مصرف الراجحي خدمة 24 ساعة من موقق

[ماوراء الخبر]

قال إيش قال خدمة 24 ساعة
الله اللي بلانا بكم وصرنا من عملائكم ولولا هالقروض اللي على ظهورنا كان فركنا وريحنا أنفسنا منكم
االموضوع باختصار شديد إما أنكم تسنعون وإلا تقضبون الباب
صرافة الإيداع اليتيمة الوحيدة اللي تخدم محافظة رفحاء وقراها 5 دقايق شغالة واسبوع كامل عطلانه
أموت وأعرف من المسؤول عنه.
ماودنا نقطع رزق أحد ونقدم شكاوى لكن وصل الحال إلى شي غير مقبول أقرب مايكون بالمهزلة وتقدر تقول بالتحدي . الحين هالصرافة الوحيدة إلى اليوم الصباح السبت الساعة 10 وهي (نأسف نأسف نأسف نأسف نأسف نأسف )

إلى متى يامدير مصرف الراجحي
إلى متى يامدير مصرف الراجحي
إلى متى يامدير مصرف الراجحي
إلى متى يامدير مصرف الراجحي
إلى متى يامدير مصرف الراجحي
إلى متى يامدير مصرف الراجحي
إلى متى يامدير مصرف الراجحي
إلى متى يامدير مصرف الراجحي

أقول خسارة هالمبنى الجديد بس

[عمار الزيادي]

تعوذ من الشيطان يارجل ..!!

وسع بالك يمكن لو جيت وشرحت الوضع للإدارة .. يمكن يصلح الحال

أو إن المدير صلاحياته محدودة !؟.

ماهو دفاع عن مشعل أو غيره وإن كان لي تحفظ .. فتحفظي على ذكر الأسماء

يعطيك العافية على كل حال .

عمارالزيادي

[صمتى .. سؤال؟؟]

تعوذ من الشيطان يارجل ..!!

وسع بالك يمكن لو جيت وشرحت الوضع للإدارة .. يمكن يصلح الحال

أو إن المدير صلاحياته محدودة !؟.

ماهو دفاع عن مشعل أو غيره وإن كان لي تحفظ .. فتحفظي على ذكر الأسماء

يعطيك العافية على كل حال .

عمارالزيادي
ياخي ماخرب الدنيا الا انت وامثالك
من تشوفون انسان مقهور من شي ويشكي ويفضفض نطقتوا له
تقل عفاريت . ياخي وش دخلك ؟
ماحد راح يجي هنا ويشتكي الا هو ذايق المر .
وبعدين اي اسماء اللي تتكلم عنها الرجال ماذكر الا اسم المدير المسؤل
ولا تبيه يذكر اسم السيكورتي ؟

[عمار الزيادي]

ياخي ماخرب الدنيا الا انت وامثالك
من تشوفون انسان مقهور من شي ويشكي ويفضفض نطقتوا له
تقل عفاريت . ياخي وش دخلك ؟
ماحد راح يجي هنا ويشتكي الا هو ذايق المر .
وبعدين اي اسماء اللي تتكلم عنها الرجال ماذكر الا اسم المدير المسؤل
ولا تبيه يذكر اسم السيكورتي ؟



أفاااااا ... هذي مدخنه حيل .


الأخ/ صمتي ..سؤال


أنا ما قلت شيء غلط ياالغالي .. أنا أقول وش


فيها لو حضر عند الإدارة وقال : بدون تشهير . هذا قصدي


ولو كنت أنت موظف ماانت مسئول وجاء واحد وقال : والله


الموظف "صمتي .. سؤال" سيء ويعطل الناس وما يقوم بعمله على الوجه المطلوب


ويشهر فيك بالمنتدى .. كذا بالإسم ـ أعتقد إنه غير مقبول


لا تعصب ..يالغالي .. الموضوع للنقاش .


وإذا شفت بكلامي شيء غلط ترى أتوقف وما أناقشك طول .


تقبل تحيتي .


أخوك / عمارالزيادي

[المحقق كونان]

بسم الله الرحمن الرحيم

فعلا معاناه ،،،

وسؤ أداره بغض النظر عن الاسماء

فنحن عملاء ويجب الاخذ بعين الاعتبار صرافات عطلانه وقذاره في الكباين وسوء تخطيط وتوزيع

وودي ووردي 0

[عمار الزيادي]

أخوي / المحقق كونان


أنا والله لا تربطني بمدير مصرف الراجحي أي علاقة ولا صداقة


واللي أشوفه إن اللي عنده شيء ممكن يروح للإدارة وإذا


ما لقى حل ولم تقنعه الإدارة بأي مبررات


ممكن يلجأ للإدارة الإقليمية بمنطقة حائل .


