ديوانية الرياضة فلها وربك يحلها

[شامي الدهيمان]

http://www.barrq.org/sami/imag/3d/1.gif

أسعد الله جميع أوقاتكم بالخير والمسرااااااااات من خلال هذا الموضوع يشرفني دعوتكم

لطرح ما يجول بخوا طركم من نقاشات وحوارات وذكريات رياضة وخاصة على مستوى المشاركات الشخصية بفريق الحااااااارة وخاصة اذا كان فريق الحارة مجموعتين واحده فازة 60 صفر على الثانية وسجل مهاجمهم المشهور هدف شهير باللسان

وكذالك ذكريات الدوري ومشاركات المنتخب وكاس العالم


والمناقاشات الجميلة وترشيحااااااااات بطل كاس العالم 2010م والاهداف

اليكم هدافي كاس العالم السابقين



أفضل الهدافين على مدار تاريخ بطولات كأس العالم *,

رونالدو (البرازيل) 1998 – 2006 15

جيرد مولر (ألمانيا) 1970/1974 14

جوست فونتين (فرنسا) 1958 13

بيليه (البرازيل) 1958-1970 12

ساندور كوتشيش (المجر) 1954 11

يورجن كلينسمان (ألمانيا) 1990-1998 11

هيلموت ران (ألمانيا) 1954/1958 10

تيوفيلو كوبيلاس (بيرو) 1970 –1978 10

جريجوري لاتو (بولندا) 1974 –1982 10

جاري لينكر (إنجلترا) 1986/1990 10

جابرييل باتيستوتا (الأرجنتين)1994 – 2002 10

ميروسلاف كلوزه (ألمانيا) 2002/2006 10

ليونيداس (البرازيل) 1934/1938 9

أديمير (البرازيل) 1950 9

خوان شيافينو (أوروجواي) 1950/1954 9

فافا (البرازيل) 1958/1962 9

أوفي سيلر (ألمانيا) 1958 –1970 9

إيزيبيو (البرتغال) 1966 9

جيرزينيو (البرازيل) 1970/1974 9

باولو روسي (إيطاليا) 1978 -1986 9

روبرتو باجيو (إيطاليا) 1990 -1998 9

كارل-هاينز رومينيجه (ألمانيا) 1978 –1986 9

كريستيان فييري (إيطاليا) 1998/2002 9

جييرمو ستابيل (الأرجنتين) 1930 8

دييجو مارادونا (الأرجنتين) 1982 –1994 8

رودي فولر (ألمانيا) 1990/1994 8

ريفالدو (البرازيل) 1998/2002 8

[ماوكلي]

احم احم
السلام عليكم
يسرني اني اول القالطين هنا
وبانتظار باقي الشبه

[شامي الدهيمان]

احم احم
السلام عليكم
يسرني اني اول القالطين هنا
وبانتظار باقي الشبه


ارحبووووووووووووووو

الحلا والعصير

الجو حار ولذلك الغيت القهوة

http://www.elegantcheesecakes.com/images/always-cake.jpg


http://www.elegantcheesecakes.com/images/hearts-of-love.jpg


العصيرررررررررررررررررررررااااااااات
http://www.hotagri.com/data/media/66/4374.jpg

[عقارب]

احم احم

يا ولد فيه احد ولا اكورب


بارك الله بك يالسلهومي

[عروووبة]

السلام عليكم

عندي سوعال
مابه قناة مو مشفرة تنقل الحفل . .؟؟
لأنى حاسة ان هالأفارقة يبون يبدعون . . .

