ياوقت اضحك لي دخيلك

[عقارب]

يا وقت أضحك لي دخيلك خاطري مكسور ..
دخيلك مابقى فيني محل فيه تطعني ..




تعبت أداري العالم وحزني داخلي محفور
تعبت أسمع لشكواهم ولابه منهو يسمعني..




صبرت وقلت بتحمل ولكن ماهو بالمقدور
أخبي دمعه طاحت على جفني تجرحني ..





ابي ابكي ابي اصرخ بفجر من دموعي بحور
لان الدنيا ضاقت بي وكثر الصمت يذبحني ..




ابي احكي ابي اشكي بقول اللي ببالي يدور
أبيهم كلهم يدرون وش اللي حيل محزني ..




لي قلب امتلأ بالجرح وصار الحزن به معمور
وصدر يشتعل نيران لهبها دوم يحرقني ..




وهموم مالها آخر على راسي تجي بالدور
وأمل ضايع وفرج صاير أناديله ويصد عني ..




ألا يا وقت اضحك لي دخيلك خاطري مكسور
دخيلك ما مضى يكفي ألا يا وقت ارحمني






منقول

[عزيز المويهان]

الله الله عليك ياعقارب


ذوق مميز ونقل موفق

لله درك

صح لسان الشاعر والناقل

[عقارب]

صح بدنك يا عزيز
وتسم على المرور

شكرآ وبارك الله بك

[عروووبة]

صحل نقلك
ولاهان غاليك

[ابوبادي 12]

يعطيك العافيه عقارب ذوقك حلو