المساعد الشخصي الرقمي

مشاهدة النسخة كاملة : قصيدة رديه



ابوبادي 12
05 May 2010, 03:30 AM
قصيدة ارسلي خويي سهو ابوخالد

الظاهر انه مهي لوه واليكم الابيات


أرحب تراحيب السعد والتوافيق

فال السعد والطيب فالك لحاله
الحر لا من طار ماله ملاحيق

يكفخ بجنحانه و ما راد ناله
والذيب لامنه سرى ينشف الريق

أخوه حتى لو سرى ما براله
والصبر مفتاح الدروب المغاليق

والحلم ناموس الشرف والعداله
والطيب يزرع في المطاليق ويليق

فيها وهي تسعى لرد الجماله
ياصاحبن ثابت مثل هضبة طويق

ما غيره شين الزمان ومياله
إرقاسنود وغن بأحلى الطواريق

واللي تبي يفداك كاش وحواله

وسلامتكم

واليكم الرديه

يامرحبا تاصل لزين المواثيق

لصاحب اللي ماندور بداله
لوضاقت نفوس الرجاجيل ماضيق

مادام ابوخالد يدز الرساله
تشهدله الدله وصوت الخواشيق

وتشهدله الجيران ياحي فاله
وتشهد بعد شمربغرب ومشاريق

وتشهد له الويلان شرق وشماله
وذكرتلي ياسهو بعض الطواريق

من واحدآ بليل ينشد اهباله
وقبل النهايه طيبكم داخل اعميق

تشهدلكم حايل ونجد وجباله
وختامها بختم برب المخاليق

الواحد المعبود جل جلاله
وسلامتكم
الشاعر ابوبادي الحصين

قلب الأســـد
05 May 2010, 08:02 AM
تشهدله الدله وصوت الخواشيق


صح لسانك ونت بمكانك

ابومحمدالزوبعي
05 May 2010, 09:24 AM
صح لسانك أخي ابوبادي قصيدة جميلة

شمـــاليه
05 May 2010, 10:03 AM
صح لسانه ولسانك ابو بادي
رديه جميله

ابوبادي 12
05 May 2010, 12:07 PM
تشهدله الدله وصوت الخواشيق


صح لسانك ونت بمكانك

صح بدنك قلب الاسد ويعطيك العافيه على المرور

ابوبادي 12
05 May 2010, 12:08 PM
صح لسانك أخي ابوبادي قصيدة جميلة

صح بدنك ابومحمد الزوبعي

ابوبادي 12
05 May 2010, 12:10 PM
صح لسانه ولسانك ابو بادي
رديه جميله

نيابتن عني وعن خويي صح بدنيك شماليه

ابو متعب
05 May 2010, 12:46 PM
تشهدله الدله وصوت الخواشيق

وتشهدله الجيران ياحي فاله


صح لسانك ابو بادي انت وخويك

بس عندي استفسار "صوت الخواشيق" وش معناهـ

ابوبادي 12
05 May 2010, 10:51 PM
تشهدله الدله وصوت الخواشيق

وتشهدله الجيران ياحي فاله


صح لسانك ابو بادي انت وخويك

بس عندي استفسار "صوت الخواشيق" وش معناهـ

ابومتعب صوت الخواشيق معناه الملاعق صوت الملاعق

فزاع
06 May 2010, 12:27 AM
صح لسانك ابوبادي ابيات جميله كجمال صاحب الابيات

وننتظر اصدار الديوان الصوتي الخاص فيك يفارغ الصبر .

ابوبادي 12
06 May 2010, 12:14 PM
صح لسانك ابوبادي ابيات جميله كجمال صاحب الابيات

وننتظر اصدار الديوان الصوتي الخاص فيك يفارغ الصبر .

صح بدنك فزاع الاجمل مرورك امى بنسبه لديوان الصوتي قريب ان شاء الله