[ابو العربي]

والله يا اختنا عرووبه عندي رسيفر ( لنك سات ) اشبكه على الانتر نت ويجيب كل القنوات

بلا اشتراك بلا بطيخ


والضاهر الحفل ينقل على الانتر نت فيه مواقع خاصه للقنواة المشفر وكأس العالم ببلاش


الضاهر تلقينه بشيخ قوووقل


شهيتووني على العصيررررر بهالواهيب

[ابو العربي]

http://www.hotagri.com/data/media/66/4374.jpg


^



^



وشيب عيني شيبااااااه

[شامي الدهيمان]

احم احم

يا ولد فيه احد ولا اكورب


بارك الله بك يالسلهومي


يالله حيه

عشاااااااك اقلط

http://www.ibtesama.com/vb/imgcache2/13316.gif

[شامي الدهيمان]

السلام عليكم

عندي سوعال
مابه قناة مو مشفرة تنقل الحفل . .؟؟
لأنى حاسة ان هالأفارقة يبون يبدعون . . .




وعليكم السلام

الله يكفيك شر السعاااااال


منوره

يمكن اليمن يسرقووونه هم ولا ليبيااااااااا

[شامي الدهيمان]

والله يا اختنا عرووبه عندي رسيفر ( لنك سات ) اشبكه على الانتر نت ويجيب كل القنوات

بلا اشتراك بلا بطيخ


والضاهر الحفل ينقل على الانتر نت فيه مواقع خاصه للقنواة المشفر وكأس العالم ببلاش


الضاهر تلقينه بشيخ قوووقل


شهيتووني على العصيررررر بهالواهيب



غالي والطلب رخيص

يالله أنت حيه

http://www.5reb.com/5ra2eb/a5rab-kek/d98279dfd3.jpg

http://al-qatarya.org/qtr/qatarya_YLtpU5ArXV.jpg

[شامي الدهيمان]

http://images.abunawaf.com/2006/08/nh2.jpg

http://abbd1990.jeeran.com/pictureshhhh/5.jpg


http://images.abunawaf.com/2004/09/Sport3.jpg

[منبع الثلج]

ايييييييييييييييييييييييييييييييييييييييييه يالسلهومي . من ناحية ذكرياتي الرياضيه .. تصدق اني كنت فلته بالكوره .. وقسم بالله اسدح نص ورعان الحاره .. ولادزيت دزيت والله ماتلحقن لو على ددسن ههههههههه . اللي يشوفن وانا اركض يقول هذا مركب سيقان غزال :p


لا والمشكله ان اغلب طفولتي ومراهقتي راحت بهجرة الجبهان . ومثلك خابر الجبهان مافيها ملاعب صالحه للعب .. يعني تدخل الملعب والملعب ملغم بالمسامير والقزاز ( اي الزجاج المكسور ) وكله حصا ( اي حجر ) . بالعربي تدخل الملعب وكأنك داخل حرب .. لازم تحط على راسك خوذه وبيدك اليمين كلاشنكوف وبيدك الشمال بازوكا عشان تطلع سليم ههههههههههههههههه .


اييييييييييه على ذيك الايام .. طبعاً كنت ادرس برفحاء . وكنت اتحمس لاجت حصت الرياضه ( تلقاني قبله بيومين افكر بالحصه ) ولادخلت ملعب مدرستنا كأني داخل البرنابيو والا استاد الملك فهد الدولي ، تلقاني اسخن عشر دقايق قبل نبدأ اللعب وأول مايطب ريفالينو ( اللي هو انا ) مايلمس الكوره الى والمدرس مطلق صافرة النهايه معلناً نهاية حصة الرياضه ..

بعدين اقولك صولاتي وجولاتي لأني اشوف اني طولت بالحتسي ..

من ناحية موضوع كأس العالم .. انا اشششششششجع الباراغوي .. ولو تسألني وش السبب بقولك لأن فيني عرق بارغواني :p
واشجع ايضا هولنـــــــــــــدا .. اعشق لعبهم صراحتــ(ن) واتمنى تفوز بالكأس . مع اني اتوقع البرازيل راح تطير بكأس 2010 .. والله اعلم .