أو إدارتهم العامة بالرياض.

وهكذا .


أخوكم/ عمارالزيادي

[المحقق كونان]

أخوي / المحقق كونان



أنا والله لا تربطني بمدير مصرف الراجحي أي علاقة ولا صداقة


واللي أشوفه إن اللي عنده شيء ممكن يروح للإدارة وإذا


ما لقى حل ولم تقنعه الإدارة بأي مبررات


ممكن يلجأ للإدارة الإقليمية بمنطقة حائل .


أو إدارتهم العامة بالرياض.


وهكذا .



أخوكم/ عمارالزيادي



شكرا عمار

انا وغيري لسنا بملزمين بمراجعة البنوك وبث الشكوى

وعليه كمدير متابعة كل مايتعلق باءدارته ومشكلة الصرافات ليست وليدة اليوم والليله

اصبحنا نتسلف بالرغم من الحساب عامر ولله الحمد والسبب عطال الصرافات

فأين دوره الرقابي واين الموظف المختص بتغذية الصرافات واين الفني المسؤل

وليكن بمعلومك عمار انا اتكلم عما اراه والمسه وليس المقصود شخص مدير البنك ايا كان

فكذلك انا لاتربطني معه اي علاقه ولا ادري من اين هو

تحيااااااااااااتي 0

[رفحاوي]

مطلوب من العاملين في هذه الشركات تقديم خدمات مميزة ...
وإن لم يتم التجاوب يتم الرفع للإدارة العامة ...
المشكلة في سلبيتنا المقيتة ...
سيكون للحديث بقية سواءً هنا أو هناك إن شاء الله ...
شكراً "ما وراء الخبر" ...

[قلب الأســـد]

من موقق واردينن سميره

عزالله انك صادق وخدمة الراجحي برفحا


متدنيه

[عمار الزيادي]

الإخوة/
المحقق كونان
رفحاوي
قلب الأسد

اللي عرفته إن مديرمصرف الراجحي لديه الرغبة بالإنتقال

إلى جامعة الحدود الشمالية ـ عرعر

وأن الديوان قد أعطاه المرتبة التاسعة .

فهل ياترى سينتقل أم لا ..؟ الله أعلم .

وفي حال انتقاله ربما يأتي بديل

عساه يحل كثير من الملاحظات اللي مايمكن توضيحها إلا بالنت.

تقبلوا مروري.

عمارالزيادي

[د-كيف]

حامينا حراميناا
الله يعين

[عمار الزيادي]

حامينا حراميناا
الله يعين



ياهلا بـ / د. كيف

شرفت المنتدى . بس مافهمنا ؟!

فيه واحد يكتب بالساحات بهاالإسم ـ لا يكون أنت بس!؟

عمارالزيادي

[ولد الحفر]

الله يعينكم انتم من الراجحي تشتكون وحنا من البنك الاهلي متوذين بس اخر الوقت تسنعو عندنا
بس على فكره اذا الصرافه عطلانه ومافيها فلوس يتعاقب عليها الشركه المقاوله مع البنك بس وين الرقابه الي من البنك لشركه المقاوله ماعندك احد

[فرانكلي]

فعلاً صرافات الراجحي كثيرة أعطال وخاصة الإيداع غالب الوقت نأسف..

للمعلومية هذه المشكلة في كل مناطق المملكة يعني المشكلة بنظام الراجحي المعفن ماهي بالفرع..


ملاحظاتنا على الفرع هي إيجابية بشكل عام ونثني على أخلاق العاملين فيه ولكن نستغرب وجود ازدحام دائم ولانعلم السبب..

ثانياً المدير أحس إنه ماهو مهتم باللي يجونه في مكتبه يعني دائماً تلقاه مشغول بالهاي هاي مع إن لهم قسم خاص بس شكله ماهو شغال.. أو إن هذي طبيعته ما أدري الحقيقة بس تحس إنه مشغول دائم... الله يعينه..


ثالثاً: الأرقام مالها قيمة وخاصة عند خدمة العملاء اللي يجي يخلص شغله...يعني اللي يروح فيها من؟؟ اللي ماخذ رقم وجالس محترم نفسه مايخلص الا بعد ساعة أو ساعتين..

نهاية: أثني على التعامل الطيب مرة أخرى من قبل موظفين رائعين جداً وذوي أخلاق عالية مثل خالد الجبرين وعلي دحام وسعود مسيعيد..

الحقيقة إنهم فوق مستوى مصرف الراجحي بأخلاقهم العالية الله يوفقهم لكل خير مايقصرون مع احد وابتسامة دائمة وشغالين بذمة..

[عز الخوي]

يا خي حولو للنادي الأهلي
وريحو الراس لازم تحطون فلوسكم بالبنك
اللي متوذي منهن يجيبهن