المساعد الشخصي الرقمي

مشاهدة النسخة كاملة : انا وجاري والبنك العقاري 000 اهداء للاخ العضو الفاعل الشاعر (الفيصل )



الـوايـلـي
01 Mar 2010, 11:31 PM
الله من وقتن لوى مثلي لوي= حداه يالفيصل على اللي مايبيه
شاخ الحصيني فيه والذيب يعوي = عقب الشجاعه تنقز العرجاء عليه
من عقب ماسرحان بنيابه قوي = اليوم توخذ صيدته طرحت ايديه
ناسن زواها الفقر يالفيصل زوي = وناسن اتبذر بالريال وبالجنيه
وناسن اتقاصد للمعارض وعشوي = وناسن تجيها فلوس مايدرون ليه
وناسن مثل حظي متنيل اوي = عزي لمن قرض العقاري يحتريه
سلم على النشمي قبل يكوى كوي = ايوقفه عامين عظم ولايجيه

شمـــاليه
02 Mar 2010, 12:02 AM
صح لسانك وعلى شانك
واهلا بك بهمس القوافي فقد طال غيابك عنها
قصيدة جميله وفي انتظار مجارات الشاعر الفيصل
لك تحيه,,

ولد الحفر
02 Mar 2010, 01:03 AM
صح لسانك يالوايلي


لا هنت

عروووبة
02 Mar 2010, 02:05 AM
حياك اخى الوايلى
صح السانك
والله يفتحلك باب رزقه من حيث لاتحتسب

وعودا حميدا

فزاع
02 Mar 2010, 02:09 AM
صح لسانك ابيات فيه من الجمال والروعه لاعدمنك

كــش مــلك
02 Mar 2010, 01:05 PM
صح لسانك يالوايلي

همّام
02 Mar 2010, 01:23 PM
صح لسانك
دائما جزل أخي الوائلي
ولأبياتك رونقها الخاص

الـوايـلـي
02 Mar 2010, 10:43 PM
صح بدنك مشرفتنا العزيزه وطولت اغيابي بسب العقاري وهمومه وانا منكم وفيكم

عزيز المويهان
02 Mar 2010, 10:45 PM
سلم على النشمي قبل يكوى كوي
ايوقفه عاميـن عظـم ولايجيـه

صح لسانك يالوايلي أجل زيادة السلفيه مافادت :)

الـوايـلـي
02 Mar 2010, 10:45 PM
ولد حفر الباطن000 صح بدنك والله لايهينك

الـوايـلـي
02 Mar 2010, 10:51 PM
شكرا اختي العزيزه المتميزه (عرووووووووووبه ) وامين 000امين على دعائك والمسلمين

اجمعين

الـوايـلـي
02 Mar 2010, 10:58 PM
اخواني ( فزاع - كش ملك - همام- عزيز المويهان ) اسعدني مروركم الكريم

عيده صعفق
03 Mar 2010, 03:42 AM
صح لسانك وأعتلا شانك

لاهنت والله يالوايلي ..

المحقق كونان
03 Mar 2010, 11:53 AM
صح لســـــــــــــــــانك يالوايلي

لاهنت 0

أبو هيا
03 Mar 2010, 12:11 PM
صح لسانك يالوايلي

اتمنى منك نشر تجربتك حتى نستفيد منها لأننا على وشك البدء في البناء..ننتظر قصيده فيها توجيهاات ومحاذير للمبتدئين

الـوايـلـي
03 Mar 2010, 11:07 PM
صح لسانك يالوايلي

اتمنى منك نشر تجربتك حتى نستفيد منها لأننا على وشك البدء في البناء..ننتظر قصيده فيها توجيهاات ومحاذير للمبتدئين



ان كان ماتملك من المال مليون =يابو هيا لاتبتلش بالعماره
خذ النصيحه كان لك قلب وعيون = قبل يجيك الضغط فوق الحراره
خلك بجار ولايقولون مديون = اخير ماتقرط بسجن وخفاره
ياعادبيتك ماتسويه بفنون = ماينفعك لاصار مثل الجحاره

