لكل المحبين بدون استثناء- مني لكم

[ابو افراح]

تعودني عليك أيام أبد ما أفــــــــــــــارقك ليله

واذا عنك أروح اليــــــوم أقول لك نلتقي باكر ×؛

×؛ تعودني على لطفك وأسلـــــــــــــوبك وتدليلك

وتتــــــــــــــــوقع أنا بحيا بدونك يوم بتسافر ×؛

×؛ أنا مـــــــــــا ودي أشكي لك ولكن قلت الحيله

أليمه فرقتك والله وأنا ع البعد مب قــــــــــادر ×؛

×؛ دخيلك أجل المــــــــــــوعد اذا تقدر ع تأجيله

دخيلك حـــــط دمعاتي في عينك قبل ما تسافر ×؛

×؛ يا شين الـــــــــوقت في بعدك دقيقه كنها ليله

شيصبرني وأنا أحبك ومثلك فــــي البشر نادر ×؛

×؛ تعلق قلبي بقلبك يسمـــــــــــع منه ويحكي له

تدلل قـــول بس إطلب أقول لك غالي وحاضر ×؛

×؛ أنا مدري اذا قلبي رفـــــض يصبر شسوي له

تخيل حالتي بعدك أنا إتحطمت ع الآخــــــــــر ×؛

×؛ أكلم نفسي فغيابك ألـــــــــوم القلب وأشكي له

وأصبر نفسي بالقوه وأقضي الليل وأنا ساهر ×؛

×؛ تلاقينا فبعض صدفه سولف لي وأنا أحكي له

ومن أول نظرة حبيته وصــــرت لشوفه أبادر ×؛

×؛ ذبحني السحر فعيــــــونه يا ويله قلبي يا ويله

أنا أفهم لغة العيـــــــون ولكن صرت مب قادر ×؛

×؛ أنا أتمنى قبل لا يــــــروح يلمس دمعي منديله

أبيه يحس بإحساسي أبيه يقـــــــــول لي تامر ×؛

×؛ أبي حضنه يدفيني خليل يــــــــــــــودع خليله

وأقـــول بصوت به شهقه..فمان الله يا مسافر ×؛

×؛ وأرجع من المطار وحـــدي يشلني الهم وأشيله

شيصبرني أنا شهرين وهـــو بس توه مسافر ×؛

×؛ عزاي إنه أخذ قلبي في وســـــط عيونه يشيله

وأنا أصبحت في بعده وحيد وأكسر الخـــــاطر ×؛

اتمنى تنال على اعجابكم ×



*منقول

[شامي الدهيمان]

حياك الله

ننتظر ابداعاتك


وهذا مكانها قسم همس القوافي


الووووووووووو ابو نايف ..............شماليه


جهزو الوبد وحملوها لقسم همس القوافي .... لا يعطيكم همام مخالفة


مودتي

[عز الخوي]

يسلمو ابو افراح
صح لسانك

[فتى رفحاء]

نص رومنسي . صح لسانك ابو فرح

[ابو افراح]

شكرا لجميع الذين قامو بتعليق على النص ( الســـــــــــــلهـــــــــومي )...عــــــــز الخوي....فــــــــــتى رفـحاء

[ابو متعب]

صح لسانك ابو افراح

[ابو افراح]

محمد ولد الطايع صح ابدانك يخالي

[ابو العربي]

ابو افراح

القصائد الشعريه عندما تنقلها من منتدى


ياليت تكتب تحت القصيده اسم الشاعر

لا تسكت وتدعها بدون فارس ولا خيال

والقصيده التي نقلتها

لشاعر الاماراتي / طارق المحياس

[ابو افراح]

اي صدقت والله يمدرعم بس تصدق اني ماعرفت اسم الشاعر اللي قاله الامنك المهم ان القصيده اعجبتي
وحبت اشارك فيهاخاصتا انه لي قصه تشابه بعض النصوص الي فيها وعلى العمووم اشكرك اخوي المدرعم على النصيحه

[شمـــاليه]

صح لسان الشاعر واهلا وسهلا بك وحياك وبياك
بيننا وان شاءالله ترى ماتستفيد منه
بارك الله فيك