نادي نسائي بمحافظة رفحاء

[ناصر الـشمري]

بسم الله الرحمن الرحيم

السلام عليكم ورحمة الله وبركاته

فكره او اقتراح :ebt2027:
اقدم لكم موضوع لنقاش الجاد هل لديك ثقافه! عاليه او لديكي ثقافه بارعه ردي على الموضوع

موضوعنا بهذا اليوم عن النساء ليش مايكون لهن نادي ثقافي يوجد فيه قوى وغيرها من الرياضه

مثلا السباحه واشياء اخرى من الرياضه ويكون نادي نساء نفس الرياض وجده والدمام وغيرها من مناطق المملكه متوفر فيها نوادي نسائيه اعتقد انه شي جميل ونافع لجميع النساء
اعطوني رايكم بالفكره

مثلا لو فتح بمحافظة رفحاء نادي نسائي يكون افضل من جلوسهن بالحدائق والاسواق وغيرها من الاماكن.


و ذكرت لنا احدى النساء انه مثلا تقول طفشانه وين تبوني اذهب اكيد اطلع لسوق لاضيع الوقت والطفشش
لو فتح نادي نسائي بمحافظة رفحاء
يكون كل رجل يرتاح من زوجته ويريح
نفسيتها ونفسية ابنائه الصغار.
ملاحظه/
يكون امام النادي مكتب خاص لرجال الهيئه يتابعون جميع التصرفات ألغير لائقه.

واعتقد ان يكون النادي, فيه كفترياء او كفي ويوجد من المشروبات الصاخنه والبارده وتحت ادارة نساء
يكون تطور جميل لو كانت تبي تجلس مع صديقاته بالنادي يتجمعن وياخذون" راحتهم علما يكون فيه محاظرات دينية . ليستفيدو ان شالله وغيرهاا من الاشياء النافعه.
وتحت رسوم بسيطه اشتراك 200ريال شهري


ملاحظه / يوجد بنفس النادي نادي ترفيهي لصغار من عمره 6سنوات الى عمره 10 سنوات
وتوجد حضانه لأطفال الصغار
س
_1هل تؤيد هذا النادي اذا كنت مؤيد اعطني ليش ايدته ؟
س
_2واذا غير مؤيد النادي اعطني ليش ماتؤيده؟


.
مع تحيات
ناصر الشمري

[شمـــاليه]

والله اقتراح زين ونبي دعمه من اساتذه واستاذات ونبي محاضرات دينيه ودنيويه بعد زي تطوير الذات والتعامل مع الاخرين
انا مع الاقتراح جميل جدا

[الدب الداشر]

ناصر يبي مكتب هيئة وشماليه تبي تحط محاضرات .. وش السالفة .. تبون تفتحون نادي والا مرقص ..؟!

فكرة رائعة , وأقترحت الاقتراح على محمد سعيدان بصفته صاحب النادي الخاص الوحيد .. ولا اعلم شيء عن موافقه ..

مشكور حجي ناصر .. يعطيك العافية ..

[ريانه]

طيب واللي ماعنده ثقافه عاليه او بارعه مايرد ^__^


شي حلو بس 200 لها وعيالها اشتراك شهري عزالله خسر المشروع

انا مؤيده
لاني جربت الاشتراك الشهري للرياضه بنوادي وجربت الجلسات مع الصديقات والقريبات فقط بنوادي ثانيه

احنا نبغى مكان للرياضه ومع المجوعات نتشجع هذا شي
الشي الثاني تعلمت السباحه وانا صغيره بنادي

لتكون ناوي تفتح نادي وتسوي دراسة عن مدى تقبل الاهالي للفكره ؟

تحياتي اخي الكريم

[ناصر الـشمري]

شماليه مشكوره على المرور ويعطيك العافيه على وجهة النظر وشاكر لك الراي

[ناصر الـشمري]

ريانه صدقتي اختي بهذي الوجهه الرائعه من انسانه مبدعه

وشكرا لك على المرور ويعطيك العافيه على المشاركه

[ناصر الـشمري]

هلا دبدوب منور صفحاتي مشكور على المشاركه انا اقدم اقتراح سليم ودرسته من جميع

الوجهات والمشروع ناجح وان شالله عن قريب راح ينفتح النادي بس نبحث عن مكان يناسب هذا النادي

علما يكون كرت مع كل واحده مسجله بالنادي اللي مايحمل هذا الكرت مراح يدخل بمكان الاستقبال

ومقابل البوابه مركز لرجال الهيئه يبعد عن البوابه 150 متر ووجود حارسه وليسى حارس بغرفه

متوفر يها اجهزة كمرات تحت ادارة نساء

وعلما الجوالات الكمره ماتدخل النادي نهائي

من تحمل اي جوال كمره مراح تدخل لان يكون فيه جهاز تفتيش حديث

مايسمونه الاقط

وشكرا لك ولمرورك الرائع وتقبل تحياتي

[أرطبون العرب]

بما أنك قلت لنقاش الجاد أنـا جاد مــعك .
بسسسسسسسسسسسم الله .


إذا كان المفهوم أنـه مثل ماتقول حديقة محووشه ومزروعه ولايدخـله إلا النسساء
وبها ندوات وبوفـيه وفيشششششار وذرهـ .
هذي فكـرهـ حلـوهـ حيل بالحيل وكانك تبي الدخـول بمقابل تلقى الحربم متكيات
بجنب النـاادي . ^ـ^<<حريم رفحـاء أنت ماتعرفهن .


أمـا سالفة المسبح ياهي قويييييه تخــيل أم فلان تسبح على ظهر وأم علان تجي تركض
وتبي تقمـز وتطيح <<^ـ^ تقمز = تقفز بالهواءهههه
طيب وش لون تسسسبح لابست عبات أكيد لا ’,’ أجل الحريم تبي تجمـع
ويبي يبدا الاعــــجــــاب من جــديـــد

مششروع ششبه فاشل . <<لا ياولد

[عروووبة]

^
^
ياليت تحطون غرفة امانات ويكون فيها صناديق اقدر احط فيها غراضي وجوالى
واخذ المفتاح معي وتكون هناك مسؤلة عن الغرفة . . .

[عروووبة]

انا ودى اتعلم ركوب الخيل
مابو قسم لتعليم ركوب الخيل والرماية والكراتية

وربي اتكلم من جد . . . .

[ناصر الـشمري]

بما أنك قلت لنقاش الجاد أنـا جاد مــعك .
بسسسسسسسسسسسم الله .


إذا كان المفهوم أنـه مثل ماتقول حديقة محووشه ومزروعه ولايدخـله إلا النسساء
وبها ندوات وبوفـيه وفيشششششار وذرهـ .
هذي فكـرهـ حلـوهـ حيل بالحيل وكانك تبي الدخـول بمقابل تلقى الحربم متكيات
بجنب النـاادي . ^ـ^<<حريم رفحـاء أنت ماتعرفهن .


أمـا سالفة المسبح ياهي قويييييه تخــيل أم فلان تسبح على ظهر وأم علان تجي تركض
وتبي تقمـز وتطيح <<^ـ^ تقمز = تقفز بالهواءهههه
طيب وش لون تسسسبح لابست عبات أكيد لا ’,’ أجل الحريم تبي تجمـع
ويبي يبدا الاعــــجــــاب من جــديـــد

مششروع ششبه فاشل . <<لا ياولد



ارطبون العرب دخلت بكلمة حق بس حنا لدينا المضاد لهاذي التصرفات عارفينهم وعارفين تصرفات اكثر النساء

كيف اوصل أليك وجهة النظر ايوه وصلنا اليها

تكون نفس صالات الزواج محوطه بسور ولديها اجهزة كمره حديثه تراقب الاماكن المحيطه بالنادي

وتحت ادارة متطوعات ولديهم شهادات من تحفيض القرآن

من نسبة تقل السعوده ومن يستفيد النساء

اما ام افلان تعلم السباحه وليش وش فيها لو تكلمت الكونفو واصبحت ملاكمه هههههه


نمزح وشكرا لك وماعليك لا تخاف حنا هذي الفكره مدوسه من قبل دكاتره لتقديم المشروح

وعلما ان النادي هذا يكلف مايقارب 3 مليون ريال من غير توفير الرواتب

يعني اذا ماسجلت ام افلان بالعون خسرنا هههههههه

[ناصر الـشمري]

^
^
ياليت تحطون غرفة امانات ويكون فيها صناديق اقدر احط فيها غراضي وجوالى
واخذ المفتاح معي وتكون هناك مسؤلة عن الغرفة . . .