تقبلو خربشتي

[شامي الدهيمان]

حياك الله أخي العزيز ومنور الديوانية بهالطلة

يعني الي من رفحاء يلعبون على ملاعب مزروعة كلها ترابية وذا زعل واحد أخذ الكورة والمشكلة اذا كانت الكورة له والا لواحد ما يداني صافريه

المتطورين كانوا يلعبون بملاعب (( سانتس والفيصيلة والمندسة وشلع كلوه ))

الاخير له قصة رهيبه راح اسدحها
ولكن انتتظر البقية


.........................ايييييييييييييييييييييييي يييييييييييييييييه يالسلهومي . من ناحية ذكرياتي الرياضيه .. تصدق اني كنت فلته بالكوره .. وقسم بالله اسدح نص ورعان الحاره .. ولادزيت دزيت والله ماتلحقن لو على ددسن ههههههههه . اللي يشوفن وانا اركض يقول هذا مركب سيقان غزال :p


الا مالحقت على فريق الجبهان الي شارك بدورة مرسيليا الثانية بقيادة الاداري المحنك ابو شيال

[منبع الثلج]

اوما اللي ياخذ كورته ويروح ذي عانيت منها كثثثثثثثثثثثثثثثثثير .. لا والعيال طردي وراه . واحد يراضيه والثاني يهدده والثالث عينه على الكوره والرابع جاي معهم ولا يدري وش القصه ( تكملت عدد ) ههههههههههه

..........

والدوراة مالي به ، مجرد متفرج .. انقطعت فتره عن الكوره والحين لو اركض خمس دقايز اكون سويت انجاز كبير استاهل التكريم عليه ههههههههههه ماش ماهناك لياقه ياخوك .. والكسسسل لاعبن بحسبتي ،

يمكن انفع مدرب .. اما لاعب .. ماش اللياقه صفـــــــــر على الشمال

انت كون فريق وانا ادربهم وبأذن الله راح نحصل المركز الأخير وبكل سهوله ههههههههههه

[شامي الدهيمان]

اوما اللي ياخذ كورته ويروح ذي عانيت منها كثثثثثثثثثثثثثثثثثير .. لا والعيال طردي وراه . واحد يراضيه والثاني يهدده والثالث عينه على الكوره والرابع جاي معهم ولا يدري وش القصه ( تكملت عدد ) ههههههههههه

..........

والدوراة مالي به ، مجرد متفرج .. انقطعت فتره عن الكوره والحين لو اركض خمس دقايز اكون سويت انجاز كبير استاهل التكريم عليه ههههههههههه ماش ماهناك لياقه ياخوك .. والكسسسل لاعبن بحسبتي ،

يمكن انفع مدرب .. اما لاعب .. ماش اللياقه صفـــــــــر على الشمال

انت كون فريق وانا ادربهم وبأذن الله راح نحصل المركز الأخير وبكل سهوله ههههههههههه


واصغر واحد حارس ومتفتته سبده أنه يلعب وما يسمع الا يالله صر حارس ولا حول ولا قوة له

اليوم فيه مباراة للشيبان ملعب مبارك السويدي (( دورة الصداقه )) وش رايك نجرب معهم

وبعدين أنت شبابي والبلطان يقول اذا لم تكن الاول فلا تلعب طع طع
أنت جمع العيبه وانا علي الدعم المااادي

أحترامي

[منبع الثلج]

مشكلتي ماعرف ألعب الا وانا حافي ..> لله درك ياحمود الفشقه ههههههههه

والله لو تدعم من هنا لبكرى ماضنيت نبي نجيب شين .. انا اقول لو بالفلوس هذي نفتح لنا بقاله ابرك لنا خخخخخخخخ

.......................

بعدين عندك خبر انه فالقريب العاجل بيكون هناك نادي ثاني في رفحاء . والعلم عند الله

الارض وعطتهم البلديه .. باقي وضع اللمسات الأخيره .. مادري تكتمل والا تتفركش بفعل فاعل .

