استري بناتنا ياكلية رفحاء بالصور !!

[قلب الأســـد]

بسم الله الرحمن الرحيم

احيانا وفي حالات كثيره يكون السكوت افضل من الكلام

ولاكن ان الامر يتعدى حدود المعقول ويكون السكوت عن ستر

بناتنا واخواتنا لن نرضى ولن نرضخ حتى يشاهد المسئول بام عينه

مدى الاستهتار والتسيب وعدم المبالات !!

هذه الصور التقطة من حرم مبنى الكليه للمبنى المجاور الذي يكتض بالعماله والتي تتفرج على بناتنا من الصبح حتى ساعات الضهيره

والسوال هنا الى كل رفحاوي غيور

كيف لو حدث العكس والتقطت الصور من المبنى المجاور الى الكليه ؟


http://im1.gulfup.com/2010-09/12856221981.jpg (http://www.gulfup.com/)

[أرطبون العرب]

^
^
وش تبيهم يسوون ؟
ما أحـد لـه أي كلام أو أي تعليق حتى من يخصـه الامـر
لان العـذر جـاهز وهو (هؤلاء عمالة يشتــغــلوون )
شششششكراً لأهتمامك

[قلب الأســـد]

^
^
وش تبيهم يسوون ؟
ما أحـد لـه أي كلام أو أي تعليق حتى من يخصـه الامـر
لان العـذر جـاهز وهو (هؤلاء عمالة يشتــغــلوون )
شششششكراً لأهتمامك

وشلون وش يسون يابن العرب

لوكانت هذه العماله ترقب لمنزلك

ماذا انت فاعل هل تغضى الطرف


اننتضر سقوط الفاس بالراس

[شمـــاليه]

وش دخل الكليه؟
رح يم المندوبيه وعلم الرجاجيل المسؤلين والا تبون العميده هي اللي تطق الشينكو على الجدران؟
حلوووه ذي

[فوزي الشمري]

الشكوى لله عاد..

لازم يحطون شينكو..عازل..

[قلب الأســـد]

وش دخل الكليه؟
رح يم المندوبيه وعلم الرجاجيل المسؤلين والا تبون العميده هي اللي تطق الشينكو على الجدران؟
حلوووه ذي





انا اروح واعلم الرجاجيل ههههههه ابي اخطب انا >>>مداعبه

والعميده وش دورها يالشيخه

[القعقاع]

مشكوور أخي على التنبيه


والبنت الي تحافظ على نفسها تلبس عبايتها من داخل المبنى


أما الي تقوول شلون وكيف يعله ماتعّود


وفعلا مثل ماذكرت وش فايدته العميده أذا ماتدخلت بها الحالات


والمفرووض من شافت الوضع كذا تدق وتقوول مهو لما أحد يصوور


عموما :مانبي نظلمها يمكن دقت ومحد عطاها وجه


تقبلوا مروري

القعقاع

[khaled980]

كاتب الموضوع أحد المصابين بمرض فوبيا المرأة ..اسأل الله له الشفاء

[شامي الدهيمان]

يعطيك العافية على حرصك

ولكن لم تطرق للحل .

الوضع معتاد عليه لو كان بجانبك منزلك منزل يبنى حتما ستصبح بهذا الموقف . واكيد النساء ما تطلع للحوش الا وهي متغطيه
ونفس الوضع لمن تريد الستر وهي ذاهبه للكلية . والعكس صحيح

[الحريم]

كاتب الموضوع أحد المصابين بمرض فوبيا المرأة ..اسأل الله له الشفاء



ياشينك وشفيك على الرجال ماجاب الا خير

[ابومحمدالزوبعي]

شكراً لك على غيرتك أخي قلب الأسد
بما أن المشكلة مؤقته يمكن لعميدة الكلية أن تعمم على الطالبات الا يخرجن الا بلباس ساتر لأن المكان يعتبر مكشوف
نسأل الله أن يستر على بنات المسلمين

[الدب الداشر]

الستيره .. ستيره , لو بغو ينظرون
والهبيله , هبيله , هبيله .. لو بصحن الحرم

[ابو متعب]

ذكرتن بطاش ما طاش

[قلب الأســـد]

كاتب الموضوع أحد المصابين بمرض فوبيا المرأة ..اسأل الله له الشفاء

وانت مصاب بمرض الجرب والعياذ بالله

ابتعد عن متصفحي ياطحلب .

[هند رفحا]

والله على ماسمعت مافي دراسه لين يخلصــون .

واذا درست وما خصلوا شغل تجلس بقاعتها .

وبعدين وش اللي يخلي البنات يفرفرن اقعدي بقاعتس لين يخلصون هالعمال شغل
وعقب فرفري لين تقولين العيد باتسر .

[ملكة نفسي]

مشكوووور اخوي ، الله يعطيك العافية على حرصك وغيرتك
دمتم

[بلقيس]

قلب الأسد
.
.
.
لابد ان العميدة قد نبهت عليهن ولكن يظل هذا الأمر مسؤلية الطالبة بالمحافظة على نفسها
والامر كمايبدو واضح للطالبات ان هناك رجال ويقومون بالعمل
الله الهادي

[ريانه]

المسؤول الاول والاخير هو إدارة الكليه
وإذا الادراة غفلت عن هذا يجب تبيهها !!

عندنا في جامعة سعود بالرياض يتم البناء ليلا ً وفي النهار يتوقف كل شئ ..
وكل ترم طالع لنا مبني جديد او توسيع او ترميم

وكذلك صيانة المباني ونظافتها وسقي المزروعات كلها تتم مساء ً


تحياتي

[الشقردي]

تصدقون لقيت حل وهو اصدار قرار بمنع اي بناء قرب الكليه وازالة جميع المباني المجاوره لها
ياخي ناس وجالسه تشتغل تبيهم يمنعونهه
ياناس كبرو عقولكم البنت اللي تبي الستر ماطلع الا وهي متغطيه وداخل القاعه ماحد داخل عليها

[معذب طريق عرعر]

مشكور على حرصك والله يكثر من امثالك

[النشمي عناد]

مشكورررر أخي الفاضل .

[فزاع]

وش دخل الكليه؟
رح يم المندوبيه وعلم الرجاجيل المسؤلين والا تبون العميده هي اللي تطق الشينكو على الجدران؟
حلوووه ذي


اعجبني رد اختي شماليه ولا اريد التعليق على الموضوع يكفي رد اختي شماليه

يعطيك العافيه