قلبي تزايد ارهاقه (قصيده مسنده للشاعر الكبير الوايلي)

[كسار]

يالوايلي قلبي تزايد ارهاقه
مماجراله بيح القلب خافيه
يالوايلي مالي على الصبر طاقه
عيني تهل الدمع لحل طاريه
الله يعوق اللي عن الوصل عاقه
هو شارين وصلي وانا اليوم شاريه
انا الذي شوفه لعيني اشراقه
وحكيه لقلبي بلسمن له يداويه
قالت انا والله ماأنسى العلاقه
حبك بوسط القلب محتل اراضيه
اشفق على صوتك وشوفك اشفاقه
حبك زرعته دمع الاشواق يسقيه
غصبن على قلبي يعلن فراقه
هذي هي الدنيا وهذي مباديه
اقفت وانا صادقت همي صداقه
وسط الضماير جرحتني مكاويه
انا ادري البعد مرن مذاقه
عقب الهنا تصبح عذاب لياليه
لو كنت اميز هبته و اصتفاقه
ماكان سجيت القدم في حراويه
انا من المعجبين جدا في شعر الوايلي في هذا المنتدي الجميل وحبيت اسند عليه هذه القصيده وانتضر منه الرد وارجو من المشرفين تنسيق قصيدتي لاني عليمي وجديد على النت

[بلقيس]

كسار
توجد المحبين بعد الفراق مؤلم ..
ونعم
البعد مُر مذاقه
ذائقه فاخرة
http://www2.0zz0.com/2010/03/10/23/979958228.gif

[خيال العليا]

مشكور
تقبل مروري

[عمار الزيادي]

يعطيك العافية / كسار


وصح لسانك على هاالأبيات الجميلة والرائعة . تسلم .


عمار الزيادي.

[كسار]

كسار
توجد المحبين بعد الفراق مؤلم ..
ونعم
البعد مُر مذاقه
ذائقه فاخرة
http://www2.0zz0.com/2010/03/10/23/979958228.gif

اسعدني مرورك الجميل دمت بخير

[كسار]

يعطيك العافية / كسار


وصح لسانك على هاالأبيات الجميلة والرائعة . تسلم .


عمار الزيادي.

الرائع هو مرورك مشكووور لاخلا ولاعدم

[كسار]

يعطيك العافية / كسار


وصح لسانك على هاالأبيات الجميلة والرائعة . تسلم .


عمار الزيادي.

الرائع هو مرورك مشكووور لاخلا ولاعدم

[كسار]

مشكور
تقبل مروري



خيال العليا والف نعم اسعدني مرورك دمت بود

[الـوايـلـي]

كسار ياراع البيوت الرقاقه = يالي عليه صادق الود تشكيه
تقول خلك عنك معلن افراقه = عقب المحبه بعدنه لياليه
وتقول ماعندك على الصبر طاقه = وعينك تهل الدمع لاحل طاريه
مالوم قلبك مار هاذي حماقه = وصيتي سرك عن الناس تخفيه
هاذا المقدر وانت مالك علاقه = وحكم القدر ماهو على الكيف تلغيه
ان كان ياكسار ساقو اسياقه = تعوض اللي ميت الروح يحييه
ولاظنتي مثلك ايراجي طلاقه = الحر فضلات العرب مايدانيه
وان كان ماوقع وليه اوراقه = انا معك واللي تشوفه انسويه
ابجمع الويلان هم والرفاقه = ومنك السموحه كان ماطاع واليه
البيت ياكسار دونه ارواقه = واللي ايخالف راية الشرع مابيه

وسلامتك ياكسار من عذاب الحب والانكسار مع ان الوايلي بلشان ومحتار بين المقاول والنجار ونسيت العشق من العمااااااااااااااار 000

[كسار]

كسار ياراع البيوت الرقاقه = يالي عليه صادق الود تشكيه
تقول خلك عنك معلن افراقه = عقب المحبه بعدنه لياليه
وتقول ماعندك على الصبر طاقه = وعينك تهل الدمع لاحل طاريه
مالوم قلبك مار هاذي حماقه = وصيتي سرك عن الناس تخفيه
هاذا المقدر وانت مالك علاقه = وحكم القدر ماهو على الكيف تلغيه
ان كان ياكسار ساقو اسياقه = تعوض اللي ميت الروح يحييه
ولاظنتي مثلك ايراجي طلاقه = الحر فضلات العرب مايدانيه
وان كان ماوقع وليه اوراقه = انا معك واللي تشوفه انسويه
ابجمع الويلان هم والرفاقه = ومنك السموحه كان ماطاع واليه
البيت ياكسار دونه ارواقه = واللي ايخالف راية الشرع مابيه

وسلامتك ياكسار من عذاب الحب والانكسار مع ان الوايلي بلشان ومحتار بين المقاول والنجار ونسيت العشق من العمااااااااااااااار 000