:109: وشي غراضك اللي مزعجتنا فيهن مرايا ومكياج ومشط ومفتاح وهذي اغراضك

اللي يسمع معك مليون ريال انتي رايحه لنادي منتي طالعه لزواج او صالة افراح
:bb24: هذي ام فلان تبي تعلم السباحه
مشكوره على المرور وشكرا لك على وجهة النظر

[عروووبة]

أخي ناصر أتمنى تمر على الرابط التالى بالذات الفقة رقم (( 3 ))

http://rafha.galaxisweb.net/vb/showthread.php?t=40331

وتابع الردود هناك

[عروووبة]

طيب النادى مايبين احمل فلوووس . .!!
ولا تبونه مجانى ..!!

مثل شنطتى بها
( جوالى ابو كمرة وصرافتى وفيها مبلغ كيت وكيت . )
يمكن اجيب الابتوب وبعدين ابى اصرفه لأنى ابى اروح اتمرن وين احطه

عباتى وين احطها ابلش بها . . وكنا نعانى ايام الكلية من سرقت عباياتنا . .
هذي اغراضى

.
.

[ناصر الـشمري]

طيب النادى مايبين احمل فلوووس . .!!
ولا تبونه مجانى ..!!

مثل شنطتى بها
( جوالى ابو كمرة وصرافتى وفيها مبلغ كيت وكيت . )
يمكن اجيب الابتوب وبعدين ابى اصرفه لأنى ابى اروح اتمرن وين احطه

عباتى وين احطها ابلش بها . . وكنا نعانى ايام الكلية من سرقت عباياتنا . .
هذي اغراضى

.
.


ازعجتينا بالعبايه اللي يسمعك عبايه حرير كلها بلاستيك ب ـ 1200 ريال وبعد الخصم تطلع 80 ريال

وبعد الترجي وزبونة المحل تطلع 50 ريال بعدد التردد على المحل تطلع 30 ريال وبعدد تنشيف الريق

تطلع بعشرين ريال واخرته 10 الحين وعشرين اخر الشهر وهذي عباتك ههههه امزح

[ريانه]

من جد بتسوي المشروع ؟
شي حلو الله يوفقك ..وكلام عروبه عن الدواليب عن تجربه مانجحت لان الوحده تطلع وماترجع احيانا ومعها المفتاح وابلش انت عاد بتكسير الدولاب وتغيير الاقفال :)

<< عروبه هاتي معك عامل يشيل قشك :bb24:
ههههههههههههه

بس حسب علمي ان مافيه تصاريح لانشاء نوادي
اللي اشوفه مسمى علاج طبيعي تابع لمستشفى او مستوصف وهو في الحقيقه نادي لكن مع بعض ( الرش ) تمشي الامور وهذا لاادري عن حكمه
مافيه الا نادي المناهل اللي استثني من القاعده لانه في حي السفارات وناددي الضباط >> يتبع وزارة الدفاع

<< تحمست مسكت خط ^__^

[ناصر الـشمري]

مشكله الثقافه وش عرفك لسوالف هذي كلامك صح يكون مسمى النادي ولدينا طريقه تمكنا لفتح نادي

ومن المعروف لدينا شريك وانتم عارفينه يعني رايح يفتح بس انتم اعطونا الموقع

والصراحه انتي خطير ه مرهـ بس لا تخافي الطرق كثيره تمكنا لفتح النادي بس انتم سجلوو ماهو تخسرونا

وان شالله يفتح النادي حسبب الدراسه السنه الجديده بدائت الصيف


وشكرا لك على الملاحظه

[ريانه]

انا كنت مره في النادي وجاء مفتش من الوزاره وصارت حوسه وطلعونا وبعدها عرفت البيضه ومن باضها على قولتهم وصرت اسجل بعدها في نوادي كبيره :)

وعن التسجيل لايهمك انا اول وحده بتسجل بس افتح فرع في الرياض

موفق اخوي

[ناصر الـشمري]

موجد الفرع بالرياض وانتي سويتيه حوسه ودوسه والوزاره تفتش اللي يسمع سارقين
سرقه ماحنا فاتحين نادي هههههه قسم بالله اضحتني

واذا انتي حبه تشاركين بالنادي وجاده راح ارسل لك اسمه بالخاص لان الفرع متوفر بالرياض وجدهـ