشكرك على السريه فهذه من اجمل السمات التي يتسم بها الانسان

دمعة
10 Jul 2002, 07:10 PM
الله يرحمه ويغفرله
شكرا الاخ العاصي على مشا ركتك

أم أحمد
11 Jul 2002, 07:58 AM
الله يرحم امواتنا جميع ورحمه الله علي فارس ، وان يتقبل من الصالحين

بين جنات الخلد ..... شكرا اخي العاصي علي الرثاء






عاشقه الليل

جرواني
25 Jun 2006, 08:21 PM
ياناس بالله لاتجبون طاريه = انا كرهت اللي لي العلم جابه
ياناس من قاله وانابس اراعيه =كنه طعني في شطير الحرابه
ياناس ياشين الخبرمن شافيه =ابشع خبر بالكون خالد لفابه
ياناس عبرات الزمن في بلاويه = من صكته سود الليالي بكابه
ياللي تعزي خافقي لاتعزيه =ماكل لوعات الليالي تشابه
بعض الهموم إن جت على القلب تعميه =تجعل صناديق الضماير خرابه
ياناس عزوا من قضى الليالي يبكيه= اومن الفرقا تشقق ثيابه
وعزوا اهله في فاجعتهم وواليه = وعزوا شمال المملكه في مصابه
وعزوا الشهادة والوظيفه وكرسيه = والمدرسه والبيت وارض وطابه
وعزوا نجوم ليل موته تراعيه = ومن القهر هلة ادموعه وغابه
وعزواوعزوا كل شخص سمع فيه = وحتى القمر والشمس عزوا جنابه
مرحوم ياللي سلم الروح باريه =اللي توفا مااهتنا في شبابه
عسى الولي من لهب النار ينجيه= منا الدعا والله عليه الاجابه
الله يجبر بالعزاقلب مغليه = ويعزي اللي ما عزا في غيابه
عهد علي لازور قبره واناجيه=وابكي على قبره وابلبل ترابه
وعهد علي لقضي حياتي وانا ارثيه =وان مت ابكتب بالوصيه رثابه
ياناس بالله لاتجيبون طاريه=تكفون جرح القلب ينزف صوابه
تكفون يكفي لاتجيبون طاريه=لاتذكرون القلب يكفي عذابه

رحمك الله يافارس وغفر لك وأسكنك فسيح جناته اللهم آمين

القروي
26 Jun 2006, 11:16 PM
اخي العاصي الله يعطيك العافيه والصحه
القصيده فعلاً مؤثره وتحكي واقع في صدر قائلها ولايوجد شخص على الدنيا مامر عليه مثل مامر على صاحب القصيده
اجزل الله اجر ذويه ورحم الله جميع اموات المسلمين انه سميع مجيب
شكراً اخي العاصي ودمت بخير .