واسيتني بالرد يانسل الاحرار = وسليت قلبن مبطين ماتسلا
جتني بيوتك مثل زينات الازهار = حيثك نجم بالشعر فوق يتعلا
ياالوايلي لاتحسب القلب صبار = تلنه البيض المزايين تلا
نمشي دروب العشق نرضى بالاقدار = اللي تخلا عنك عنه تخلا
وان حدني وقتي فلاني بمحتار = مادمت بااوصاف القناعه اتحلا ومشكور يالوالي على الرد الجميل والله يعينك على المقاول والنجار وعلى هم العمار دمت بخير

[الـوايـلـي]

ابنصح اللي عاشقن مثل كسار = قبل يقول العقل بالبيض ولا

يستغفر اللي عالمن كل الاسرار = ويتوب يوم انه معاهن تسلا

دنياك ماتضمن بها طول الاعمار = وبالاخره مامن عشيرن وخلا

اما بجنه ماتجي صالي النار= والا بنارن وسط قاعه اتخلا

البيض مثل البحر والبحر غدار = ماينضمن موج البحر لاتعلا

[كسار]

الوايلي ينصح ببعد الغنادير =هل هو زهد بالبيض والا اتركنه
والا مامره من هوى الزين تعبير =سود العيون برمحهن ماطعننه
والا تعب من طردهن بالمشاوير = عاف العذارى حيل يوم افحمنه
محدن سلم منهن سواة المقادير =حتى المطوع بالصلاة اخلفنه
قبلي عقاب لنوت ساق المغاتير = سالت دموعه والعيون انثرنه
عشقن على وضح النقا دون تغيير = عن الخطا دربي بعيدن مضنه

[الـوايـلـي]

مساك ربي يابن الاجواد بالخير =انا ترايه تبت عن طردهنه

وقبلي وقبلك عذبن سالم الزير = الفارس المقدام قلبه كونه

ماني مطوع مار اذكر تذكير = كم واحدن عقب الغنى خسرنه

ياكثر بالعالم ضحايا الغنادير = عند المسيح وعند شيعه وسنه

ماهو صحيح السر ياخوك بالبير =ان مامشى بالي بغن يفضحنه

العشق يوم الناس ورد ومصادير = وفيهن حياء والحب مايكشفنه

وليوم صار العشق يالقرم تزوير = على المصالح بعضهن زورنه

وختامها تسلم وتصبح على خير = قفيت يامشفي على طردهنه

[شمـــاليه]

صح لسانك ياكسار وصح لسانك يالوايلي
استمتعنا في القراءه والمتابعه..

0
0

متابعه,,

[كسار]

كملتها بالرد يالقرم واوفيت = ولافيه عندي يابن الاجواد شكه
ان كان شاب القاف قفى وانا اقفيت = والا تكملها معي باءي سكه

[كسار]

صح لسانك ياكسار وصح لسانك يالوايلي
استمتعنا في القراءه والمتابعه..

0
0

متابعه,,

صح قلبك شماليه اسعدني مرورك الجميل ورايك يهمني ويسعدني

[الـوايـلـي]

كان انت ياكسار يالقرم مليت = وقف وباب الشعر بالشمع صكه


وكان عليه يابن الاجواد رديت = الوايلي بالشعر مامنه فكه


وانت المخير ياصديقي وحييت = تبي اتعقل اشعيل والا تدكه


فكر ترى ماينفعك قول ياليت = وبصبع يمينك صابر الراس حكه

[كسار]

ابغير الموضوع واكسب حضورك = قافن بديته سهل الله اموره
يالوايلي عطني مع القاف شورك = حيثك من اللي يحسنون المشوره
لاصار قل المال لخبط امورك = وش حيلت المحتاج وقت الضروره
لاشك هذا الدور ماهو بدورك = دورن على اهل الطيب اعلن دبوره
ودك تسجل بالتميز حضورك = عندك بطاقه مزخرفه ومحفوره
تجلس بوسط البنك زاهي شعورك = يكتب على اسمك شيخ وافي شبوره

[الـوايـلـي]

وش فايدت يالقرم شوري وشورك =وقتن على الاجواد مكشوف جوره

والعالم الله راح دوري ودورك = اليوم دور اللي يشوتون كوره

تشوف بعض الناس ينشب ابزورك = من شان ماله يركضون بحضوره

ومدير فرع البنك دايم يزورك = ماهي محبه يوم يكثر مروره

يخاف لاتزعل وتخفي سرورك = وجود مالك بالخزينه ضروره

الله ياكسار يكفي اشرورك = جرجرتني والقاع كله اجحوره

[كسار]

وش فايدت يالقرم شوري وشورك =وقتن على الاجواد مكشوف جوره

والعالم الله راح دوري ودورك = اليوم دور اللي يشوتون كوره

تشوف بعض الناس ينشب ابزورك = من شان ماله يركضون بحضوره

ومدير فرع البنك دايم يزورك = ماهي محبه يوم يكثر مروره

يخاف لاتزعل وتخفي سرورك = وجود مالك بالخزينه ضروره

الله ياكسار يكفي اشرورك = جرجرتني والقاع كله اجحوره

صح لسانك يالوايلي كفيت ووفيت شاعر قدير وهذي شهاده اتمنى انك تتقبلها لو ان شهادتي فيك مجروحه

[الـوايـلـي]

صــــــــــــــــــــــــح لسـانك يالغالي ولا عليك زود واهلا وسهلا