خيال العليا
05 Mar 2010, 12:34 AM
صح لسانك يالوايلي

أبو هيا
05 Mar 2010, 03:01 AM
ان كان ماتملك من المال مليون =يابو هيا لاتبتلش بالعماره
خذ النصيحه كان لك قلب وعيون = قبل يجيك الضغط فوق الحراره
خلك بجار ولايقولون مديون = اخير ماتقرط بسجن وخفاره
ياعادبيتك ماتسويه بفنون = ماينفعك لاصار مثل الجحاره

هههههههههههههههههههه

حلوه سالفة الجحاره:D

صح لسانك والله لايهينك على هالنصيحه ...انا لي رأي مخالف و اطلب من المملوح رفحاوي يحكم بيني وبينك:p


يالوايلي يفداك خمات وعفون=يانسل وايل ياوريث الاماره
روق مع اللبتن وحط ليمون = وانسى مع الدله هموم العماره
يالوايلي ماهيب لحية يقولون = البيت ربح ولاتشوفه خساره
مهما خسرت من الدراهم ومديون= البيت عز وهو اساس الاداره
ليت العمر وقته محدد ومضمون=وأعرف متى روحي تشيل الخفاره
كان انبسطنا ولا سعينا لمليون =في كل وادي نستعيد الصداره
لاشك حاديني على البيت هيون = أخاف من عقبي تذوق المراره

"الفيصل"
09 Mar 2010, 08:33 AM
لاهنت يالوايلي

وصح لسانك وعلا شانك وفتح الله لك باب رزق تسد به ابواب كثيرة فتحت عليك..


المعذرة يالخال لم ادخل النت منذو فترة طويلة لذا لم اطلع على ماخطته اناملك الذهبية ..




لي عودة على قصيدتك الجزلة قريباَ ان شاء الله ..



همسة / النشمي ضبط الشقة اللي فوق ومنعزلة عن البيت الظاهر عنده نوايا مادري كلكم ياللي تبنون كذا ولا لا ..;)

الـوايـلـي
09 Mar 2010, 11:42 PM
تسلم والله يالفيصل وصح بدنك وهذا شرف لي متى مامريت عليها ومعذور على عدم المرور 000

اما سالفة الشقه ماهو كلنا يسويها بعضنا وهاذي الله يسلمك يسمونها (شقه مسروقه ) والاعمال بالنيات ولكل امرئ مانوى لاكن هناك ملاحظه على هالمسروقه كان لها باب سري مثل بيبان الطوارئ ومصبوغ مثل الجدران بها قولان وهنا مربط الهورس 0

اما ان كانت على الشارع شاهر ياظاهر فلا خوف منها عند الاخواااااااااات ويحتمل انها استثماريه وقت الزنقااااااااااااااات

اما انا ياخالك لاسرقت ولا عندي نيه :i

"الفيصل"
06 Apr 2010, 11:13 PM
:
:
:
:
:
:
:




مرحبا بمن شكالي يا هلا بالخوي=صاحبٍ زاد حمله والدهر مقتفيه

يشتكي لي زمانه ويشتكي من ضعوي= والنصيب المليوي شل قوة يديه

صاحبي ما الومك خلها للقوي= كافل ارزاق خلقه والمطالع عليه

مالك إلا الصبر صبر حيد بدوي= ما يصح إلا الصحيح وسرجها نعتليه

ولابد ذيب المساري يشبع ويرتوي= والثعل لو تنمر رعدته ما تعديه

والنسر للولايش دايمٍ يحتوي =كامعٍ في طرفها لو لحمها كريه

والنداوي نداوي شامخ ٍ ما يهوي = النوايف مرامه والسهل ما يغشيه

وانت حرٍ مردد عالي المعنوي= من مصاقر حرار ٍ عايش بمخلبيه

والفقر ماهو عيب وكم طوانا طوي=وكم عفيف ٍ تلوى والعنا مبتليه

والمبذر شقيق ابليس عساه الشوي = في جنهم ايكوى ماكله صفحتيه

والغنى تر ليله تقل ليل جلوي= المقاضي يلوفه والتعاسه تحديه

والدراهم مصيبه عند غير السوي= لا كسبه جميل ولا كفل من يجيه

ومن صبر فاز فيها وحملها يستوي =وابشر بفزعة ٍ لك ومن زهمنا نجيه




:
:
:
:
: