على الهواء مباشروحصري [الأرشيف] - موقع رفحاء منتديات رفحـاء

مشاهدة النسخة كاملة : على الهواء مباشروحصري

إحسـاس

03 Oct 2010, 02:46 PM

سأذكر بيت او بيتين من الشعر وانتظر الرد من شعراء المنتدى:المجااال مفتوح

والبداية معي :

غدرت بي وانا عطيتك روحي
اجل وش تسوي بمن يغدر بك !

ميت فؤاد والا اظنك توحي
ولاني حسيبك تر حسيبك ربك
:bb24:

إحسـاس

03 Oct 2010, 09:45 PM

طيب انا برد على نفسي :

انا اعرف العلة واعرف اجروحي
واوعدك آآطى قلبي اللي حبك

وان قالت العربان لي وشنوحي
بحفظ غلاك الاولي : ( ما آآآسبك )

شامي الدهيمان

04 Oct 2010, 07:18 AM

صباح/ مساء الخير

ياليت توضحين اكثر . الوزن القافية . البيت لك ولا منقول . الهدف

دمتي بخير

شمـــاليه

04 Oct 2010, 01:08 PM

صح لسانك حمامه وكنت مشغوله والفكر مشغول اعذريني في عدم الرد
ولكني متابعه لك
قواتس الله,,

إحسـاس

04 Oct 2010, 01:20 PM

صباح/ مساء الخير

ياليت توضحين اكثر . الوزن القافية . البيت لك ولا منقول . الهدف

دمتي بخير

اهلا بالسلهومي ومساك عافية

ايوه ترد علي بنفس القافية

ومن ثم تضع ابيات جديدة بقافية جديدة ويرد عليك شاعر جديد وهكذا

ممنوع المنقول

الهدف : الشعب عايش بلا هدف ...:d

وانتظرك

إحسـاس

04 Oct 2010, 01:22 PM

صح لسانك حمامه وكنت مشغوله والفكر مشغول اعذريني في عدم الرد
ولكني متابعه لك
قواتس الله,,

لا شمالية كذا امل وازهق وبعدين اطير عن منتداكم << يعني مهمة

انتظرك << وكلنا مشغوولييين

شمـــاليه

04 Oct 2010, 01:32 PM

هلابتس حمامه.. :shy
والله اني مشغوله واخر ماكتبت ردي عليتس في موضوعك الاول ولي مده اصلا ماكتبت
يالله اقرا دروسي وارد بالمنتدى والحين معي كتاب سادس قواعد لولد ولد عمي
ست صفحات واجب قصم طارت عيوني عاد اكررررره القواعد :37:

إحسـاس

04 Oct 2010, 01:33 PM

انا ابرد على توقيع شمالية ثم اضع ابيات تردون انتم عليها :
يازيـن كانـي بعـد حـيّـك
لا تذبحن وانت تغليني

الرد:

ابعاملك بالردى زيك
واجوع الكلب يتليني

ماطبت مع خالك وخيك
وشلون اصدقّك تغليني

خليك متمادي بغيك
بنساك مادمت ناسيني

................................

تخاوت بقلبي مواجيع واغبون
مع غربتي اذوق مر السنينا

ان كانها الاوجاع بالقلب مليون
وان كانها الافراح صفر اليدينا

اضحك عبث وانا من الخلف مطعون
واجامل الدنيا وقلبي... حزينا

الرد : يالله شعراء

إحسـاس

04 Oct 2010, 01:44 PM

شامي الدهيمان

04 Oct 2010, 02:23 PM

ماني بلا شاعر ولا ني بقصاص ... لا شك اميز عدلها من عوجها

لتحريك الموضوع نبي نخربش إن شاء الله تعجبكم

......... الرد...................

قلبً من الايام والهم مغبون
"""" وغربة وهم ولاهدته السنينا
مع نوحة الورقة يجرنه اشجون
"""" وفي حزة المغرب ابليس اللعينا
الله يكتب له مع الاجر يلفون
""" " وبالآخرة يكتب مع الفايزينا
..................المشاركة .................................................. .......

ياخليف كا انك نويت المسايير
..... قلي ترى للقاهرة هزني شوق
ماني براعي صفر ولا مغاتير
..... ولاني من الي يبسط العصر بالسوق
في كبري اكتوبر مع حزة عصير
...... وراع الكعك تلقاه ياخليف مطفوق

همّام

04 Oct 2010, 02:48 PM

على الطاير خاصه للسلهومي وحسب : ) راعي البناء

يا صاحبي كانك تركت المسامير= وما عاد تشري لك حديده وطابوق
وباقي معاك من الذهب والدنانير=شين ينعنش من حجز مقعده فوق
يا صاحبي ما عاد تحتاج تفكير=مالك ودار القرق والحر والبوق
انحر لدار لا لفت حزة عصيير=قامت تدامع مزنها وتلمع بروق
اليا سرح شوفك خضار ومزاهير=وتسحّب انفاسك على طيب منشوق

شامي الدهيمان

04 Oct 2010, 10:20 PM

يا صاحبي الله يمسيك بالخير
×××× والله يكتب لك من عنده وفوق
سجة مساء ولا بعد سجة عصير
×××× مع اربعة ولا ثلاثة على الذوق
يم الطعوس وشوف حلو النواويير
×××وريح الخزامى والنفل زم زرنوق
اكيد له عندي معزه وتقدير
""" ولكن جدة غيرررروالقاهرة فوووق

همّام

07 Oct 2010, 12:55 AM

مصمم على القاهره
ما فيك حيله

ههههههههههه

أرطبون العرب

07 Oct 2010, 11:38 AM

رداً علـى القاهـرهـ فوق

ياحبيبي وش لك بالقاهرة وش لك
كـان تبـي تزور رحيم،ـاً والله ونعـم بك
وكانك تبي تركب ضرس ترها ماتجي منك
تعال يمي وأنـا أرطبون بالمخلاب أشلعه لـك
وياحـبيـبي قولتك للقاهره فوق فيها شك^ـ^

^
^
^
^
والله وصرت شششاعر ^ـ^<<زمن ههههههههه