قصيده هجاء في العيون القرمزيه

[هرطمان]

بداية القصيده كنت ابي امزح مع رفحاوي وكتبت بيتين وبعدين تحولت القصيده الى مسار ثاني يمكن السبب شي بنفسي
ولاكن يبقى سبب القصيده رفحاوي وان شاالله تعجبه وتعجبكم
وانا دايم اقول لكم اني اكتب القصيده وانا فاتح الموضوع خلال دقائق وهاذا شي يمكن يضعف منها وبدون مراجعه دقيقه وعذري ميانتي عليكم وكرمكم :-/



صاحب الطله البهيه = والعيون القرمزيه
هذاهو اغلى صديق= في عيون الدلخجيه
سارق الارث العظيم=وقاتل النفس البريه
هاتك العرض الستير=تحت خوف البندقيه
تشتكي حتى البهايم=وتدعي لرب البريه
يهلك الظالم هلاك=ويرهب النفس الرديه
حامل الوجه القبيح=مع عيونٍ قرمزيه

[أبو هيا]

صح لسانك

[رفحاوي]

هرطمان ...

تسلم على هالقصيدة ...
بس كانك تبي الصز مدري وش المقصود !!!

[هرطمان]

اخوي حمود صح بدنك
ومشكور على مرورك


اخوي رفحاوي
الله يسلمك يالغالي
وعاد السالفه ما يبي لها شرح اخوي
شخص عيونه غير شكل عيوننا كل مره يطل علينا بخطاباته
والقصيده تشرح من هو

[رفحاوي]

هرطمان ...

السموحة ياخوك تعرفن ما تكفينن اشارة ...
مانا من الناس اللي يلقطونه وهي طايرة ...
ما افهمه ليما توقع وبعدين يالله افهم ...
تر كلامي ما يمنعن من اني ازجي لك احر التحايا واصدقها ...

[هرطمان]

شكر يتلي شكر من رفحا لياما ياصلنك

ادري تفهمها وهي طايره بس طبعك هو هو لازم توكد وتثبت وبعدين تشوت

وهاذي ميزه من مزاياك التي يشح بمثلها الزمن خاصه مع المخالفين

[رفحاوي]

هرطمان ...

ساحن اذاني على الكي بورد ...
اثري الكلام الزين يثر بابن ادم ...
اجل مالوم السعود لو انخبلوا يجونهن هاللي يلبسونهم نعولهم (تكرم) ويعطونهم من هالكلام وينبسط سموه ...

اليوم طبقت الكلام الحلو وضبطت اموري ...
اخوك مدير مدرسة هالسنة واليوم فتحنا المدرسة ويدرس به سعوديين وعرب ...
كان معي وكيل مدرسة ومسؤول مالي وانسحبوا ...
اخوك شاف حركتهم البايخة وتمسك معي عناد استمر بالمدرسة ...
وما ودي يقولون اني فشلت به ...

رايي وراي الاخوان السعوديين هنا ان التدريس يستلمنه الحريم ...
عشان ياخذن راحتهن مع بعضهن ...
وتخبر ما اهضم المتعلمات وخاصة المتفلسفات ...
وقامن يحطن شروط ويقلن نبي نعرف المهام ...

اخوك حك علباه وتلفت يمين ويسار وقلت ليه ما اغير اسلوبي ؟!!
محد شايفن ...
وابدا لك بشكرهن على الحضور واهتمامهن وحرصهن ...الخ
وقلت احترم رايكن وان شاء الله ابي اسوي اللي تشوفون واعطيكم من صلاحياتي ... وابي اوقف معكن بكل استطاعتي ...
واي راي لكن ابي اسويه الا اذا تعارض مع نظام وزارة المعارف بالسعودية ...

وش اسوي ياخوك ابي امشي المدرسة اول شي وبعدين تمشي طبيعي ...
واذا قالت لي وحدة منهن عندي راي اقول له رايك ممتاز بس يتعارض مع نظام وزارة المعارف...

هذا اول يوم واذا عشنا اعلمك بالجاي ...
ابي اعطيك تحايا حطهن بالخلاط واشربهن على الريق ...