أتمنى تكتمل الفكره وتتكلل بالنجاح .. لأني وبكل بساطه غسلت يدي من نادي التضامن ، أجل عشرين سنه دوري مناطق ..؟

ماش ماهناك طموح

[شامي الدهيمان]

مافي مشكل تلعب حافي يقولون الهند يوم صعدت لنهائيات كاس العالم على ما اعتقد عام 100ورضمه انسحبوا لنهم طلبوا منهم يلعبون بكنادر
وبعدين سالفة نادي ثاني برفحاء ما اعتقد خلهم يشلون الشيبااااااااان الي تلعب ويعطون فرصه للشباب
وابشر بالخير

راح نشكل فريق منتديات رفحاء علينا المال ومنهم الجهد

دمت بخير

[منبع الثلج]

اوما سالفة الشيبان هذي معاااااااااااااانات .. اجل ناس تدرب وبوقت المباراة يجون لعيبه متكين ببيوتهم ....؟!!

قلت لك نادي التضامن هذا غسسسلت يدي منه .. لو يسكرونه ويحولونه صالون حلاقه افضــل لهم خخخخخخ

..............

وفريق منتدى رفحاء ماعليه خوف بما ان الفلته انا طال عمري معكم .... تبيني مدرب . تبيني لاعب .. تبيني لقاط كور .. تبيني موزع صحاة . ماعندك اي مشكله ..> وين اللعيبه بس يشوفون الإخلاص لشعار الفريق ههههههه


،،،،،،،،،،،،

شطحه / أتمنى التوفيق للجزائر وكوريا الجنوبيه واليابان واستراليا في نهائيات كأس العالم .. واتمنى لكوريا الشماليه الخروج من الدور الأول

[شامي الدهيمان]

على طاري الشيبان اذكر مرة من المراريرر كنا بدورة بالفيصيلة والمباراة حامية الوطيس

الا والشيايب داخل الملعب يدور ولده ومعه عجراااا يقول إنا قايل له لا يروح للخايبه والشباب والحكم يغيبونه بينهم ويقولون ما هو عندنا

واكيد فريق المنتدى ماعليه بوجود امثالك وامثال ابو ركبه قصيدي الزوبعي

دمت بخير وبالتوفيق للجزائر

[Ķāяєżmā]

والله الشباب فالينها اهني

يالله ديروا القهوه

والا تدرون ايسكريم احسن

[شامي الدهيمان]

حياك الله والديوانية ديوانيتك

وأنت صادق الايسكريم أفضل الجو حااااار

ننتظر صفحاتك

[شدقم]

اذكر مره كنا نلعب بالحارة مع فريق حارة أخرى وكان الجائزة علوك

يالزين ذيك الايام

[الصرح]

الله وش الديوانية الزينة تصدقون توي أدري بها و ...<< خلاص مصدقينك لاتحلف

يا ملا العافية يابو سلهم... ومبروك التأهل لدور الأربعة ... جمهور الأهلي راقي فعلا

أومااااااااااااااااااا الجائزة علوك هههههههههههههههههههههههههههههههههههههههههههههه

بالنسبة للذكريات أكثر شيء ثابت بالذاكرة قصص الحكام وبهدلتهم و أهانتهم من الفريق المهزوم ... نشبه حال حكام الكرة السعودية الآن..

[شامي الدهيمان]

حياك الله يالصررررررح ومنور والله يبارك فيك لو ما نستاهل التاهل لكن احسن شي دقت خشم البلطان

........... ياكثر ما انغسلوووووووو كانت الخلاق تجارية ماهي رياضية

احترامي

[ثاني التومي]

ممكن أسجل بنادي المنتدى ..!

بس تراني حارس هجوم ..

[شامي الدهيمان]

حياك وبياك على الرحب والسعة

عين فراش وعين غطاء طال عمرك

نبي ذكريات الربيع

[همّام]

حارس هجوم
يمكن تسجل بغير لعبة القدم : )

والله يحييك ويا هلا بيابة عن المعازيب

[مهيد الشمري]

..

كنت أتابع المباريات بشغف ..

ولا أترك أي مباراة لـ أي سي ميلان .

لكن هذه الليله .. يتعبك ميسي

يشبعك ميسي .. أربع أهداف و ربما القادم أكثر

مع العلم بأني لست متابع لكن من بجانبي متابعين ..

هنيئا لكاتالونيا ..


.

[شامي الدهيمان]

حياك الله نورت الموضوع

مسي عالم آخر